ركام قلبي

الجزء51

#ركام_قلبي
الحلقة 51.     #بقلم_لينا
مافطنت غير كيحسيت بماء فوق وجهي وصوات بعيدة عليا وحسيت بلي راني قاعدا فالارض وجسم ورايا متكيا عليه وريحتو مازالت قريبة مني فالاول ماقدرتش نفتح عينيا كانو تقال وشغل مازلت في عالم خلاف  بصح نسمع في صوت سندس تقولو واش درت لطفلة ياك وعدتني ماديرلها والو غير تحكي معاها برك _رجعلها ايه مادرتلها والو حتا لقيتها داخت _فتحت عينيا بشوي  لقيت سندس مقابلتني وهو قاعد فالارض مورايا ومسندا عليه  غير شافتني سندس قاتلي حمدلله كيفطنتي راكي مليحة  _هززت براسي ايه _لقيتو ناض وقالي هيا نوضي أقعدي على الكرسي خير _شفت معاه ونضت رحت قعدت تولهت للخمار مفتوح على رقبتي زربت غلقتو وسترت روحي طلعت راسي ليه لقيتو حاكم فيا نضرة وحدا بصح درك يشوف معايا نورمال كما اي إنسان عادي دور روحو وهز من طابلا  فيتاجو قالي اشربيها بالاك سكر هبطلك _حكمتها عليه وشربت شوي قربت ليا سندس ودرك راكي تحسي روحك مليحة _ايه مليحة بصح خرجيني منا _شافت معاه هززلها براسو بلا وقالها اخرجي  وليت وقفت قالي نتي ماعندك وين تروحي كلامي ماخلصتوش معاك _رجعتلو سندس نتا وشبيك ماراكش تشوف فيها ماش قادرا خلوها لمرة خلاف وحكيو _لا بديت وراح نكمل ودرك نتي اخرجي هيا ماتخلينيش نعاود الهدرة راكي تعرفيني  _شافت معايا بشفقة وراحت فتحت الباب بقيت نشوف معاها ودموع في عينيا دارت ليا وقاتلي ماتخافيش راني هنا قدام الباب نسنا فيك لقيتو راح ليها وخرجها وغلق الباب بالمفتاح وقرب ليا هيا نوضي خلينا نهدرو ومسحي عليا هادو دموع ماش راح تغيضيني _نضت وقفت اسمع راني عييت منك وماعرفتش مشكلتك معايا واش تحتاج  _قرب مني وقالي افهمي كون تبقاي قريبة مني ونخدمو في نفس لبلاصة راح نآديك _علاه تآديني وانا جابدا منك روحي _ولو بعيدة بصح عقلي يعرف بلي راكي قريبة وقادر ندير فيك حاجة جامي توقعتيها وزيد ماش بيدي الله غالب شوفتك تهيجني وحتا ترجعني شيطان ماش عبد _شفت نتا ليحاب تآديني المشكل فيك ماش فيا وقلتها بفمك نتا شيطان _نتي ليدخلتي لحياتي ماش أنا نتي ليتجرأتي وفتحتي من جديد صفحة كحلا معمرة حقد وكره _ياخويا إدا نتا كارهني وحاقد عليا فأنا عدت كتر منك بصح خلي مسافة بيناتنا ومادخلش روحك في حياتي كما انا بعيدة عليك ساهلا خلاص _عليك ساهلا بصح انا صعيبة عليا _حكمت راسي بيديا لزوج وبعدت عليه اووووه راسي عاد يوجعني منك وحتا ماش حاملا نسمع صوتك كتر ودرك احكي واش عندك وخليني نروح ولا نبدا نعيط ونلم عليك الغاشي _ادا حابا تلمي الغاشي نتي ليرايحا تنفضحي ماش انا لانو أنا نبقى راجل ونتي طفلة _والله حرام عليك هادا شيئ كامل خليني في حالي _قبل مانخليك تروحي أوعديني بلي تحبسي الخدمة _نتا مريض نحبس خدمتي علاجالك موحال نحبسها انسا وزيد غير في هادا سبيطار نلقا تخصص تاعي_مالا حتا نتي أنساي تخرجي من ادا نتي راسك يابس فأنا كتر منك ونحب كلمتي هيا ليتمشي _كيقال هكدا فشلني رحت قعدت على لكرسي وهبطت راسي ماعرفتش كيفاه ندير معاه بقينا زمان ساكتين ولقيت غير الوعد الكادب هو ليسلكني منو وليت هزيت راسي لقيتو مسند للحيط ومربع يديه ويشوف معايا نضت وقفت قربت ليه حط يديه في جيوبو وقالي هاااه واش خممتي _قابلا راح ندير تحويل لكاش سبيطار ومنا لهاداك الوقت  ماتقربش مني وماتحوسش عليا _طلع حاجب واحد وقالي وادا لعبتي بيا راني نخليك تسلكيها غاليا _ماش نلعب مام انا حابا نتهنا منك _مليح مالا تفاهمنا بصح وجهك ماتخلينيش نشوفو وادا شفتيني صدفة بدلي طريقك لانو ادا زدت شفتك مرة خلاف راح تكوني نتي الخاسرة وراح نآديك ونضرك .