ركام قلبي

الجزء 76

#ركام_قلبي
الحلقة76.     #بقلم_لينا
كيلقيتهم سكتو رجعت لبيتي شيئ ليفهمتو انو آسيا ماش حابا تبقا مع خويا بصح بابا محتم عليها بصح هيا علاه مافهمتش .بقيت في بلاصتي سمعت حاجة تكسرت ماحطيتش بالي معاها حتا وصلتني ريحة قاويا بصح هادي ريحة البارفا منين جايا خرجت من بيتي سمعت عياط خويا من شومبرتو مع منى قالها كون تزيدي تطلعي عندها لسانك نقطعو هكدا وخرج لقاني مقابلتو وجهو خلعني شاف معايا وطلع لدارو دخلت عند منى لقيتها تبكي وقرعة ريحة فالارض مكسرا خير وشبيكم _طلعت هدرت مع آسيا قبيل ماعجبوش الحال وقريب وكسر القرعة تاع ريحة في وجهي لمزية بعدت _ايه مالا سالامات تصبحي بخير _خليتها تبكي وخرجت ماقدرتش مامبا نواسيها واصلا تستاهل واش طلعها عندها _هنا تفكرت بلي شميت ريحة البرفا يعني رجعتلي حاسة الشم بصح مافرحتش قلت أكيد نرجع نشم نفس ريحة الخانزة _لغدوا رحت للخدمة لقيت سندس جات بقينا نحكو شوي بالتطورات ليصرات و بدينا نخدمو بصح مرة على مرة راسي يتيه وبالتحديد كينشم الريحة هاديك حتا عادت سندس فوق راسي تعسني ولا طبيب ربيع هوما يعاونوني مع لغدا خرجت تغديت ورجعت فتحت لخزانة باه نجبد شارجور من صاك ضربتني هاديك الريحة قريب ماتقييت. _لعشية رحت لدار لقيت منى هيا ليراهي طيب دخلت لبيت بدلت قشي حتا وقت لعشا رحت تعشيت والكل ساكت غير كملتت تفرقو بقينا غير انتا ومنى فرزنا الكوزينة وهيا باينا مقلقة كملنا وحكمنا بلايصنا رقدنا ويبقاو الأحداث لحزينة ليصرات معايا تبعني وعدت نشوف هاداك لخيال كحل وعينيه حومر يشكني شغل برا ويبعد حتا نوض نعيط _ لغدوا رحت نخدم بصح هادي المرة غير لمرات ليقبل من غير دخلت للمخبر عدت نشوف في خيال يتبع فيا حتا نتخطف نشوف من ومن ماكاين والو خدمت شوي مع ربيع ودخلت للبيرو نرتح غير غمضت عيني جات لفعى كبيرة كحلا عينيها حومر خرجت لسانها وقربت ليا هنا فتحت عينيا وعيطت جات سندس وطبا يشوفوني بصح كيقابلوني عدت نشوف وراهم غير ليفاعي كبار عدت نعيط برك ونغلق في عينيا ماش حابا نشوفهم وكلما يخرج طبيب ولا طبيبة نشوف وحدا خرجت معاهم عدت نعيط اخرجو كامل باه يخرجو ليفاعي اخرجوووو قربت ليا سندس تقرالي فالقرآن هنا طلعت راسي ليها حسيت نفسي ماش انسان وقفت وحكمت رقبتها حابا نخنقها ماعلاباليش واش راني ندير بسيف سلكوها من بين يدي كيمابقات فيا طاقة طيحت تغاشيت فطنت لقيت روحي في سرير ويدي فيها سيروم وسندس قاعدا قدامي تفكرت واش درت عدت نبكي قربت ليا خلاص منار ماتبكيش _سامحيني والله ماعلابالي علاه درت هكدا _سماح حبيبة سماح عارفا ماش بيدك شوي ودخل رئيس المخبر عندي قالي منار ادا راكي مريضة ولا مسحورة ماتزيديش تجي راكي ديري فالتشويش والفوضى وغلطاتك كترو مانبقاوش نغطو عليك _هززت براسي هو خرج وانا غاضتني عمري عدت نبكي _نطقت سندس صايي يامنار ماديريش هكدا الله لاتربحو فليكان السبة كنتي كيلوردة ناس كامل تمدح فيك ودرك رجعتي محطمة _ماخلاو فيا يصلح ياسندس _هيا عيطي لخوك يجي يديك وروحي رتحي وحنا نغطو عليك _هزيت ثلفون عيت لبابا قالي منا على نص ساعة نكون عندك _ستنيت خلاص سيروم وخرجت لقيتو وصل ركبت شاف حالتي فهمني داني طول لراقي رقيت بصح هاد المرة واحد داخلي كان يهدر بصح ماشفيتش بعد ماكملنا قالي عندك سحر التفرقة والجنون _نطق بابا واش هو سحر الجنون _ردلو قالو كاين الجن ليوكلوه باه يسحرها  دخل داخلها  ونمركز في مخها كما كلفو الساحر بعدها عاد يضغط على خلايا المخ تاعها تعود ماتقدرش تفكر مليح ويتشوق على عقلها وتتصرف بدون وعي ولا إدراك يعني حابين يهبلوها  _والحل ياشيخ _لازم تداوم رقية يوميا وماتحبسش وأدكري ربي والأدكار في كل وقت .