الحلقة121
#بقلم_لينا
مع لعشية دخل عندي قالي راني خارج شوي ونرجع ماديريش لعشا درك نجيب معايا _باينا ماعجبتكش ماكلتي_ نتي دييما تخمي فالسلبيات المهم راني رايح _هو راح وانا نضت فرزت شومبرة وبدلت لفراش وهويتها شوي حتا جاء قالي روحي كولي انا راح نرقد عييت _هززت براسي وصح راح رقد ياين مازال مريض وانا كليت شوي وخبيت الباقي ورحت للبيت دزيت برك الباب وعيطت لسندس هزت عليا _اهلا منار واش حوالك_منك مانيش لاباس وراكي عارفا _ايه حكالي عبد المالك كلشي _سندس الصح نتي صدمتيني كنت حاسبا تمشي معايا بالنية ضهرتي كيفو عليها هاداك نهار كيجبدت على نيتك صافية تبدل وجهك _مادام فقتيلي خلاص واش ندير قتلك من قبل اي حاجة يقولي عليها نديرها ماتنسايش لخير ليدارو معايا _بصح انا ونتي رجعنا كتر من صحابات علاه كنتي راح تغدري بيا _هاد ساعة ماغدرتش بيك وماشهدتش ضدك ماتتسرعيش وتحكمي عليا _علابالي في وقت صح كنتي ديريها _ماش راح نكدب عليك ليقولي عليه خويا نديرو _ايه يكتر خيرك تهدريلي فيها بصحانية وجه _منار خلاص ماصرا والو ومالك موحال يديرها _احكيلي واش صرا في داركم نتي تعرفي واش مخبيين _سكتت زمان وقاتلي راني حافضا الميم ماش راح نخرج كلمة من فمي اصلا ماعنديش بزاف من عرفت برك نقولك بلي مالك سوفرا وتحدا والديه باه قدر يتزوجك عطالهم ظهرو وكسر كلامهم باه يكون معاك _منك صح _ايه ونزيدك والديه شبه تبراو منو عليها نهار الحنة تاعو كان يبكي وهادا كامل علاجالك ماتسمحيش فيه وحاولي تكوني مؤا فحلة معاه كما كان راجل معاك ويصرا واش يصرا خليه دايما كبير في عينيك ماتصغريهش لأنو لانتي لا هو عندكم دنب نتوما دنبكم أنو حبيتو بعض _مانعرف سندس راسي مخلط من كل جهة _اوووف منااار تقلقي مانعرف مالك كيفاه متحمل مزاجك استغلي الفرصة وخلي راجلك يبقا ليك ديما باسكو كاين غيرك يستناو في فرصة برك ويسرقوه منك _شكون قصدك رانية ؟_ايه صاحيتي هيا لولا ليتديهولك ومالك يتبع بزاف كلام والديه يعني نتي كيحبك وتبعك معناتو حبو ليك حب أعمى وفكري في كلامي هاداك لخر قادر يتزوح غيرك ونتي ابقاي تندبي عليه _اووف سندس كوبي زدتي خلطتيني _فيقتك برك والله راكي في معزة ختي وحاباتلك الخير _يكتر خيرك _كوبات وانا حطيت راسي بقيت نخمم حتا رقدت لغدوا نضت لقيتو ماكانش فطرت وفرزت وسيقت بقيت حتا لعشية وأنا قاعدة ومرات نوض ندور وقفت عند الهول شفت مع الباب تاع برا زعما نروح ونخليه وهنا نقول خلاص المكتوب ولا نكمل طريقي لاشومبر ونوجدلو روحي ونكمل نحارب معاه ونوقف معاه لأمو كلام سندس الاخير خلاني نرجع نميل ليه خممت وفكرت وطلعت وهبطت وفالأخير قلبي غلب ودخلت لدوش دوشت ونقيت روحي وكملت رحت لاشومبر لبست روبة قصيرة من قدام وطويلة من لور بلون قرونا وسرحت شعري مع شوي مكياج اصلا نواضر عدت مانحطوش والفت بالعدسات لأنو فدار نقدر نشوف بيهم ماش كما فالخدمة ولقراية لازمني نواضر زدت لبست صندالة هزيت ثلفون بعتلو ميساج جيب معاك لعشا وشوي مكسرات لقيتو عاودلي _وي مالك _المكسرات علاه _استخسرت عليا شوي تبناش خلاص ماتجيبش ندمت ليبعتلك ميساج _وشبيه ###علاه تعلي في صوتك تبانيلي لازمك شبح نتي كيرخفتلك ديتيها في روحك _ونتا وشبيك تاكل في روحك _مازلتي برك ماتخافيش نتي _بقيت ساكتا ولا كوبا في وجهي _درتها بالعاني باه مانخسرش المفاجئة _كملت زينت لاشومبر بشموع والورد وضوء خفيف علابالي يحب الجوء الرومنسي كيكملت بقيت نكونكتي حتا سمعت صوت لباب تفتح كيسمعتو تفتح معاه قلبي خفت وماعرفتش نواجهو بصح قويت نفسي ورحت عندو بشوي لقيتو فالكوزينة قاعد على الكرسي وحاط رجلو على ركبتو وينحي في صباطو قربت ليه وحاوطت يديا زوج وحطيتهم في صدرو وطبعتلو بوسة خفيفة على خدو لقيتو ناض وقف وبقا يشوف معايا حسيتو تخلع ماكانش يستنا فيا ندير هكدا _تبسم ابتسامة عريضة منااار حبيبي حنيتي عليا _هززت براسي ايه انا دايما حنينة نتا برك ماتزيدش تقسا عليا .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
