#ركام_قلبي
الحلقة 63. #بقلم_لينا
بعد مافاتو ايام ونقصو الحالات واخيرا رحت لدار بقيت معاهم بالكمامة ومانمس في والو وحتا الهدرة من بعيد _عيطلي فايز قالي يما وجدة وعمتي جايين يعزوكم في جدكم ولو روطار _ايه مرحبا بيهم _لغدوا جاو وانا عدلت روحي بصح بقيت بالكمامة خفت حتا كيجاو هوما نفس الشيئ دخلو قعدو عزاو يما وبقينا نحكيو حتا قاتلي يماه منار نتي وقتاه معولة تحبسي الخدمة فايز حاب يدخلك ياولوكان بلا عرس راكي عارفا كورونا وممنوع _كيفاه نحبس الخدمة ؟ انا ماش راح نحبسها _بصح فايز قال راح تحبس _لالا خالتي انا وفايز من نهار اللول حطيتلو شرط تاعي اني نخدم ممكن نحبس شهر بصح باه نحبس طول موحال _بقاو يشوفو مع بعض وسكتو ويما قرصتني من جنبي كيشفت معاها وسعتلي عينيها فهمتها باه نسكت _شوي وقتلي جداه بنتي لمرا تصلح لدار خير تقوم براجلها وولادها ونتي ماراح يخصك والو مع فايز كلشي تطلبيه يجيك _جدة انا مانحوسش على الماديات انا كما قريت وتعبت راح نخدم ويجي شكون يجي ماش راح يحبسني _لقيت يماه وقفت قاتلي حنا نروحو ونتي هادا الموضوع اهدريه مع فايز وتفاهمو لانو شيخك ماش راح يقبلك تخدمي وتباتي برا دار ودرك سامحونا وبسلامة _بقاتهم يما على خير وآسيا جات عندي _منار صح نتي وياه متفاهمين على الخدمة _ايه نهار جاو عندي شرطت عليه _مالا واش دخلهم فيك راح تتزوجي بيه ولا بشيخك ياخي ناس تحب تتحكم في ولادها _جات يما عندي يالمصفارة هكدا تهدري مع عجوزتك علاه ماتحكميش لسانك وماترديش _يما ماش راح نسكت وماتسنايش مني نكون كما هاديك لعروسة ليتحشم وتهبط راسها وماتقول حتى كلمة ولو حاقرينا انا كيكون عندي كلام نهدرو فالوجه باه عمرهم مايطلعو فوق راسي وماش راني نقلل من الاحترام بالعكس جاوبتهم بالقدر وانا حياتي ماش غير راجل خليتهم ودخلت لبيتي _ شوي وعيطلي قالي واش صرا عندكم _نتا ليتقولي واش صاري ياك تفاهمنا من الاول علاه يماك تقولي تحبسي خدمة _واش فيها كون صايرتيها برك _فايز ماش راح نكدب من درك ليعندي قولتو _خلاص درك انا نفريها _فات هاداك نهار ورحت لخدمتي من غير دخلت لسبيطار ضاق خاطري دخلت للمخبر لقيت سندس قاعدا وتهدر بلاكام لحت عيني شفت مالك تفكرت تهديدات تاعو ليكانت بلا فايدا حبيت نلعب بيه بصح كورونا لعبت بينا في زوج وماخلاتلناش فرصة كيشافتني ناضت لاحت سلام وسقسات على احوالي _قلتلها بشوي كوبي _هبطت راسها قاتلو خويا من بعد نحكي معاك وكوبات بقينا نحكو مع بعض شوي ودخلت للبيرو شميت نفس ريحة الخانزة عندي بزاف ماشميتهاش غير فتحت لخزانة باه نبدل هزيت قشي لقيتو معمر دم وفيه شغل حاجا منقطا كحلا وزيد زوج كرعين تاع جاجة مريوطين ومطليين دم بعدت بعيد ونعيط لربي ليخلقني حاكما راسي ونبكي جات عندي سندس _خير وشبيك _شوفي لهيه راحت شافت وبدات تسمي واش هادا ياخاا _دخلو عندي طبا حابين يستفسرو ردت عليهم سندس وشافو واش كاين بصح من غير شفت روميسة تقول شفت شيطان نضت ليها وتلاحت بالضرب عليها نتي ياك نتي ليدرتيها وطبا يبعدو فيا عليها وانا حاكمتها بكل قوتي وهيا تنكر بلي ماش هيا حتا جاء رئيس المخبر باه حبسنا وعطانا تحدير باه مايزيدش يتكرر هادا شيئ وكيرجعت لقيت سندس وكنزة حطوهم في ساشي قاتلي كنزة انا شاكا هادا سحر كيفاه ديري _ماعلاباليش وحتا باه نديه معايا لدار مانقدرش ماعنديش كوراج نهزهم _نطقت سندس نقولك مع لعشية عيطي لخوك وحنا نخرجوهملك لعندو نتي ماتمسيهمش وزيد راكي ترعشي _ايه ماقدرتش غير فتحت لخزانة لقيت هادا شيئ _قعدنا شوي وراحت كنزة جابتلي حوايج جدد لبستهم وبدينا نخدمو _مع لعشية عيطت لاسحاق جاء وخرجو معايا وصلولي ساشي حطوها فطونيبيل وديمارينا وهوما رجعو قالي واش كاين _حكيتلو ووصلني لدار زدت حكيتلهم خليتهم هوما يتكلفو زادو قاتو أيام وليالي تخوف نشوف في منامي غير في حاجة كحلا وحمرا تبع فيا والشوك في جسمي وانا في ضلمة تايها وضايعا مرات يما تسمعني تجي تبات معايا وتبقى تقرالي فالقران حتا نرقد شوي ونرتاح بصح شيئ ليتأكدت منو هو سحر لانو خدمتي كرهت منها كون نصيب مانروحش تعدبت بزااف صحتي راحت فاتو عليا شهور فيهم غير الاكتآب والخوف والرعب وزتدلي سحر واكيد روميسة عندها يد فيه ولكن بعد الظن إثم .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
