الحلقة 154
بقلم_لينا
_شوي وسمعنا كلاكسون من برا ومعاه بارود جات يما عندي واش هادا رحنا طلينا كامل من البالكون لقينا دنيا بيضاء برا من البارود شفت مالك في وسط جماعة فرحان وزاهي ياعمري يهبل _نطقت آسيا هادا راهو دارلك عرس من أول وجديد الله يبارك _بقات عيني نتبع فيه ونتفرج في فرحتو الواضحة مع صحابو وفاميلتو دخلنا وراحو استقبلو نساء ليجاو معاه جات آسيا سقسيتها شكون جاء قاتلي خواتاتو كامل حتا رانيا معاهم وعمتو ويماه وزوج نساء كبار _ايه مرحبا بيهم علابالي هادوك جاو على وجه مالك برك ماش عليا ولبنتي _ايه درك نبداو نغديوهم ونتي كيجي مالك خرجي معاه بصح ماشاءالله تقول عرس خص لغناء برك _حمدلله صبرت ونلت _جابولي كليت شوي ورضعت أمل وبدلتها لاكوش لقيت سندس دخلت ومعاها هدى سلمو عليا وبقاو يحيكو معايا وفرحانين قالولي راهو موجدلك عرس ماش مأمن بلي رجعتيلو بعد تجريجرة الكحلا ليفات عليها _ماعليش المهم فاتت _قدمت ليا هدى ختو قاتلي منار انساي ليفات وحاولي تخلقي جو متغاير وزيد رانا عارفين قصة دواء حكاتلنا سندس ممكن ختي ندى ولا رانيا بصح نتي خلاص ماتزيديش تجبدي هاداك الموضوع وترجعو من اول وجديد تعيشي ختي _ايه اصلا ليفات مات _ربي يهنيكم مالا _انشاءالله _حنا هكداك بعد سمعنا زغاريت _عقدت حواجبي علاه يزغرتو ضحكو لزوج مع بعض قاتلي سندس درك يجي عبد المالك ويخبرك _شوي وجاء مالك دخل بهاديك الطلة تاعو ليتدوب كان لابس قمجة فالأبيض وسروال جين قدم ليا باسني من شعري_الله يبارك زدتي نص فاللبسة _يبارك فيك _منار راني هاداوين زدنا هزينا الفاتحة باه نحو برك الشك بين لحلال ولحرام _عليها سمعتهم زغرتو _ايه باه نعيشو فلحلال ومايبقا حتا شك لأنو كنا هاجرين بعضنا مدة طويلة شوي _ايه مالا خير ماعملتو _تبسم وراح هز أمل في يدو باسها وقالي هيا واجدا نروحو _ايه واجدا _كروشيت في يدو ورحنا ساع لصالو باركولنا كامل وحطو لأمل مكتوب ربي شفت في رانيا وندى وجوهم مايضويش ماش عاجبهم الحال قربو ليا باركولي بالبارد ومبعد شوي جابتلي آسيا الخمار حطتهولي وزدت لبست البرنوس وودعت فاميلتي بلبكا من أول وجديد _بابا وخويا بقاو يوصيو فيه ويعاودو اتهلا فيها راهي أمانة _ومالك غير يطمن فيهم _خرجنا وركبت فطونوبيل جابولي أمل لحجري وزادو الفاليزات حطوهم فطوموبيل ومشينا وكان كورتاج يسخف بالبارود وكيوصلنا لنص طريق قابلونا الخيالا يمشو معانا قالي في عرسنا ماقدرناش نجيبوهم من كورونا بصح درك نقصت وعاد مسموح وخليت هادا نهار كما وعدتك مميز _وصح كان مميز وهايل كيوصلنا لدار _هبطت وسندس غير تصور ماحبستش _طلعنا لدار لقيت غاشي استقبلونا ودخلنا لصالو نحيت الخمار والبرنوس وبقاو يباركولنا بقيت قاعدا لتم شوي وجات عندي ندى _قاتلي نتي وجهك مقصدر صح علاه قبلتي ترجعي _ندى رانا في فرحة ماتفسديهاش _علابالك تبقاي غير نتي ليمانقدرش ندخلها قلبي راح تبقاي دايما بنت ..._جات تهدر سكتها اسكتي ونوضي من قدامي اصلا قلبي معمر عليك عارفا بلي نتي ليحطيتي دواء _ايه انا وكنت ناويا على حاجة خلاص بصح صرات هكدا وسهلتيها عليا _ربي يهديك هادا مانقولك _شنفت وناضت وانا زدت بقيت شوي ودخلت لاشومبر تاعي تواحشتها قالي سندس وهدى ويما تكفلو في كلشي _يكتر خيرهم _بعد مادبح ودار هو تاني عشا وعرض فليل راحو كامل يقينا غير حتا في ثلاثا رقدت أمل بسيف وحطيتها في سريرها باسكو لقيتو موجدلها شومبرتها كما يحب الخاطر ورحت لاشومبر تاعي من دخلة خطفني ليه يحضن ويبوس ويعاود _وأخيرا يامنار راكي في حضني نتي وبنتي صح تسرقت وضاعت منا شهور بصح انشاءااله نقدر نعوضك فيهم _انشاءالله حبيبي وسامحني انا تاني ليحرمتك وكان غروري وكبريائي يتحكمو فيا نوعدك من ليوم نحارب معاك ولو كانت نفسي قابلا نحاربها _باسني من خدي وقالي ربي يخليكم ليا انشاءااله _وسافرنا عبر اورقة الحب والرومنسية بعد ماكان موجد جوء رومنسي يهبل ....رقدنا على ضوء شموع و الحمدلله أمل رقدت وماناضتش لصباح نضت رضعتها وبدلتلها _حنا هكداك دخل علينا _صباح االخير حبيبي _صباح الحب كنت نحلم نوض كما هادا صباح بيكم لزوج _راهو تحقق الحلم _حمدلله حبيبتي اعطيهالي نهزها شوي _مديتهالو هزها وانا رحت طيبت فطور فطرنا _كيكملنا قالي وجدي روحك نروحو عند الحاج بالاك كيشوف هاد الملايكة يغير رايو _ايه درك نروح نلبس ليا وليها _رحت لبسنا وهبطنا ديمارينا عندهم وحاكما قلبي من الخلعة مام هو حسيتو متوتر _كيوصلنا دخلنا عندهم وبقا يعيط يما الحاج _خرجت يماه تبتسم سلمنا عليها شوي وجاء الحاج _كيشافني تبدل وجهو _علاه زدت جبتها _الحاج جبت مرتي وبنتي ارواح شوفها راهي حفيدتك _قدم شاف معاها من بعيد وقالو تخرج بيك بيهم مانحتاجكمش في داري _كلامو شوكاني وكان كيسيف على قلبي يادرى مالك كيفاه راهو حاس _الحاج استغفر مولاك وحن علينا هادي درك راهي عايلتي وفرحتي _مالك انا تبريت منك هاداك نهار ليتزوجتها وزدت رفضت طلب تاعي ودرك روحو مستحيل نقبل بهادي لمرا وماش مسامحك _بعد محاولات بلا فايدا خرجنا من عندهم شفت معاه لقيتو مكسور الخاطر _ركبنا وحط راسو على لفولو _مالك راك مليح _طلع راسو وقالي مع الوقت نعود مليح نصبر وخلاص كدا مكتوب عليا نكمل حياتي _ربي يكون معاك انشاءالله .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
