الحلقة 139
بقلم_لينا
لقيتو دخل ورايا _فتح لخزانة وقالي امشي لمي قشك نروحو لدار نتي ماخليتي حتا قدر ولا إحترام ليك هنا _والحاج ؟درك تخمي فيه كون خممتي من قبل ادا رجعت للبرود تاعي معاك ماتلومينيش امشي لمي قشك نوصلك لدار ونرجع انا هنا _مادام نتا راجع انا مانروحش _لقيتو ناض يعيط نوضييي هيااااا شكون راح يحملك ويحبك هنا فدار كرهتيهم فيك أنا نريقل فالحالة ونبرد فيها ونتي تشعلي فنار مالا ماعندك حتا قعاد هنا وزواج ماش راح نتزوج عليك امشي نوضيييي يهدر بأعلى صوتو
وبقا يهبط فالقش من لخزانة يهز ويرمي فالأرض حتا طاح من بيناتهم باط تاع دواء غير شفتو من بعيد وقريت اسمو عرفتو ومافهمتش واش جابو عندي وفي نفس الوقت خفت كون يعرفو _راح هزو تاع واش هادا دواء ؟_مانعرف ماش تاعي هاتو برك عندي جيت نديه من يدو ماحبش وبعدني _ فتحو وقراه طلع راسو ليا ورما لبلاكا تاعو في وجهي و حكمني من شعري حسيت بالجلدة راح طير بين يديه _اصبر مالك ماتغلطش والله ماتاعي _تما راكي تلعبي معايا من تحت لتحت وانا نقول علاه مازال ماهزيتيش الحمل _والله ماشبرتو وماش تاعي صدقني _منااار ماتكدبيش قتلك من نها تزوجنا حاب نكون أب ماتشربيش دواء _بصح نتي درتي العكس وشربتي بالتخبية غير باه ماتجيبيش لولاد تما درتي إحتياطاتك وعمرك مادرتي فيا ثقة _مالك والله العظيم راني نحلفلك ماش تاعي _مالا تاع من تاع لجنون شكون راح يجيبو ويحطو بين قشك بعد مني وهز لبلاكة شوفي ديجا نص منها ماكنش
يعني كنتي تشربي فيه بالسرقة عليا _عليت صوتي عليه ايييه علاه ماتفهمش قتلك ماش تاعي سور وحدا من دار حطتهولي هنا حابين يديرولي المشاكل معاك _شكون ليخمم فدواء باه يحطهولك منار متقنعتينيش بهادي الكذبة تاعك واحد ماعلابالو بلي أنا حاب لولاد من غيرك نتي وزيد موصيك من قبل __ماعلاباليش بصح ممكن ختك هيا ليحطتو باسكو موالفا تسقسيني وقلتلها ماش نشرب _هزز براسو وراكي تحصلي في ختي ثاني منار ليوم هبطتي من عيني بزاااف ماتصورتكش في نهار واحد يبان وجه جديد منك فالاول مع ندى ومبعد رانيا ومبعد عمتي ودرك ضهرتي كدابة وزدتي تحصلي في ختي خرجتي ماش تاع ثقة وانا عماني فيك الحب والله يلعن النهار ليحبيتك فيه ندمت وراح تبقى ندامة عمري وزيد بسبابك درت الموحال وتزوجتك بصح ماتستاهليش هادوك تضحيات _كلامو كان بالنسبة ليا زلزال مدمر فشلو رجليا حسيت براسي يدور بيا _مالك قولي واش عندك بوضوح _ وجهك راح يبقا دايما يفكرني في موت يما منار أنا وياك علاقتنا مستحيل ترجع كما كانت وليوم تأكدت من تصرفاتك نتي ماقدرتيش ضحي باه تفرحيني بصح أنا ضحيت وحتا بزاف بصح مادام ثقتي فيك راحت ودرك كيفاه نكملو حياتنا ماش عارف ماعلاباليش ماعلااااباايش _قالهالي بصوت عالي وخرج وأنا حسيت ببرودة مشات فيا عييت نوقف قعدت وبقا كلامو يدور في راسي نشوف مع شومبرة وماش مصدقة واش سمعت دخلت عندي سندس بقات تهدر معايا واش كاين هنا علاه كنتو تعيطو واش صرا _تعيشي خليني وحدي _خرجت وأنا شهقت من لبكا قلبي وجعني من كلامو طلعت روحي من لبكا ومافقتش بروحي كيفاه رقدت مافطنت غير بصوت الآدان نضت شفت لاشومبر والقش مطايش وقفت رحت لدوش دوشت وخرجت صليت ولبست لبسا تاع برا ستنيت حتاطلع نهار وخرجت من دار بلا مايفيق بيا واحد لأنو مابقاتش عيشة هنا مانحملش روحي نبقا في هادا الذل كتر من هكدا وكلامو لبارح كان صفعة وضربة قوية ليا بقيت غير نمشي ونمشي عقلي تايه وضايع حاسا بحاجا تكسرت في قلبي وهادا الانكسار مستحيل يرجع كما كان .
أنت تقرأ
ركام قلبي
Narrativa generaleمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
