الحلقة 114
بقلم_لينا
الحاجة خلاص كفاية واش هاد دعاوي هياو نوصلكم لدار وهيا ماعندها مادخلها ماكالاه تزيدو توصلولها وتدعيو علينا خلونا نعيشو حياتنا براحتنا_نطق الحاج امشي يامرا خليها وربي وكيلهم هو خرج ولحقو مالك وهيا شافت شافت معايا وبزقت في وجهي وقاتلي وجه الشر هادا واش يليق ليك غير لخماج ياساقطة _نطق مالك بصوت عالي ورجع بيناتنا يمااا خلاص كترتي ماش لهادي درجة _ _بقيت مصمرة في بلاصتي وطاحو من عيني دموع وأنا كلمة ماقلتهاش حسيت بالاهانة والذل في وسط داري وهوما كامل تشوكاو من تصرفها حتا زاد قدم ليها الحاج وجبدها من يدها ومشاو _دور ليا مالك وعطاتلو سندس لانجات وهو بقا يشوف معايا وساكت ويمسحلي في وجهي كيكمل قالي منار على جالي ماتكبريهاش ودرك نجيو ونحكيو نوصلهم برك لدار ونرجعلك_مالك فهمني واش كاين علاه دارولي هكدا _خلاص منار نرجع ونفهمك دتر ليهم هيا نتوما تاني يوصلكم سعيد راهو لتحت هو ليجابهم وعيطلي قبل عليها جيت _قاتلو يماه كيفاه نروحو وغدوا صبوحي تاع مرتك رايحين نعرضو لافامي _يما خلينا من البوليتيك تاع نسا هادو لا صبوحي لا والو درت عرس بزاف _اخااا عليك كيفاه ماديرش واش يقولو ناس _مايهمنيش فناس هياو خلينا نروحو راني ماش مليح امشو ماتخلونيش نجهل _راحو يلبسو وهو هبط جات ليا يماه قالتي ربي يكون الخير برك راهم كبار ماتلوميش شفت مع سندس تبسمت معايا وقاتلي المهم مالك مايهمش والديه هززت براسي وهبطو كامل قفلت الباب من وراهم ورحت غسلت وجهي ورجعت قعدت نخمم في واش صرا قبيل وعلاه دارولي هكدا واش خصني انا واش خصهم في بابا ياك هو عندو مشكل نورمالمو مع والدين سندس ماش معاهم هوما اوووف ياربي واش هادي العيشية هادي غير البداية دارولي هكدا ودلوني ورخسوني كيفاه من بعد _رحت هزيت ثلفون عيطت لبابا قتلو ارواح لداري نحتاجك _غير لخير بنتي راكي مليحة ياك _بابا ارواح ومبعد ساهلا_اوك راني ديجا برا شوي ونجيك _ياك تعرف دار _ايه بيانسور نعرفها _كوبا وانا بقيت نغلي وحدي فدار فاتت ربع ساعة حتا طبطب رحت فتحتلو من غير شفتو هبطو دموعي وحضنتو _منار وشبيكي بنتي علاه تبكي واش صرا ادخلي ساع لداخل ونهدرو _دخلنا وهو قفل الباب ورحنا قعدنا _احكيلي واش صرا _قتلو جات يماه وباباه وماخلاو فيا والو بدعاوي الشر وباباه هرسني من رجلي بلعصا تاعو واخر حاجة يماه بزقت في وجهي _ناض وقف كيفاه يرخسو في فيك في دارك وراجلك كان حاضر ؟_ايه حاضر دافع عليا بصح ماقدرلهمش _طحان قتلو كون دمعة تهبط لبنتي والله مانخليهالك هيا نوضي لبسي وامشي معايا لدار _بابا كيفاه نروح معاك انا عيطتلك برك باه تفهمني واش كاين بينك وبينهم (جيت نهدر على حكتية سندس وليت سكت)_امشي لدار ونحكيلك ماش هنا مانقبلش بنتي تتهان وأنا ماندير والو _مانقدرش نروح معاك حتا يجي مالك _اوك نسناه _بقينا شوي ودخل مالك غير شافو عقد حواجبو وقال خير _نطق بابا انا كيمديتلك بنتي قتلك احفضها وصونها واحميها وبعدها على والديك ولا ماقلتش؟! _رما مفاتحو فوق الفوتاي وحط يديه في جيوبو وقرب ليه ايه صح قلت هكدا وانا وفيت بوعدي _بصح والديك رخسوها في دارها ونتا ساكت _كيفاه ساكت كنت ندافع عليها وماخليتهمش يهدرو كتر ووصلتهم لدار جيت _مالك ماتهبلنيش طفلة باباك ضربها بلعصا ويماك بزقت في وجها وبلا دعاوي ولكلام الساقط _وانا وقفت في وجوهم ودرت ليعليا مانقدردش نحكمهم من يديهم ونحاوزهم يبقاو والديا _ايه عندك حق بصح انا بنتي من كانت صغيرة عزيزة وتبقا عزيزة ادا ماش قادر باه تنورلها حياتها فألف واحد يتمناها من غيرك أنا درك نهز بنتي ونرجعها لدار باباها وتعيش معززة مكرمة _شفتو طلع حاجبو ليه وقالو شوف يا سي علي منار مرتي وأنا درك ليعدت مسؤول عليها في كلشي وانا مادام وعدي وفيتو ماتنسانش مني كتر وزيد منار ماش خارجا من دارها _دور ليا بابا وقالي بنتي هيا تروحي معايا ونحكيو بعقلنا ونفهمك في كلشي تبانلي غلطت من الاول كيزوجتك ليه.
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
