ركام قلبي

الجزء13

#ركام_قلبي💗
الحلقة 13.   #بقلم_لينا
مسحت دموعي وهزيت روحي وطلعت عند آسيا فتحتلي دخلت لقيتها خير من البارح حكيتلها واش صرا لتحت وبلي بابا حتم عليا نطلب سماح . هبطت راسها وقاتلي كون خير يروح _عقدت حواجبي شكون ليروح _طلعت راسها باينا جدك _ايه درك يروح ماش راح يباتو بصح قلقوني بزااف وخصيصا ليوم كتر عليا جدي _خلي كلامو يخرج من ودنك كما دخل مايهمكش _ايه هاديك هيا ونتي علاه ماهبطتيش _باينا مادام جدك هنا ماش راح نهبط _مالا نروح نجيبلك كاش حاجة تاكليها _لا ماكالاه لغدا ليجابتلي يماك صباح مازال كما راهو _اوك ماعليش مالا نهبط _وقفت مشيت كيوصلت للباب قاتلي باباك وقتاه يروح ؟ مانعرف بصح وشبيك حسيتك تقلقتي منو _لالا سؤال برك باه ادا مطول باه نبروقرامي وقتاه نروح لدارنا نستناه حتا يروح باه نروح انا عيب عليا نخليه هنا ونروح وهو عندو بزاف غايب على دار  _ايه بصح باين ماش مطول لبارح برك وثلفونو ماحبسش من تعياط حتا خلاه سيلونس باه مايقلقوهش _شفتي شكون عيطلو _لا ماركزتش مليح مع نيميرو ولا الاسم _ااا ايه ماتكون غير الخدمة مالا كما عوايدو  _ايه سور هيا تصبحي بخير .هبطت لقيتهم راحو حمدلله تلفا منهم . دخلت للكوزينة غسلت لماعن وسيقتها لقيت بابا دخل قالي يعطيك الصحة _ماحبيتش نرد عليه _مناار ماكالاه تزعفي مني من قبل هدرت معاك في هاد الموضوع ونتي يبستي راسك وترجعي فالهدرة لجدك كبير وزيد رفعتي صوتك ماش هكدا ربيتك _بصح شفتو واش كان يقول عليا ماحملتش نسكت عليه _ارواحي عندي هنا قعدي _راح قعد على الكرسي وقعدت مقابلو بنتي جدك انسان من بكري هادي هيا عقليتو تعرفي نهار خطبت يماك شيبلي راسي باه مدهالي ومازال لحد اليوم يهدر ويسمعني فلكلام بكل انواعو وراني ساكت وحامل لانو كبير عليا نحترمو ونقادرو ونكسب محبتو حتا نتي لازم تسمعي وتفهمي وديري روحك ماسمعتيش وفوتيها كما موالفة _ايه انشاءالله _صحيتي بنتي صونا ثلفونو جبدو من الجيب وشفتو كوبا _شكون بابا _شاف معايا وطلع حواجبو من وقتاه تسقسي نتي شكون راهو يعيطلي _لا مجرد فضول برك _مايهمش من  الخدمة برك _وقتاه تروح _بالاك هاد اليومين _ديجا رايح _ايه ومانطولش هاد المرة ونرجع _ايه انشاءالله تروح وترجع بخير .دخلت علينا يما قاتلي راني نسيت مابعتش لآسيا لعشا وجديلها صحن وطلعيهولها _قالتلي ماكالاه راني كنت عندها قبيل _اوك مالا نروح نصلي العيشاء _هيا راحت وبابا قالي كيفاه علاقة آسيا مع يماك مليحة ؟ .ايه مليحة عادي مرات يتهاوشو مرات متفاهمين _مليح ليوم ماهبطتش مازالت مريضة _ايه مازالت هزز براسو وقالي تصبحي بخير .