الحلقة106
بقلم _لينا
ديمارا الكورتاج ووراه طونوبيلات ولكلاكسو داير حالا وحاط اغنية حلال عليا لشاب بلال وهو غير زاهي وفرحان ويدو تتلاوح برا مع صحابو _حتا وصلنا قالي هادي دار كريتها برك باه نديرو فيها العرس باسكو ليصال مسكرين _ايه عارفا بصح علاه مادرتش في دار والديك _ماحبيتش برك نخلطها وكريت هنا خير _ايه ماعليش _جاء جيهتي فتحلي الباب وعدلي البرنوس على صدري وقالي فليل قدامي وعري على روحك ماش قدام ناس _تبسمت وخليتو كمل سترني وهبطت كروشيت فيه ومشينا وصحابو يتعايطو وليفيميجان وكاميرا مان قدامنا تصور كيلحقنا للباب لقيت يماه ونساء وبنات وراها سلمتت عليها وشربتلنا لحليب وتمر وزادت جابت طبسي معمر حلوة قاتلي فرقي بيدك زوج مرات القدام وزوج مرات لور _درت واش قاتلي ودخلت برجلي اليمنى داوني لصالة كبيرة عند الباب شفت معاها مزينة بديكور فالدوري والابيض واغنية معاها تهبل تاع شاب رضا [مبروك مبروك تهنينا 🎶اونفا تهنينا🎶] _قالي هادي الاغنية انا وصيتهم يحطوها ومبعد نفهمك علاه _كملنا قعدنا تصورنا و وجاو فاميلتو تصورو شفت باباه دخل ليهو المدير تاع سبيطار قرب ليا انا مانعرف علاه خفت _قالي مبروك بنتي ومرحبا بيك بيناتنا _يبارك فيك تعيش تصور معانا هو يماه وتفرقو بقينا غير أنا وهو واغنية مازالت تمشي دارتلنا ليبوز بزاف وحدنا وزدنا شطحنا مع بعض والمخلوقة تصور ومبعد قالي درك نروح وبعد الحنة نجي نديك _انشاءالله _بعد ماخرج دخلو جات آسيا ليا قاتلي ماحكيناش في هاداك الموضوع ياك تعرفي مانشقاش نعلمك _ضحكت وقلتلها ايه نعرف _هيا راحت قعدت وانا بقيت غي بلاصتي نشوف مع ناس أصلا ماش بزاف بصح دارو حالة بشطيح حتا سندس تشطح وتجي تحب تنوضني بسيف نضت معاها شوي وقعدت لقيت وحدا قربت ليا قعدت قاتلي مبروك عليك _يبارك فيك _أنا رانية بالاك سمعتي بيا بنت عمتو _شفت معاها مليح الله يبارك طفلة حلوة وزينة تهبل _ قاتلي نورمال ماتقلقيش مني أنا برك حلمت ونتي حققتي بصح المكتوب ماعندنا مانديرو _هيا تهدر ودموع في عينيها قلتلها ربي يجبلك وليد لحلال _قاتلي ماضنيتش انا من بكري حياتي مغلوقة وزاد عبد المالك غلقلي قلبي بصح نوالف وراحت تمشي وصح تعرج بصح غاضتني قراااف _ كيوصل وقت لعشا راحو تعشاو ورجعو وأنا هنا بديت نتوتر وعدت على أعصابي راحو لتحت باه يحضرو الحنة تاعو قاتلي سندس ارواحي طلي من معايا _نضت وقفت طليت هوما مايشوفوناش وحنا نشوفوهم شفت قاعد وقدامو صحابو وفاميلتو ويماه تحنيلو وهو يبكي دموعو بانو كيخلص راح حضن يماه ويمسح في عينيه حتا باباه قدم ليه وبقا يهدر معاه ويخبط في كتفو شوي وحبس لبكا سندس وشبيه مالك زعما _قاتلي نورمال راهو يحني بكا كيفك وزيد هو طفل لوحيد وخاوتو ماتو يتأثر بسيف .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
