الحلقة 146
بقلم_لينا
رحت عندو فتحت الباب مالك هيا ندخلو لدار _أطلعي برك ماش مطول _ركبت لقيتو سكر البيبان ونوض طونوبيل مشا فلافيتاس _مالك واش هاد تصرف ياك قتلي نهدرو برك _والفت نخطفك وكون مانديرهاش ماتحلاليش وتعجبيني كيتاخدي رايي _مالك انا ركبت معاك غير باه نهدرو وزيد انا كرهت من لخطيفة تاعك _اكرهي على روحك _وين رايحين _نوصلو وتعرفي _هزيت ثلفون باه نعيط ليما باه ماتقلقش عليا لقيتو خطفلي ثلفون من يدي وطفاه وحطو في جيبو _هاتو هنا نعيط ليما باه ماتقلقش _ياك علابالها بلي خارجا عندي عندي _ايه _خلاص مالا واحد مايدخل روحو فيك كيتكوني معايا واصلا انا بالعاني قتلك خبريها _مالك يعني متا دايما تخطط من بعيد __ايه _مالك حبس ولا ندير كارثة فطريق _ريحي روحك وبلا ماتتصرفي كيولولاد وراكي معايا حاجة ماتخصك _وثقت غي كلامو وماخفتش حتا وصلنا لبلاصة عرفتها هادي الفيرما ليموالف يجيبني ليها _هيا اهطبي_ _هبطت وتبعتو دخلنا لدار شفتو سكرها وحط المفتاح في جيبو ودار ليا بدا يقرب بشوي ونظرتو ليا ماتعجبش_بقا هو يقرب وانا نبعد حتا دخلت للبيت جيت نسكر الباب بزربة ماقدرتلوش حكمو برجلو _ماعندك حتا مهرب وماعندك حتا كيفاه تشكي بيا لأنو من حقي مرتي حلالي شرعا وقانونا وخطفتك بإراضتك وماحق حتا واحد يدخل فيا في واش ندير فيك _رد بالك تغلط وتقدم ليا _علاه واش علاواه درك خايفا ياك راكي مع راجلك مع حلالك _قرب ليا كتر وقف مقابلني نحالي الخمار رماه وحط يدو على شعري يمشي فيه وعينيه راح منهم الشر و حسيت بحنيتو وستحليتها خلاني ندخل في متاهة المشاعر الحب والإشتياق بصح في ثانية حكمو من لور بالقوة وتبدلو ملامح وجهو رجع شيطان قدامي تحولت شخصيتو في لحظة مالك راك وجعتي حاسا بالجلدة راح طير _ايه نطيرها ومايبردش قلبي عليك علابالك علاه ؟_بقيت ساكتا ودموعي هبطو خوفني وفي نفس الوقت وجعني _مناار انطقي علاه راني نوجع فيك درك قولي علاااه _مااعلااباليش مالك تعيش ارحمني بركا ماتجبد _درك انا نقولك كما نتي مارحمتينيش انا راح نرجعهالك دوبل كما نتي وجعتيني بفراقك انا راح نوجعك بيدي رحتي درتيلي الخلع بالخلع تاعك خليتي قدري واحترامي وحبي وتضحياتي يتكركرو فالأرض استهزيتي بيهم وماقدرتيش ديريلهم قيمة _عاود جبدني كتر ليه وزير على سنانو واش كان ناقصك معايا حتا خليتي قيمتي عندك تافها لهاد الدرجة لقيتو طلقني وطبعني جيت طايحا فالأرض خفت على ليفيكرشي ونسيت وجعي لي في راسي طلعت راسي ليه مالك اتهدن شوي وخلينا نحكو بالحوار ماش بهاد النرفزة _علاه نتي خليتي حوار بيناتنا خبط رجلو فالأرض وقالي علاه انا في واش ضريتك باه ترجعيهالي هكدا _نضت وقفت مالك نتا آخر مرة هدرت كلام بزااف قاسي وكلامك كنت قاصد بلي انا ونتا موحال نكملو مع بعض وزيد لومتني بطريقة غير مباشرة في موت يماك وبلا دواء ليكدبتني فيه لهادا خرجت من حياتك بطريقة هادية وبلا مشاكل لأنو نتا فرغت قلبك وانا فهمت لينفهمو وزدت فوق هاد شيئ مدة 3 اشهر ماحوستش تجي عندي ولا على الاقل تطلب سماح ولا تفهمني وااالو كنت غايب في حياتي _ايه كنت مجروووح بزاف وحاكم في قلبي بصح خليت جرحي يبرا وجيت ليك درك وحاب نرجعك مع أني كان عندي أمل تتفكري واش عشنا وترجعي وحدك بصح نتي نسيتي عشرتنا _مانسيتش بصح نتا ليتنازلت عليا وانا سهلتهالك _لا نتي نتي ليماقدرتيش تنجحي في امتحانك وماقدرتيش تصبري معايا افهمي هادي يما ليماتت وماتت وهيا ماش راضيا عليا والسبب هو زواجي منك هادا شيئ راح يبقى مورايا طول حياتي لنهار نموت ماش راح ننساه .
أنت تقرأ
ركام قلبي
Ficção Geralمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
