الحلقة 115
بقلم_لينا
شفت معاه حسيتو راح يتكلاطا بصح حاكم روحو ويشوف ليا يستنا في جوابي _بابا خلي نحكيو هنا خير _نطق مالك قالو ماتحكي ماتفهمها في والو أنا لينقرر وقتاه نحكيو _نتوما واش مخبيين عليا فهموني وعلاه كل واحد فيكم يغانن في خوه _بنتي امشي معايا قتلك ونتي تحبي ساع ترجعي نرجعك تحبي تبقاي في دار باباك مرحبا _سي علي قتلك منار ماش خارجا من دارها ماتخلينيش نرجع نهدر بلغة خلاف _خلاص مالك خليني نروح معاه ونرجع _ماكانش روحا تبقاي هنا في دارك _حكم يدي بابا وقالي هيا روحي تلبسي وامشي معايا خليه يغلي وحدو والله ماتخافي ماعندو مايديلك _قالو مالك ياك قبلت بزواجنا من الاول وقتلي شرطك نرجعها تخدم علاه درك نتا ليماش حاب توفي بوعدك _عندها شهر ونص من حبست الخدمة وزيدلها شهر من زواجكم يعني راني قريب 3 شهور وماشفا والو تبانلي راك غير تتلاعب بينا _ماش نتلاعب راني برك نسنا فالوقت المناسب وترجع لخدمتها ماش مزروبين _ادا هكدا خليها تروح معايا ونهار يعيطولها باه ترجع لتم تكون هدرة خلاف _وشبيكم نتوما زوج راكم تلعبو فالمستقبل تاعي ولا راني فاهما غالط _شاف معايا مالك وقالي منار تروحي معاه ولا تبقاي هنا ؟_سكت زمان وقتلو ايه نروح معاه بصح نرجع _هزز براسو وراح جيهة التاقة بقا لتم وساكت _هيا بنتي روحي لبسي راني نسنا فيك _رحت لشمبرتي بدلت حوايجي وقلت هكدا خير نروح نريح يومين ونرجع ونعرف واش حكايتهم مانبقاش كيلبهيمة هنا مافاهما والو _انا نوجد في روحي لقيت باب الشومبرة تفتح دخل مالك وخبطو وراه _قرب ليا ويشوف معايا عينيه دم باين عليه زعاف قالي من اول مشكل جريتي تحكيلو ونسيتي واش وصيتك وزيد فوق هاد شيى رايحا معاه _مالك نبقى يومين ونرجع _بصح علاه رحتي عيطتليلو وحكيتيلو _مانعرف حسيت بالضعف وغاضتني عمري وزيد حبيت نفهم شيئ لينتا ماقدرتش تحكيهولي باينا لحكاية ماش غير على سندس عليها عيطتلو_ياك قبل مانروح قتلك ماتكبريهاش وكينجيو نحكيو ونتي درتي العكس يعني من اول مشكل صغير رايحا _مالك الصراحة هادا المشكل كبير ماش صغير كيفاه يجو يهينوني وفوق هاد شيئ باباك يضرب فيا بعصاه ويماك بزقت عليا _ايه غلطو بصح انا واش دخلني في واش آديتك حتا رايحا _قتلك يومين ونرجع _ماتروحيش تبقاي هنا _علاه دير هكدا خليني نروح _من الاول قتلك حاربي وهادي الكلمة ليها معنى يعني تبقاي معايا يصرا واش يصرا _تما قصدك كون يهرسو راسي نقبل نبقى معاك _ماش راح نخليهم يصولو لهادي الدرجة بصح ادا احتمال نقولك ايه اتحملي على جالي _سمحلي بصح باه نخلي ناس تركب فوقي وتعفصني وترخسني مانقبلش ونتا أول واحد _قرب ليا وحكم دراعي اسمعي هادا لكلام قلتيه قبل زواجنا وكنت قابلو درك مانزيديش تهدري هكدا سمعتي راني راجلك ومن حقي نأمرك وديري واش يقولي راسي _بعد عليا والله ماخلق لينخليه يديرني لعبة بين يديه _صااار ايه راح قعد على سرير وحط يدو وراء راسو وقالي روحي مالا وخليني نلعب لعب بأصولو _واش قصدك نتا _من قبل قتلك خلي أفعالك يثبتو حبك ليا ونجحتي بصح تبانلي حبك مافيهش وفاء وقادرا تتخلي عليا بسهولة بصح درك نقولك ادا حابا تروحي فطريق سد ماش حاكمك حابا تقعدي معايا راكي في دارك وحضني وحنانتي وحبي دايما ليك ونتي درك كما تحبي _كيقال هكدا حسيت بإستفزاز من كلامو حكمت اعصابي عليه وفتحت لخزانة جبدت الخمار قتلو مادام طريق سد خليني نروح وحبي ليك ماش بالضرورة نبقا نثبتلك فيه أبقا تصدق ولا تكدب فيا مايهمنيش فيك _سكت وانا كملت لبست خماري وهزيت صاكي حطيت فيه واش نحتاج وهو غير يتفرج فيا كيكملت مشيت للباب لقيتو نطق وقالي منار قابليني هنا _واش تحتاج ؟_قابليني ونقولك _رحت قابلتلو قالي ادا خرجتي من هادا الباب تاع شومبرة تنساي خدمتك وحتا تودعي شهادة تاعك _وشنوووو علاه تقولي هكدا ؟_شهر واحد زواج شهر كنا أنا ونتي غير فالحلوة كنتي قابلا بلمعيشة كيوصل لمر ماتقبلتيش ومن اول مشكل عطيتيني ظهرك أنا تاني وصل وقت نلعب لعبتي ونكسرلك ظهرك _مالك وخدمة تاعي علاه ؟_ايه خدمة تاعك راهي بين يدي كون نقول لبابا يرجعك فعادي راح يرجعك في نهارك أنا ليماخليتوش يرجعك من الأول_علاه بصح واش الفايدا تاعك _الفايدا تاعي اني نحكمك ليا ونحطك تحت رجلي كما نقول انا نتي تنفدي وتسكتي حتا يجي نهار ونخليك تعيشي براحتك _مالك اشرحلي بطريقة مباشرة راني نغلي من داخل _ناض وقف وقرب ليا والابتسامة في وجهو قالي كون تخرجي من هادا الباب نحطلك شهادة الطب المخبري كلها فلابوبال ونقدر نديرها وببساطة عندك سارتيفيكيا من قبل ادا تتفكري قتلك روحي لبسيكولوك تمدلك شهادة بلي راكي مريضة ونتي صح رحتي درتيها وهيا كتبتلك بلي عندك عدم التركيز وزيد عند اعصاب _عقدت حواجبي وقتلو هادي خطة منك ولا راني فاهما غالطا .
أنت تقرأ
ركام قلبي
قصص عامةمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
