ركام قلبي

الجزء 16

#ركام_قلبي💗
الحلقة 16.   #بقلم_لينا
بقيت غير نحوس فيه من ومن ميموار ماكانش منار وشبيك واش غبرلك _وقفت تفرفشت وزدت طابست للبيسي ونحوس استاد الميموار ليحضرتها ماكانش _كيفاه هادا .بعدني من دراعي وبقا يحوس كيف كيف ماكانش طلع يديه لزوج وينهم منار؟ علاه كلشي فارغ اصبري نشوف مليح قعدت شفنا لقينا غير اجزاء صغيرة برك ماكاين والو تقول شكون فتحو وسوبريما كلشي _قالي وينهم علاه ماكاين والو منار فهميني وادا راكي تلعبي عليا خبريني ماش حابا تخدمي معايا الميموار ماكيش مجبورة وبلا قوالب ماش ناقصني لعب الذري _شعلت فيه ونسيت على روحي نتا واش راك تخلط وتروي فالهدرة شكون قالك نكدب وندير فلقوالب وزيد راني كبيرة ماش صغيرة وادا كنت ماش حابا تكون معايا موحال نخليك تتقرب وتحط عينك فالميموار تاعي _مالا واش صرا حتا كلشي ماكانش وين راحو _ماعلاباليش ماكانش مافهمتش اخر مرة راجعتها معاك وكنا نحضرو فيها مع بعض من هاداك نهار مازدتش فتحت البيسي للدرك  _لثانية تفكرت هاداك نهار وشفت مع روميسة نضت عندها قلتلها نتي ياغيارة ياك نتي سوبريميتي كلش_وشبيكي نتي واش دخلني انا فيك_قالي فايز منار علاه تتهمي فيها وزيد ياك البيسي تاعك بالكود _ايه  هيا هاداك نهار لقيتها واقفا مورايا راني ماش شاكا متأكدة بلي نتي سوبريميتي كلشي بصح كيفاه ووقتاه ماعلاباليش لهادي الدرجة حاقدا عليا واش درتلك _روحي بعيد مني بركاي ماتتهمي فيا خاطيني فيك _شعلت فيها ماخليتلها والو ماقلتوش لي فلقاعة كامل يتفرجو فينا يارخيسة كلبة والله غير نتي ليلعبتيها بيا حاباتني ماننجحش ياك حابا تحطميني بعد ماوصلت ماقدرتيش تشوفي ناس يمدحو ويشكرو فيا  ولا في بالك حاجة خلاف يالكبولة المكلوبة _حكمني من دراعي منار اسكتي واش هاد لكلام  حطي عقلك غي راسك وتهدني _مانركح مانتهدن خطيني _نطق واحد من ليكان تم قالي سمحيلي نشوف البسي تاعك راني نفهم فيه شوي بالاك نلقالك ميموار _ايه مادابيا .رحنا قعدنا موراه بقا يخلط فيه قالي ماكاين والو حتا دوبل لينورمالمو البيسي يحفظ هادوك المعلومات ياولوكان تسوبريمي ماكانش _درت ليها جيت راح نتلاح عليها حكمني _يارخيسة والله تسلكيها غاليا عملتك ماش راح نسكتلك عليها .قالي  منار استعقلي قوليلي الميموار تاعك حاطتها فالامايل ولا نو _لالا جامي حطيتها فيه ولا بعتها كنت موجدتها غير فالبيسي وزيد حتا نسخة وماكانش .قالي هاداك الجان ختي البيسي تاعك يبان مفورماطي جزء منو يعني معلومات فيه تفاصاو نهائيا _حكمت راسي بزوج يديا ونبكي قلتلهم حسبي الله ونعم الوكيل فليكان السبة الله يحطمكم كما حابين تحطموني وخرجت دنيا تدور بيا عقلي مشوش حسيت احلامي تهدمت ولا ركام على راسي رحت قعدت على لكراسا لبرا ونبكي بصوت ونشهق غاضني تعبي ليراح خصارة ليفوت عليا يبقا يشوف .حتا لقيت فايز قعد قدامي _منار علاه دايرا لعمرك هكدا _واش حبيتني ندير مابقاش بزاف باه نسوتني وكنت تقريبا محضرة كلشي وشفت بعينك _واش رايك نخرجو من الجامعة شوي ندورو وترحي _شفت معاه _ماتستغلش ضعفي في مصلحتك ماش راح نخرج معاك _منار علاه فاهما العكس والله حاب نعاون نفسيتك برك علابالي ماش ساهلا عليك واش صرا _ليصرا كبير عليا بزاف ورميسة متأكدة بلي عندها يد _قالي هاديك نخلوها لمبعد ماش وقتها  درك لازم تقوي نفسك كتر من كنتي وتعاودي من جديد _كيفاه نعاود مانقدرش هادا ليحضرتو كان في شهور  ولو كان مخلط بصح كنت راح نضمو ونريقلو معاك ودرك خرجت بنقطة صفر _مالا نتي من نقطة صفر هادي تبداي من جديد وانا نوقف معاك ونعاونك للآخر _كيفاه تعاوني ماتقدرش انا نخدم فسبيطار ماعنديش وقت بزاااف _خدمتك خليها عليا عندي معرفة درك نفريها ونعودو يوميا نتلاقاو هنا ونحضرو الميموار من جديد وكيتكوني فدار نبقاو على اتصال مع بعض وادا فليل ماش راح ترقدي راح نسهر معاك لصباح من بعيد .و راح نعاونك ونحط يدي على يدك وندير هادي المذكرة كأنها تاعي أنا وراح نتعب معاك واكيد تستاهلي ونوعدك راح نخليك تتخرجي من الأوال ماش بمعرفتي وإنما نخليك تكوني من الأوائل بإجتهادك وانا موحال نسمح فيك ونخليك في نص طريق راح نكمل معاك حتا للأخير ونمدلك كتر ماعندي  .هدرتو عجبتني ريحني شوي وعطاني أمل من جديد وخلا حبي فيه يزيد خلاني نزيد نتعلق بيه كتر وكتر ومن هادي نقطة الصفر راح تبدا رحلة تاعي الأليمة راح يبقى غير الغبار يطير فوق راسي .