#ركام_قلبي
الحلقة 47. #بقلم_لينا
بعد ماخرج كملت راجعت غير سطحيا وخرجت لعندهم لتحت تنفست هواء نضيف ونحيت عليا الخوف والتوتر وطلعنا هوما كملو دخلو وانا سميت بسم الله وقلت
{{اللهم اشرح لي صدري ويسر لي امري و أحلل عقدة من لساني يفقه قولي يارب العالمين}}.ودخلت على بركة الله وكلي ثقة بنفسي وبالله وبإبتسامة على وجهي وبما أنو درت لاسوتنوس تاعي مفتوحة بصح ماقبلتش انو الغرباء يدخلو لقيت لداخل قاعدين غير عايلتي وكنزة ومنى والاستادة وفايز ومن ورايا دخلو اعضاء اللجنة وكل واحد حكم بلاصتو وانا حكمت بلاصتي وسمينا بسم الله رحبت بيهم ورحبت بالحاضرين عامة وبدينا في مناقشة الميموار وعرضت البحث تاعي عليهم والكل كان مركز عينيه عليا صح كنت متوترة وخايفا بصح حاولت نتغلب عليه وكل سؤال جاوبت عليه.بعد ماكملت زاد خوفي كتر من اللجنة فالاول تشكروني ومبعد كما سبق وقالي فايز راح ينتاقدوك وكل انتقاد كنت نجاوب عليه بعقلانية ووحاولت نقنعهم وحسب الابتسامة ليعلا وجه فايز راني نجحت فالاجابة .كانو كاينين نقائص قالولي عليهم بصح ماش قراف وفي الاخير بقاو يتناقشو مابيناتهم مدة شوي قصيرة وانا حاكما اعصابي خايفا من النتيجة حتا نطق رئيس اللجنة وقالي مبروك عليك عندك نقطة ممتازة ونجحتي بإمتياز وراكي من الأوائل ونتمناولك النجاح في مسيرتك المهنية وزادو باركولي ليمعاه وخرجو وانا حمدت ربي سبحانو على هاد النجاح وعلى تعبي ليماراحش خسارة شفتهم كامل فرحانين بيا كانو جايين جيهتي وليت انا مشيت عندهم وبابا يحضن فيا ويما تسمي بسم الله قالولي كنتي فالقمة وحتا الاستادة وفايز باركولي من قوة الفرحة ليحاكمتها داخلي حسيت بدوخة وضبابت عليا شوفة وماحكمتش الوقفة مليح حتا حكمني اسحاق بيدو كان ورايا وقعدني على الكرسي شفت فايز جاب في يدو قرعة ماء مدهالو وشربلي وغسلي وجهي بشوي ماء قالي بابا يابنتي لازم تكوني راكي تسوطي من الفرحة ماش دوخي ردتلو يما ايه هادا سور من الضغط ليعاشتو هادو شهور ليفاتو الله لا تربح فليكان سبة _قالها بابا خلاص مالا مانفتحوش الماضي كلشي فات ونوضي فرحي ينجاحك .كنت داخلي عايشا فرحة ماقدرتش حتا نوصفها وندير ردة فعل شفت مع فايز لقيتو يشوف ليا ويتبسم وفي ثانية غمزلي وكانت اول مرة يدير جاست كما هادا وكأنو كل القيود تفكت وعاد كلشي مسموح واول إشارة هيا غمزة منو __بعد ماراحتلي دوخة نضت كليت وشربت وفرحت معاهم بصح فرحتي ماش كاملا لانو فايز خرج ماقدرش يبقا معايا قدام بابا وخويا والشيئ ليحيرني اسحاق وجهو مقلب ماهوش مليح ماعجبونيش حوالو حتا كيسقسيتو قالي من تعب برك .بعد ماكملنا وهزينا حوايجنا وكل واحد راح لجيهة وبابا حوس بينا نهار كومبلي مع يما وآسيا وفليل تعشينا برا ورجعنا لدار دخلت لدوش دوشت وخرجت صليت صلاتي وحمدت ربي وشكرتو على نجاحي . غير كملت حكمت بلاصتي جبدت ثلفون لقيت بزاف ليزابال من عند فايز عاودت عيطتلو .غير هز عليا قالي ماش راح نلومك كيماكنتيش تريبوندي _سامحني استاد بصح من وقت كنت فالقاعة مازدتش هزيتو وكان سيلونس _ايه ماعليش مام انا فهمت منار مبروك عليك مرة ثانية _مبروك علينا ماش عليا برك بسبابك قدرت ننجح وبهادي نقطة _لا من قبل مايتفاصا الميموار تاعك كنتي قادرا تنجحي وحدك لهادا تاع صح راني فخور بيك نتي بإجتهادك قادرا توصلي بعيد _مادابيا لفمك لربي _ درك بقالك غير شوي تصحيح وتعديل ماش حاجة بزاف وتحطيه فالادارة بشكل نهائي _ايه عارفا يعطيك الصحة على كلشي استاد _هادي تاع استاد نورمالمو تتنحا بعد نهار تاع ليوم وبعد الغمزة ولا مازلتي مافهمتيش روحك _ضحكت لا فهمت بصح صعيبة باه نحيها _ماعليش نهار الحفل نحيهالك _وقتاه الحفل هادا _سمانة الجاية بعد باسكو نتي كنتي من الطلاب الاواخر ليسوتناو _ايه صح كنت روطار بزاف _ماعليش المهم لحقتي حقا كاين ليكونكور شهر الطاي فتخصص ليحاباتو بصح مقاعد قلال ادا تحبي تسجلي _ايه مادابيا وين بلاصة _من بعد نبعتلك المعلومات فالمسنجر _انشاءالله _هيا زينة تاعي روحي ترقدي علابالي عييتي اليوم _بقيت ساكتا ومصمرة اول مرة يقولي هادي الكلمة _منااار زينة علاه ساكتا قتلك افهمي روحك ماش حاجة غريبة هادي ونورمالمو كنتي متوقعتيها مني _بصح ماش في نهار واحد _ضحك وقالي روحي منار ترقدي وفي الصباح رباح .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
