الحلقة 136
بقلم لينا
بقيت لتم سمانة نروح للخدمة ونرجع لدارنا بابا كان ماكانش راح للخدمة وكما تقول يما راح يخدم ويتمعشق مع مرتو ثانيا في كبرو ومرات يجوها نوبات تاع الغش تخرج كل المنكوبات ليفي قلبها وهادا بسبة الغيرة ليحاكمتها وصح عندها الحق انا تزوجت وعدت نعرف واش هو الحب والغيرة ومنى نفس شيئ إسحاق هاجرها وحتا شعور تاعها وعدت نعرفو وحاسا بيها وعدت نصبر فيها ونصبر في روحي في نفس الوقت وآسيا قاتلي ليعليا درتو نصحتو وبعتو ليها بصح مايحبش يروحلها وقاتلي كيحب حقو نمدهولو ماش راح نحرمو مني وكيحب يبقى معايا نقعد معاه ليفهمتو من كلامها أنو راهي تتصاير مع طلباتو وخلاص _بعد سمانة رجعت لدار لقيت ندى ماش عاجبها الحال فت ديراكت بدلت قشي وخرجت عندهم للهول لقيتها هيا ورانيا يلعبو مع ولادها طلعت راسها و قاتلي علاه رجعتي ماش راح تفهمي روحك وزيد راجلك مابقاش ويقنعو بابا يتزوج ونتي كولي بعضك وحدك يابنت القتااال _كيقالت هكدا قلتلها اولا راجلي ماش راح يتزوج وماش راح تأثرو عليه وزيد بابا ماش قتال صححي ألفاظك_ايه أحلمي برك ياوجه النحس _ندى والله عيتييني خليني في راحتي مانعجبكش ماش محتما تهدري معايا _خرجت لعجوز من الكوزينة تسكت فينا بصح هيا بقات غير تهدر وتغلي حتا دخل مالك قالنا وشبيكم ثاني صوتكم راهو برا_قاتلو هادي مرتك قليلة تربية من الاحسن ربيها _ندى ختي مرة ليفاتت سبيت كسرت عيطت تبانيلي ماخفتي ماتعلمتي ومرتي نعرف هدرتها وكلامها قيس وقياس تعرف واش تخرج من فمها مالا ياختي ادا ماش حاملتها ماتبقايش تجي هنا بزاف هكدا ماتشوفيها ماتتناقرو _ناضت وقفت ليه وحطت يدها على خدها ياخااا على خويا يحاوز فيا من دار بابا بدات تخبط في رجليها ياناااس ارواحو تسمعو خويا يحاوز فيا عاد يسمع كلام مرتو وتمشيه وانا يقولي ماتجيش لهنا _وشبيكي نتي بركاي ماتندبي وماحاوزتك ماوالو _اسمع انا مرتك هادي موحال نتقبلها راح تبقا بنت هاداك الانسان ليخرج خويا من دار بهاديك طريقة وزاد كان سبب في موتو ادا نتوما قلوبكم حجر فأنا قلبي لحمة وماش راح ننسى خويا _ندىااا خلاص اسكتي سكتينا _دار خرج وهيا بقات تندب ولعجوز ورانيا يسكتو فيها حتا زادت دخلت سندس قالتي واش كاين كنت ندوش _قلتلها من بعد ورحت موراه لقيتو قدام الباب تاع برا يتكيف _مالك _قرب ليا ودخلني للكولوار وين خارجا نتي بشعرك هكدا يشوفوك لجيران واش تحتاجبي_واش رايك نروحو لدارنا _ادا حابا تروحي نوصلك انا راح نبقى هنا _تنهدت وقتلو ماعليش اديني نجيب شوي قش باه نلبس ونرجعو _اوك روحي لبسي تلقايني فطونوبيل _رحت زربت لبست وخرجت خليتها تغلي كون صابت كون تلاحت ليا _خرجت عندو ركبنا وصلنا لدار طلعنا فتح لباب ودخلنا رحت لاشومبر لقيتها مقلبة باين كان يجي هنا بزاف _جبت فاليزة لميت شوي قش ليا وهو تقريبا قشو كامل داه لدار العايلا كيخلصت رحت لصالون دخلت عندو طلع راسو ليا _خلاص كملتي نروحو _ايه كملت _وقف مشا كيوصل ليا قالي هيا _مالك تشفى لهاديك ليلة ليجوزناها هنا _ايه نشفى _وهانت عليك هاديك الفرحة والحب _كيفاه يعني _حكمت يدو وقتلو خلينا نرجعوهم فحياتنا ماش راح تحبس بصح ادا كملناها هكدا بهادا البرود والبعد والتجاهل والنفور راح تكون تعيسة خلي يدك على يدي وننساو همومنا وكما سبق وقلت نحاربو مع بعض انت كنت تحارب وحدك وانا كان حبي ليك يتبعك حتا وصلنا لهاديك المرحلة ونتا حبست وانا كملت في بلاصتك بصح درك حابا نحاربو لزوج مع بعض ونقويو علاقتنا كتر وكتر بالحب والثقة والاحترام بصح البرود راح يجيب غير النفور والكره درك أنا لينطلب منك فرصة ونتمنى تفهم كلامي وتخليني نعالج قلبك المكسور عارفا بلي هاديك الليلة ويماك راح يبقاو مدفونين في قلبك بصح حابا الحب تاعنا يحيي مشاعر جدد واش رايك مالك تقبل تمد فرصة لحياتنا _كنت نهدر وهو غير يشوف معايا وحاكم عليا نظرة فالأخير هزز راسو وهزني داني لشومبرة حطني على سرير وبدا ينحيلي فالخمار وقالي وعلاه ليعندو منار يقدر يبعد عليها ولا يهجرها صح انا كنت بعيد عليك بصح قلبي كان معاك عينيا كانو يتبعو فيك نتي برك ماكنتيش تحسي برودي كان لسبب واحد برك وهو موت يما مشاعري تخلطو في بعضهم ماقدرت نحقد عليك ماقدرت نرجع طبيعي _حاوطتو بيديا على رقبتو من لور وقتلو ماعليش نخلوها ليام هايا ليترجع كلشي كما كان بصح لازم تعاوني باه نقدرو نخلو هادا الركام تاع القلب تاعك يرجع يحيى من جديد ويتبنى على الحب وبس _ااااه يامنار كلامك شحال حلو ويريح تبانلي صح كنت غالط كيبعدت عليك وحرمت روحي منك ظهرتي نتي هيا دوايا وأنا معمي وماش قادر نقاوم نفسي عليك _كان راح يبوسني حبستو مالك تواحشت كلمة حلوة منك _شاف ليا وتبسم في وسط نظرة كانت دبلانة قالي نحبك نعشقك نفنا عليك _وانا نموت عليك وهكدا تفاعلت معاه وعشنا ليلة حمراء على اوتار وأنغام مشاعرنا وأحاسينا ........وياخوفي تكون غير شهوة ولحظة ضعف برك بصح نهار تاع غدوا هوإمتحاني صعيب .وياااريت سمعت كلامو .
أنت تقرأ
ركام قلبي
Ficção Geralمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
