الحلقة 148
#بقلم_لينا
فات وقت ودخل عندي امشي معايا لدار زهرك برك فطفل صينو كون كانت معاملة خلاف معاك _هزيت راسي ليه بصح تديني لدارنا _ماكانش داركم درك انسايها تجي معايا _مانقبلش نروح معاك افهمني _منااار شيئ كامل ليدرتيه تزيدي تهدري كون غيري راهو قلب عليك الدنيا _نضت وقفت ليه وقتلو من لخر كون تديني لدارك راح ندير حاجا في روحي وفطفل خليني براحتي وماتزيدهاش عليا وتخليني نتهور ندير كاش حاجا ونندمو عليها لزوج _تهددي فيا نتي ؟_افهمها كما حبيت انا تاني ماش مجبورة نشرحلك _ممم عدتي تعامليني بنفس اسلوبي هكدا تبانيلي اوك ليوم نديك لداركم بصح غدوا وتكون هدرة خلاف _رحت هزيت خماري من الأرض نفضتو وحطيتو على راسي وخرجنا ركبنا من ديمارا وهو غير يعيط ويسب ماسكتش دقيقة هاداك الفولو راح يكسرو من لخبيط ويقولي حاب نفسدلك خليقتك حاب نفرغ غشي فيك لأنو تستاهلي نعفصك ونمحيك هادي عملة ديريها فيا _بقيت ساكتا ماحبيتش نرد عليه ولا نزيد نشعل النار كتر ماراهي لاهبا حتا وصلنا لدارنا زربت فتحت الباب وهبطت شفت معاه لقيت وجهو فاير خصو برد دخان راح يكلاطي من الغش هاتلي ثلفون _جبدو مدهولي قتلو نفس سيناريو عاودتهولي _بصح سيناريو ليدرتيه نتي تسلكيه غالي _على الأقل سلكت نفسي من الشبهات عدم الثقة ولكدب _واش قصدك _ كيراني بلحمل معناتو ماشربتش دواء وخاطيني_هاديك من بعد فيها هدرة خلاف ازربي ادخلي لدار درك _قفلت الباب ورحت لباب دارنا طبطبت فتح بابا وين كنتي نتي قاتلي يماك خرجتي عند مالك وعلاه ثلفوناتكم مغلوقين _هزيت صبعي لورايا فهم راح ليه وانا دخلت شفت معاهم خليتهم يهدرو ودخلت كيشافوني يما وآسيا ناضو وين كنتي يابنتي قلبي فسخ عليك _مع مالك برك رحنا وحكينا شوي _وثلفون علاه مغلوق _ايه باه نحكو آلاز وزيد راكي عارفا بلي راني معاه _ايه بصح هكدا وقلبي مارتاحش واش حكيتو _صايي قتلو بلي بالحمل_هاااه واخيرا درتي قلبك وحكيتيلو _نطقت آسيا واش كان ردو _ عيط وسب وخبط وخلاص _لمزية كيرجعك هنا المهم راكي بخير _ايه حمدلله رايحا نريح شوي _لقيت بابا ورايا قالي حدرتك وهدا وخرجتي عندو _ماصرا والو بابا غير حكينا _قالي راهو يقول مادام كاين طفل بيناتكم موحال يطلق _هزيت بكتافي وقتلو غدوا يرحمها ربي راسي عيا من تخمام _رحت لاشومبر نحيت قشي بقيت غير بالبيستي والفيزو ورقدت ديراكت راسي ماش قادر حتا يخمم وصح رقدت رقاد طويل نشفى غير على يما وآسيا كيجاو لعندي يحاولو فيا باه ناكل وانا رافضا حابا نرقد برك حتا لغدوا نضت شابعا رقاد _خرجت للدوش غسلت شفت مع وعينيا منفوخين من رقاد ليبزاف توضيت ورحت صليت وخرجت للكوزينة فطرت شوي ودخلت آسيا شافت معايا قاتلي صباح الخير شبعتي نوم _صباح النور ايه شبعت عينيا يحكيو _ايه راني نشوف بصح كولي مليح لبارح ماكليتي والو _ايه آسيا واش قال اسحاق على منى _مانعرف ماجبد هو الهدرة ماجبدتلو أنا _ربي يجيب الخير انشاءالله _بعد ساعة هكداك كنت في بيتي نهز في فراشي دخلت يما عندي قاتلي عدلي خليقتك وارواحي لصالون راجلك يستنا فيك _اوووف علاه جاء ثاني _روحي برك عندو وفهمي راني خليتو مع باباك _زربت بدلت وسقمت شعري ودخلت عندو شفتو حاكم عليا نضرة يتحلف فيا نطق بابا قالي حاب يديك لطبيبة باه تسويفي _عقدت على حواجبي علاه _حسيتو حاب يهدر بصح ساكت وبابا قالي ماعليش روحي بدلي قشك وروحي معاه _هزيت روحي رحت للبيت جاتني غير فكرة في راسي وقلت ممكن شاك فيا وحاب يديني لطبيبة باه يتأكد شحال عندي من شهر بصح ماعليش خير ماندير فضيحة قدام بابا نخرجو من دار ونحطلو سعدو في يدو لبست قشي تاع برا ورحت عندو راني واجدا _ناض وخرجنا ركبنا وديمارا _اهيه علاه حتا تديني لطبيبة؟_حاب نشوف وليدي حتا هادي تحرميني منها _زعما نيتك ماش حاجة خلاف _كيفاه حاجة خلاف مافهمتكش واش تقصدي _بالاك عندك شك فيا .
أنت تقرأ
ركام قلبي
Tiểu Thuyết Chungمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
