#ركام_قلبي💗
الحلقة 24
طلعت وجسمي يرعش حتا حبست في نص دروج ماقدرتش نمشي مانعرف علاه خفت منو ممكن خفت أني نخسر خدمتي باين عليه عندو يد كبيرة فسبيطار كون ماجاش هكدا موحال يواجهني ويتحلف فيا لأول مرة نخاف لهادي درجة لازم عليا نقوي نفسي ماش وقت نخلي روحي فاشلا وضعيفة لازم نغلب خوفي .كملت طلعت دروج وصلت بدلت قشي وخبيت ليكنت لابساتو مع ساكي والبيسي ورحت نخدم لقيت منى وكنزة مع لبنات فلابو قربت ليهم سلمت على كنزة قاتلي عسلامة عاش من شافك _يسلمك راني هنا ونورمالمو سمعتي واش صرا معايا _ايه سمعت وكنت راح نجيك لدار بصح كملت روطار _ماعليش يكتر خيرك اصلا ماعندكم ماديروليلي ليصرا صرا وتفرت _ربي معاك واي حاجا تحتاجيها ولا تحبي نعاونوك رانا هنا نطقت منى ايه عندها الحق راح نكونو معاك وادا تحبي كل جمعة نجو عندك ونتعاونو _يعطيكم الصحة بصح مام نتوما عندكم الميموار باربي ماتكملوه .قاتلي منى ماتخميش فينا حنا على الاقل مشينا وقريب نخلصوها ماش كما نتي ترجعي للبداية _ايه مالا مرحبا بيكم _دخلت طبيبة قاتلي هيا معايا لتحت ليوم دالتك ولبارح غبتي _وليت تبعتها ودرنا على المرضى غير كملنا عيرنا الدم شفت مع الساعة لقيتها 12 راح لحال لازم نروح بصح المسؤولة علينا قاعدا فوق راسنا غير لقيت الخدمة مطولة رحت لصاك تاعي هزيت الورقة ليجبتها معايا من الإدارة ومديتلها قراتها _قاتلي كنت مادابيا تكملي ليوم لانو نتي ندير فيك الثقة فالخدمة قليل وين تغلطي درك كيتروحي محتما عليا نوقف على كل وحدا _سامحيني بصح كون ماش ضروري مانخرجش _ايه ماعليش روحي وربي يقدرك _انشاءالله .خرجت رحت بدلت قشي وعدلت خماري لقيت باب تفتح ودخلت روميسة بقيت نشوف ليها كون صبت كون رحت كليتها بلا مضيغ _قتلي خير علاه تشوفي فيا هكدا _قربت ليها وقابلتها وجه لوجه راكي عارفا روحك واش درتي وكون ماجيناش فالخدمة كون راني قطعتك بسنيا _منار وشبيكي تاكلي في روحك كون جيت انا ليفورماطيت البيسي تاعك ماش راح نخاف ومادام ساكتا وناكرا معنتها خاطيني_ادا ماش نتي مالا شكون ماكانش غيرك ليحاطني في راسو _مناار انا صح حاطاتك في راسي وماننكرش هاد شيئ بصح كون حبيت نهبطلك المستوى تاعك عارفا بلي هاد الطريقة ماتجيبش نتيجة وعارف بلي تقدري تعاودي كلش من جديد _يعني راكي مستعرفة بلي قادرا ديريها ؟_ايه نديرها لأني حاكما عليك حقد كبير الله غالب من الاول نكرهك وزدتي دخلتي بيناتنا عدت نشوف فيك نظرة الموت _بصح علاه تكرهيني واش درتلك _منار انا نهدر فالوجه ومانخافش نتي من الاول كنتي نتي المتفوقة بيناتنا فلجامعة وهنا فسبيطار حطيت كل طاقتي باه نغلبك بصح مانجحتش صراحة شابو ليك بصح زدتي دخلتي بيني وبين فايز ماش راخ نفوتهالك موحال نخليك تديه عليا _علاه كاش حاجا بيناتكم ؟_ايه كاينا والكل يعرف بلي انا وفايز كتر من أصدقاء يعني ادا ناويا على حاجا خلاف غيرك انسحبي لأنك تغلبيني في كلش من غير فايز مستحيل تغلبيني فيه وماش راح نتنازلك عليه وماتزيديش تقابليني وتتهميني وتعمريلو راسو عليا وروحي حوسي على ليدارها بيك بعيد عليا .خبطتني بكتفها ومشات بدلت حوايجها وانا غير نشوف فيها ماعرفش ادا كلامها صحيح ولا راهي تكدب زادت دخلتني شك في راسي ادا ماش هيا مالا شكون ليحاب يحطمني وناوي عليا الشر .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
