#ركام_قلبي💗
الحلقة21. #بقلم_لينا
مع وجد لعشا رحنا تعشينا نطق بابا قال إسحاق ماش قريب نشوفو ولادك عندكم سنين زواج _ردلو ابابا ماش مقلقين منين ربي يسهل هاداك هو _شفت مع آسيا مهبطا راسها وتلعب بالمغرب ماش تاكل باينا تقلقت من هدرة تاعو وبابا كلما يجي يجبد هاد الموضوع واكيد واحد مايقدر يسكتو ولا يقاطعو _قالت يما علي خلي لولاد براحتهم منين يرزقهم ربي نقولو مرحبا وشفتها وسعتلو عينيها باه يسكت _قال ايه ربي ورحمتو كملنا الماكلا غير فسكات وبعدها تفرقو وانا وآسيا بقينا فالكوزينة هيا حرف مانطقت بصح عينيها يهدرو وحدهم مغرغرين بدموع . آسيا ختي روحي طلعي تريحي وانا نكمل _لا خلي برك نتي ليفيك يكفيك _لا خليني على الأقل نلهي روحي _اوك مالا نطلع _اقعدي فصالون سهري معانا بابا غدوا يروح _ايه درك نطلع نطيب معايا شوي ديسير ونجي _اوك .هيا راحت وانا كملت كوزينة ورحت توضيت صليت ورحت عندهم لصالون لقيت غير اسحاق ويما _وينو بابا _خرج لجنينة يتكيف درك يجي روحي جيبيلنا تحلية ليخدمتها وديسير وارواحي _رحت للكوزينة لقيت آسيا تبكي وبابا تم قاعد فالكرسي كيشافتني مسحت دموعها _وشبيكي آسيا _ماكاين والو غير كنا نحيو على بابا ربي يرحمو _ولا ناض بابا قالها ربي يرحمو وماتنسايش ليهدرنا عليه مانحبش نعاود الهدرة وخرج _واش قالك بابا حتا قال مانعاودش الهدرة _والو قصدو على الصبر برك _ايه ماعليش عندو الحق أصبري .ايه .هزينا تحلية وديسار ودخلنا عندهم وطولنا فسهرة انا معضم وقتي نخمم في محنتني كيفاه نتجاوزها .لغدوا بابا جاء عندي على 6 تاع صباح بنتي راني رايح وديري واش قولتك وماتضعفيش وبربي انشاءالله تنجحي بقاني على خير وراح .
وانا بعد ماراح نضت صليت وفطرت ووجدت روحي باه نخرج كيسمعت صوت باب دار اسحاق تخبطت خرجت عندو لقيهم في زوج هابطين صبحت عليهم قتلو خويا توصلني في طريقك لسبيطار _ايه هيا نوصلك ومبعد نزيد نوصل آسيا للجامعة .مالا سبقوني لطونيبل نجيب البيسي ونجي .رحت جريا جبتو ولبست المونطو وخرجت عندهم ديمارينا وطول طريق ساكتين وهو مرة على مرة يشوف مع مرتو ويستغفر ويضرب فالفولو تبان آسيا ماش في حالها وخويا مقلق بعد يادرا واش هو مشكل تاعهم . وصلوني وراحو .غير دخلت صونا ثلفون لقيتها منى هزيت عليها قاتلي صباح الخير وينك _هاداوين دخلت لسبيطار _ارواحي رانا فالباركينغ ليلفوق _مع من راكي _مع فايز _اااا ديجا وصل اوك درك نجي .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
