#ركام_قلبي💗
الحلقة 33. #بقلم_لينا
بعد ماكملنا رحت لدار فت ديراكت بدلت قشي لقيت يما تتفرج قاتلي علسلامة ماحسيتش بيك كيدخلتي _ايه جيت قبيل برك _ايه حقا غدوا راني عارضا دار جدك يجو يتعشاو _ايه مرحبا بيهم بصح كون خير عرضتيهم كيكون بابا هنا _باباك مطول راكي تشوفي في حالة بلادنا ماش راح يقدر يجي _ايه ربي يقدرو ويقدرنا _خرجت من عندها وطلعت عند آسيا دخلتني بقينا نحكيو حتا سقساتني على فايز وليت ربعت رجليا وتبسمت وبديت نحكي واش صرا معايا ليوم فرحتلي قاتلي سور ضاربها بعشقة فيك _زعما صح _ايه على حساب هاد لكلام لخر راهو ميت عليك عرفتي تصيدي ياوحد ستوتة _اشس اسكتي يزيد يجي راجلك يسمعنا _ايه خلي سرك في بير خير _شفت معاها وسقسيتها كيفاه نتي وخويا علاقتكم _نورمال مرة حلوة مرة قاسيا _بصح علاه ليكم المشاكل _الله غالب المشاكل يجو وحدهم وحكاية لولاد بزاف مأثرة عليا وأي حاجة صغيرة نتحسس منها _ماعليش اصبري ربي حنين كريم قادر يعطيك في اي وقت _انشاءالله حبيبتي _آسيا مازالك وقت تقدري تكملي الميموار تاعك _لالا منار خلاص هاد الموضوع اغلقوه بيك بخوك هادا العام قرايتي نحيتها من بالي نخليها للعام الجاي ونشوف _اوك كما تحبي مالا انا نهبط _ايه هيا نهبطو كيف كيف .هبطنا كملنا لعشا جاء اسحاق كيشافني تبسم حسيتو شغل حاشم مني .تعشينا غير كملنا كل واحد حكم بلاصتو وجات آسيا عاونتني شوي وكيلقات فايز يعيط ويعاود خلاتني براحتي وطلعت هزيت عليه وكما العادة نسهرو مع الميموار حتا نرقدو .لغدوا رحت لسبيطار سلمت على كنزة ومنى _خير انشاءالله كاش مابيك لبارح ماجيتيش _ايه كنت مريضة ماقدرش _ربي يشفيك جاء واحد يخدم معانا قالي منار المسؤولة راهي تعيطلك فالبيرو تاعها نتي وسندس _اوك درك نروح _حوست على سندس حتا لقيتها ورحنا لعندها قاتلي خلي سندس دايما وراك اي حاجة ديريها خليها تبعك ولا ابقاي فوق راسها وشرحيلها _ايه ماش مشكل خرجنا من عندها شفت في عينيها دموع قلتلها وشبيك راح تبكي _قاتلي ضاق خاطري _ارواحي نهبطو لتحت لجننينة بالاك تريحي شوي _هبطنا قعدنا على لكراسة حسيتها حاكما روحها بسيف باه ماتبكيش _سندس ادا حابة تبكي ابكي علاه حاكما فيهم _قاتلي وعدت نفسي مانزيدش نبكي لاني قبل تعرضت لأزمة نفسية ماش راح نخلي روحي نزيد نذل روحي وبقيمتي _سندس شكون ليدار فيك هكدا احكيلي _مانقدرس نحكي بصح حسبي الله ونعم الوكيل فلي كان سبب فشيئ ليعديتو _ماعليش براحتك .بقينا شوي وقاتلي ندخل لتوالات ونجي _ايه راني هنا نستنا شوي و زدت شفت مالك لابس نفس اللبسة ويتكيف ويهدر فتلفون غير دور راسو شافني حبس وبقا مقابلني نحا ثلفون من ودنو وكمل طريقو حبس هدر مع واحد لابس كيفو وسمعتو يعيط عليه يقولو لازم ليوم تخلص يالله لخدمتك _هادا لبنادم دايما عصبي ومنرفز عقليتو صعيبة مانعرف شكون حاملو حتا لقيتو دور وجهو ليا بالغش ونحا القارو ومن فمو رماه وعفص عليه برجلو مليح مانعرف علته حسيت بهادا الجاست موجه ليا ومعناتو نفس هدرتو نعفس عليك .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
