ركام قلبي

الجزء 124

#ركام_قلبي
الحلقة 124
بقلم#lina_sabrina
فتح لباب ودخلنا في كولوار ضيق جاي بالعرض على جنابو بيبان مسكرين وزاد فتح باب مقابلنا كيدخلنا قابلوني دروج على جنب مشينا شوي الله يبارك دارنا ماتبانش مع دارهم عاليا وكلشي فيها متحوف وهول فالوسط واسع فيه فوتاي كبير ومايدا تاع زجاج فالوسط ومقابلو بلازما معلقا قد الحيط ودايرين بالهول بيوت بزاف بصح هدوء فدار ماكاين حتا حس شفت معاه قتلو الله يبارك دار كبيرة _يبارك فيك هيا نزيدو نقدمو  لداخل قدمنا لقيتو يعيط يماااا رانيااا _شفت معاه علاه تعيط لرانيا _غد علابالي بلي هادو زوج دايما فدار هادا ماكان _مممم أمنتك _تعجبيني كيتغيري يالمغيارة  _حنا هكداك بعد خرجت يماه  وفي يدها شيفونة تمسح في يدها وطابلية على حجرها كيشافتنا تولهت حسيتها تشوكات بقات موسعة في عينيها _يما جبتلك عروستك ديريلها صبوحي تاعها هنا كما كنتي متمنية _تبسمت وقربت لينا رحنا سلمنا عليها قاتلي مرحبا بيك ينتي في دارك والله فرحتوني كيجيتو هنا _سمعنا صوت رانيا ورانا مالك جيت دورنا ليها شافت معاه ومعايا وقربت سلمت علينا ونفس طبيعة لاصقا فيه _هيا بنتي ارواحي قعدي ماتبقاوش واقفين _يما اصبري ساع وينهي الحاجة _راهم فلجنان هيا والحاج _شفتو مسح على وجهو ودور ليا منار أقعدي حتا نجي _هززت براسي هو خرج وزادو لحقوه هوما سمعت كيقالت يماه ربي يستر وخلاص _قعدت وبقيت مدة نستنا حتا دخلو كامل ومعاهم الحاج والحاجة قربو ليا ويشنفو جيتي برجليك لهنا ماتحشميش _ردلها هو حاجة بعقلك على طفلة راهي ماعارفا والو _نطق الحاج قال مادام ماعارفا والو علاه جايبها هنا اديها لدارك ليشريتها على جالها ازرب خرجها من مانسحقهاش في داري _الحاج دير صبوحي تاعها برك ونروحو وحاب في هادي المناسبة نحو سوء التفاهم ولعداوة _وسع عينيه فيه قالو حابني ننسا واش عيشنا هاداك الكلب في مناسبة ياعرة الرجال نسيت خاوتك _مانسيتهمش وموحال ننساهم بصح لكل خلاف عندو حل _ادا نتا الحل تاعك كيجبتها هنا فراك غالط موحال نتقبلوها بيك بيها امشي يامرا خليهم يديرو واش يحبو ومن تم مانزيدش نشوف وجهكم لزوج _نطقت لحاجة كما قال باباك باه مانخلوش ناس تضحك علينا دير واش حاب وطيرو من دار بصح والله مانسامحك ياوليدي لنهار نموت كيكسرت ظهري وتزوجتها _الحاجة العني شيطان راكي حاجة بيت ربي نحي عليك الحقد ليفي قلبك _ادا نتا نكار العشرة فأنا أم والأم موحال تقدر تنسى كبدتها خسارة تربيتنا وتعبنا فيك _هو بقا مهبط راسو وساكت وانا حبيت نهدر بصح يماه ديربي بيدها في فمها تاع يعني اسكتي _قالهم ارواحو قعدو هنا وخلونا نحكيولها بشوي ماش تلوموها _ردلو الحاج قال مانحكو مانشرحو ماتستاهلش ونتا دبر راسك كيتكملو علاه جيتو هنا تهزها وتروح وجهك مانحبش نزيد نشوفو يدور هنا وكون خير تنسانا _تخنزرو فيا و راحو لوحدا من شنابر وسكرو عليهم الباب _مالك راح قعد ويديه على راسو قربت ليه يماه وليدي بلعقل برك عليهم يجي نهار ويتقبلو زواجك _طلع راسو ليها قالها بصح لوقتاه خايف يطولو _يطولو على روحهم المهم فالاخير تبقا نتا وليدهم وراح يسامحوك _انشاءالله ناض وقف قالي هيا نديك لشومبرة ماتبقايش هنا ولا تحبي نرجعو لدار_لالا خلي نبقاو هنا خير _كما تحبي هز الفاليزة ومشيت وراه دخلنا لاشومبر كلشي فيها قري وسرير مفرش بغطا بيض وفيه دوش قالي هادي شومبرة تاعي تمنيت ندخلك ليها بصح صرا العكس _ايه ماعليش _هيا بدلي قشك وعيطي لداركم قوليلهم على غدوا وربي يجيب ليفيه الخير _انشاءالله هو خرج وانا قلت مع روحي راني غامرت وجيت لهادي دار غير باه نعرف واش مخبي بصح والديه قبيل مافهمت منهم والو منغير عندهم مشكل مع بابا وخاوتو تاني ليهم دخل _وعلى حساب كلام مالك كان حاط في بالو نقعدو ونحكيو بصح هوما سكتو وهو سكت بعد  لازم نزيد ننبش حتا نعرف  _هزيت ثلفون عيطت ليما خبرتها ناضت تعرشلي علاه حتا آخر لحظة تقوليلي درك واش نوجد وحدي _يماا ساهلا كومندي برك من برا _ايه نتي ليك ساهلا تحبي الواجد _المهم قوليلي بابا جاء ولا مازال _ايه فليل يوصل _ايه مليح مالا كيوصل خبريه _انشاءالله هيا نخليك ياربي مانوض نوجد ونقول لخوالك تاني _اوك ربي يقدرك _كوبات وانا بدلت قشي فتحت لخزانة لقيت غير شوي برك من قشو  فرزت الفاليزة وقعدت سمعت الباب تفتح طليت لقيتها رانيا وفي يدها لالبوم _ماعليش نجي نقعد معاك _ايه ارواحي _قعدت قدامي وفتحت هاداك لالبوم _قاتلي شوفي هادي في خطبتي انا وعبد المالك _بقيت نشوف مع لافوطو ونشوف معاها هادي نتي ولا سندس ؟_ضحكت وقاتلي لالا هادي أنا برك بالمكياج عدنا نتشابهو _بقات توريلي فليفوطو وانا مخلوعة فيها هادي منها صح جايا توريلي فليفوطو تاع خطبتها مع مالك مافهمتهاش ادا راهي تغير فيا ولا هيا نية بزاف وعاشقا فيه صح ماش عارفا واش دير.