#ركام قلبي
الحلقة28. #بقلم_لينا
ناض وقف وتكى على البيرو وربع يديه جاء مقابلني قدقد وقالي ديريني فايز درك ماش الأستاد ياولوكان هاد لخمس دقايق ومبعد أنساي كلشي صرا هنا وصارحيني _بواش نصارحك مافهمتش _قبل مايخلاص الدرس بعتيلي ميساج كنتي مليحة بعدها تبدلتي علاه _هبطت راسي وقتلو ماعنديش جواب _لا عندك انطقي حاب نسمعك _شفت معاه وقتلو نتا وروميسة واش كاين بيناتكم _شفت عينيه تبسمو قالي سؤال هادا جاوبتك عليه من قبل ماكان والو بيناتنا من غير صداقة عادية _بصح هيا على حساب كلامها العكس _ونتي صدقتيها _مانعرف ماقدرتش نصدقها وفي نفس الوقت حاسا بيناتكم حاجة كما قبيل _مالا على حساب كلامك راكي غيرتي _هززت براسي لالا انا واش دخلني فيكم _منار نتي عينيك يكشفوك والجاست تاع ليوم زاد كشفك لقيتو وقف مليح وزاد قرب ليا قالي ماتخبيش حبك ليا كتر من هكدا راني كاشفك درك وحتا حبي ليك راهو يزيد يوم بعد يوم ومن غيرك ليفقلبي خلي هادا لكلام في راسك وماتنحيهش من بالك نهائيا ونستنا فنهار والوقت والزمان المناسب باه نصارحك واش مخبي عليك هادا القلب _استاد وااش راك تهدر منك بصح نتا _ماش حاب نفوت حدودي معاك بصح راني متأكد بلي قلبي صايي ملكتيه نتي وحدك وبعد مانخرج من هادا الباب راح نخليكي مخبية فيه حتا يوصل وقتو ونبرهن اقوالي بأفعالي .هز حوايجو وخرج وخلاني من داخل فرحانة ومن برا مصدومة وهادا شيئ خلا نهاري زين وعامر نشاط كيرحنا للخدمة بقينا تم حتى 5 تاع لعشية وجاء اسحاق قاتلي منى نتي نسيتي واش قوتلك توصي خوك _ايه نسيت درك نقولو _لا ماش قدامي خليها حتا توصلوني نحشم _ايه ماعليش هيا هاهو جاء إسحاق .ركبنا ديمارا وصلنا لبنات وفطريق حكيتلو على طفلة كما وصاتني منى قالي ايه تجي عندي نفريهالها .كان يهدر كلمة وقص وانا ماحبيتش نزيد عليه عارفا كيكون في هاد الحالة يعود مايتحملش .وصلنا لدار هو طلع وانا دوشت وصليت غير كملت نسمع في عياطهم لفوق طلعنا عندهم فتحلنا الباب قاتلو يما وشبيكم نتوما زوج استهدنو بالرحمان وبركاو من المشاكل ولعياط _شوفها هيا ليقالبا خليقتها عليا نهار كامل .عندي شحال وانا ساكت ونقول الله غالب راهي تتعب بصح كترت انا نحب ندخل نشوف مرتي تتبسم تضحك تحكي تناقش ماش قالبتلي وجها ومنايفتني وقتها كامل مقابلا هاداك البيسي ووراقيها _قاتلو نتا مشكلتك البيسي وقرايتي ياك كسرتي راسي من سيرة هادي مالا دقيقة _راحت جابت البيسي وخبطتو فالحيط وزادت فالارض تخلعنا من تصرفها هادا _قالها نتي مهبولة مافيكش عقل علاه تكسري فيه _قاتلو اصبر دخلت للبيت وجابت وراق زادت قطعتهم قاتلو ابرد اتهنى كرهتني في جد الجامعة ولقراية ولخدمة والحلم درك مابقا والو بطلت مانقرا مانخدم كرهت مليت عيتوني من كل جيهة ادا راجلي مالقيتوش سند في حياتي فيمن نطمع مالا خلي قلبك يبرد مليح وصرا كما حاب نتا نحكم داري ونسكت.
أنت تقرأ
ركام قلبي
Ficção Geralمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
