الحلقة 86
بقلم_لينا
الحب عماني شفتها مسحت دموعها وقاتلي بصح ماش راح نتنازل عليه ونخليه ممكن مع ليام ويكبر ليفيكرشي ويتقرب ليا كتر ولتم تبدا حياة جديدة لينا _نضت وقفت ديري ليريحك ومبروك عليك _طلعت راسها وتبسمت يبارك فيك علابالي عشرتنا ماش راح تهون عليك وتنسايها _شفت معاها وخرجت رحت لبيتي رقدت ديراكت مافطنت غير بصوتهم برا خرجت عندهم لقيتهم كامل قاعدين _عسلامة واش حوالها يماك آسيا _حكموها فسبيطار حتا تتريقل حالتها وخويا مابان عليه خبر _شفت اسحاق حط يدو على ضهرها وقالها راهو موالف يدير هكدا مافهمتش علاه مكبرينها _ردتلو لا ماش موالف صح يغيب بصح على الأقل يخبرنا قبل مايروح _مايكون غير الخير نصبرو وخلاص وادا مابانش منا لغدوا نقولو لبابا يحط يدو _شفت مع منى لقيتها تتخنزر فيهم ماعجبهاش الحال فليل حكمنا بلايصنا شفت مع ثلفون لقيت مالك ماعيطليش ماش موالف بقيت نستنى والو حتا رقدت لغدوا هزيت ثلفون والو تفكرت سندس عيطتلها رجعتلي بناشف تقلقت عليك ومامبا هزيتي ثلفون ورجعتيلي _سامحيني سندس بصح كيجيت لدار ديراكت رقدت والبارح ماقعدتش _ماعليش المهم قوليلي ياك مادارلك والو مالك _لا والو وصلني برك قدام دار _وكيشافوك رجعتي فليل ماهدرو والو _هنا حصلت وجبت كدبة هدرتهالها بلي مرضت ووحدا تخدم معايا وصلتني _ايه مليج سلكتي روحك _ايه قوليلي مالك راهو تم _ايه شفتو لبارح كيكنا نتعشاو بصح باين عليه مقلق كاش ماصرا بيناتكم وماش حابا تهدري _ماعجبوش الحال برك كيسمع هاديك الهدرة _اوك درك غدوا ويركح _ايه مالا نكوبي وغدوا نتلاقاو فالخدمة _باي _كوبيت وخرجت غسلت ورحت للكوزينة لقيت يما صبحت عليها وسقسيتها على آسيا قاتلي ماكاين حتا خبر _حقا راني سمعت بمنى أونسانت _ايه ربي رزقهم حمدلله بصح ماعرفتش كيفاه نفرحلها في وجه هاديك المغبونة ليلفوق _مام أنا تخلطت عليا بصح لازم نتقبلو ماكانش حل _ايه افطري برك _فطرت وطلعت لفوق لقيت اسحاق خارج كيفاه واش حوالها _ليل كامل وهيا تبكي زوج هموم طاحو عليها _مسكينة درك نشوفها _ايه ابقاي معاها حتا وقت لافيزيت ونديها تشوف يماها _اوك وحقا مبروك عليك _هزز براسو وهبط وانا كملت دخلت عندها لقيتها متكسلا على سرير _آسيا صباح الخير واش حوالك _كما راكي تشوفي _نجيبلك تفطري _لا ماش قادرا نحط حاجة في فمي _براحتك بقيت معاها شوي وهبطت لقيت منى راح تسيق خلي عليك انا نسيق روحي ريحي _يعطيك الصحة اصلا ماش قادرا وراسي غير يدور _ماعليش عارفا هيا راحت وانا كملت تسياق _فليل ساع ضهر خوها قال كنت فلجبل في دار مع صحابي والريزو ماكانش ماقدرتش نعيط _خويا مالقا مايقولو سكت عليه بصح آسيا عندها ماهدرتو بقات تدعي عليه حتا خرج مقلقمنها _هوما طلعو وحنا حكمنا بلايصنا نفس شيئ ماعيطليش وليت عيطتلو ماهزش نزلتو من يدي ورقدت لغدوا فطنت بصوت بابا نضت نجري عندو سلمت عليه وفطرنا كيفكيف قالي بلي وصل فليل روطار وماحبش ينوضني بقيت معاه شوي وحكينا واش صرا ليام ليفاتو وقالنا من بعد نهدر معاه نستعقلو شوي راح يقتل يماه فالحياة _وزدنا حكينا شوي ورجعت لبيتي لبست ورحت نخدم لقيت سندس مازالت قالبا وجها عليا بشوي رجعت نورمال _حقا سندس كيفاه غطيتي عليا هاداك نهار_ماش أنا ربيع ليحكم خدمتك وماخلاهمش يحسو بغيابك _ايه يعطيكم الصحة _مع وقت لغدا عيطتلي يما قاتلي جينا نطلو على أم آسيا ادا تجي عندنا _ايه درك نجي _جيت خارجا دخلت سندس خير وشبيك مزروبة _رايحا نطل على ام آسيا مرت خويا ونجي وحتا دارنا هنا تجي معايا _ايه هيا اصلا وقت لغدا منها نجيبو غدا في يدينا _طلعنا غير دخلت لقيتهم كامل مجمعين عندها حتا اسحاق وخوها هنا لحت السلام دورو ليا رجعولي شفتهم يشوفو ورايا تفكرت سندس دورت ليها لقيت دموع في عينيها قربت ليها هيا ادخلي واش صرالك علاه رايحا تبكي _ماكاين والو بصح راني رايحا نجيب لغدا تلقايني فلابو راكم في غاشي ماش حابا ندخل _ايه براحتك هيا راحت وانا مافهمتش حالتها هادي رجعت ليهم بقيت معاهم شوي وشفت ام آسيا فرحت ورتاحت كيشافت وليدها وصح هيا كل مرة يغيب عليها تصرا فيها كارثة قلبها حساس بزاف وأي تأثير صغير يضرها كيخلاصت لافيزيت تفرقو وانا هبطت لقيت سندس فالبيرو تاكل بهمجية _بعقلك وشبيك لهادي درجة جعتي _بقات غير تشوف معايا وساكتا وتاكل _الخير برك راح تقتلييني بهادي الخزرة نتي وخوك تخوفو _نزلت ساندويش وقاتلي نتي مالك علاه كان حاقد عليك.
أنت تقرأ
ركام قلبي
Fiksi Umumمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
