ركام قلبي

الجزء 49

#ركام_قلبي
الحلقة49.       #بقلم_لينا
وصح  كان قد وعدو بعد يومين جاء فايز وطلبني من بابا وقبل وقبلت بيه هدرو غير رجال مع بعض برا حتا للغدوا راح يجو يحطولي الخاتم هو كيهدر معايا عاد يهدر ويتغزل نحا كل الرسميات ليبيناتنا وعاد صريح وجريئ اما انا مازلت حاشما منو خرجت مع آسيا خيرنا لبسة شريناها وزدنا معاها الحلويات وكلشي نحتاجوه ورجعنا لدار سيقناها وريقلنا كلشي على شعرة لغدوا وحدت روحي لبست قفطان ليشريتو مع الاكسسوار وطلقت شعري ودارتلي مكياج وجاء جدي ومعاه خوالي عمرت دار بالغاشي ويعد الظهر جاو قاتلي آسيا جات صاحبتك منى ويماه وجداتو وعمتو ورجال ماعلاباليش  _علاه مادخلتيش منى هنا _علاه شغل ماتعرفش دار ياك كانت تبات هنا وتعرف دار كامل وكل كوانا فيها كون حبت تجي راهي جاتك بصح هيا تيان عينها في حاجة خلاف _مافهمتكش آسيا _خلي ومبعد ونحكيو فيها ماش وقتها هيا تخرجي عندهم _نضت وقفت وميشيت لعندهم سلمت عليهم وقعدت عجبتني عقليتهم وباينين ناس ملاح حتا منى فرحانة تقول هيا لعروسة ماش انا .وصل وقت لازم يشوفني فايز رؤية شرعية دخلت لبيتي شوي وجابتو منى هيا خرجت وهو قرب مني غير يشوف معايا مانحاش عينيه مني وانا حشمت هبطت راسي _الله يبارك ماشاءالله لاباس منار _ايه الحمدلله قعدنا حكينا على شروطنا انا قبلت بتاعو وهو قبل بتاعي غير كملنا خرج قبلي وانا وراه دخلت لصالون حطولي الخاتم وباركولي وزغاريت   وراحو جاء عندي جدي باركلي وقالي الحمدلله لقيتي ليساعدك وراح تتزوجي قريب وبقيتي فوق راسنا بايرا _جيت نرد عليه نطق بابا وغير الموضوع ._فاتو ايام سمنة على العسل معاه نحيت كلمة استاد وعدت نعيطلو بإسمو وعلاقتنا مليحة وغير لحلاوة من عندو .عاودت درت تكوين فالغات وشاركت في ليكونكور ودرت امتحان كتابي وشفهي ومقابلة ونجحت في واحد منهم والحمدلله بصح للأسف ليكنت خايفا منو صرا بعتوني لنفس سبيطار نخدم فيه لأنو فيه هو برك راح يفتحو مخبر جديد ويحتاجو مختصين تحتمت عليا نقبل نخدم واكيد هادي فرصة تاعي ماش راح نستغنى عليها ولا نفرط فيها على جال مالك وادا يلزم الأمر راح نتحداه هو الأول ونحاول نتجنبو قدر مانقدر واصلا هو راهو غير آرشيتاكت يعني خدمتو لتم ماش مطولة وممكن يكون كمل وراح بصح عارفا يوصلولو الهدرة ويجي يحاسبني وانا اصلا ماش فاهما واش هو المشكل تاعو معايا بصح كما سبق وقلت راح نزيد من جرأتي ونتحداه ومن غدوا راح نبدا نخدم ونبدا في مشواري من هادي النقطة ونتمى نترسم لأعلى المراتب.
هاداك نهار كانت لقايلا سمعت صوات آسيا وإسحاق كان صوتهم عالي خرجت من بيتي شفت يما وبابا طلعو يجريو لحقتهم لقيناها عند الباب لابسا حجابها وكابا في يدها وهو حاكم دراعها آسيا ادخلي لدار  اطلقني يالخداع مانزيدش معاك دقيقة قالهم بابا وشبيكم واش كاين علاه هادا لعياط كامل _ردتلو آسيا احكمو في وليدكم ليراهو من طفلة لطفلة  مانعرف ليمن خرج _نطق بابا بلعياط اسمعي نتي واحترمي روحك وعرفي واش تخرجي من فمك وادا راهو يحوس على طفلة توالمو باه يتزوج ويجيب ولاد فهادا من حقو ونتي ماعندكش حق توقفي في وجهو _مالا راني خليتو ليكم وروحو زوجوه بليتحبو بصح باه تدخلو عليا ضرة أنساوها .ومشات كيلحقت لعندي حبست شافت معايا وقاتلي ونتي دخلتي لداري ولحياتي سوسة وماش فايقا _مافهمش آسيا واش من سوسا ليدخلتها _نطق اسحاق آسيا غمي فمك ولا نجي نغمو بيدي والله مانرحمك ساع _دارت ليهم قالتهم نتا وباباك تشبهو لبعض ندمت على نهار ليدخلت لهادي دار عروسة _شفت بابا وسع عينيه فيها قالها امشي انا نوصلك لباب داركم وبركاي ماتخلطي فالهدرة _نطق اسحاق كون تروح ماعندهاش رجعة _قالتلو يما ألعن شيطان ياوليدي خليها تروح تريح راسها يامات ومبعد تفاهمو بلعقل نتوما هكدا متزاعفين رايحا تكبر بيناتكم _سكت زمان وقالها روحي بصح غير يامات ونجيك _قاتلو ماش راجعا ماتعدبش روحك _ومشات وراح وراها بابا يوصلها وحنا هبطنا غاضتني آسيا ليفهمتو بلي خويا مخلطها مع لبنات وهيا فاقتلو وبصح مافهمتش سوسة هادي ليدخلتها أنا .بقيت مع يما مام هيا طلعتلها لاطنسيو ماتحملش تشوف المشاكل فدار اي مشكل صغير يطيحها فراش .لغدوا لبست وخرجت شفت مع دار آسيا حبيت نروح عندها بصح قلت خلي حتا نرجع خير درك ماتصلحش على صباح .حكمت البيس ورحت لسبيطار رجليا يترعدو وحدهم وعينيا تحوس عليه خايفا نشوفو بصح فاتت على خير ماشفتوش طلعت لنفس المكان ليكنت نخدم فيه لانو المخبر مازال مافتحوهش بديت خدمتي في بوسط مليح وتفاجأت كيلقيت رومسية حتا هيا نجحت فالكونكور خلاف  تما ماش طالقتني غير شافتني جات عندي باسن في وجها الشر قاتلي  مالا ديتيه يامنار درتي رايك _قصدك على فايز ايه ديتو وراح نتزوجو عندك مشكل ؟_بصح تعرفي بلي كان معايا _ماكانش معاك نتي برك كنتي تسخايلي والدليل أنو جاء خطبني وشوفي الخاتم في يدي _ماعليش يامنار ماتفرحيش بزاف لانو فرحتك راح نسرقهالك من الجيهتين _واش قصدك نتي من الجيهتين _جهة خدمتك وهادا البوسط ليربحتيه نعرفو شكون هو باباك ونعرفو خوك وين يخدم أكيد دارولك معرفة باه نجحتي _ربي يهديك واصلا ماش مجبورة نشرحلك الحمدلله انا بقدراتي قدرت نوصل لهنا ونتي كولي روحك عومي بحرك .