#ركام_قلبي💗
الحلقة 19. #بقلم_لينا
ااا بديتي بعقلية باباك وخاوتك درك ياك حابا تجبديلي سيرة زواج وشكون راح يقبل بيا ياااو فيقو بعمركم وبركايك ماتبعي فلجهل تاعهم وزيد انا قابلا بعمري مانتزجوش خليني بايرا كما قال جدي وين جيتكم حاصلا ولا خايفا نبقا فوق راسك _حاشا كيفاه انا نخمم هكدا راكي كبدتي نخمم على المستقبل تاعك برك _يما ادا راكي تخمي على مستقبلي لازم تفرحي نهار نكون فرحانة وانا فرحتي هيا كيندخل لابو (المخبر) ونحط عيني فامجهر ونكتشف الخفايا خليوني ياسيدي نحقق حلمي ونكبرو ونوصل لأعلى المراتب علاه جاتكم صعيبة هادي _قاتلي ايه ديري ليتحبي ماش راح نضغط عليك مام انا نفرح كينشوفك ناجحا وتطلعينا رواسنا فسماء لقيتها قربت باستني ومسحتلي دموعي بنتي نتي قطعة من روحي أي حاجا تآديك راح تآديني ونتوجع قبلك ماتزيديش تخمي بلي حاقدا عليك وماش حاباتك تنجحي . هيا كاش ماتاكلي ورجعي صلي وادعي ربي يوجهك ويبعتك لطريق صحيح ويفرجها عليك _انشاءالله يما ربي يخليك _هيا مورايا مالا ناضت راحت وانا نضت وراها دخلت للكوزينة لقيت آسيا تسربي فلغدا كيشافتني قاتلي على سلامة هيا تتغداي _يسلمك تعيشي قعدنا كلينا سقسيت على بابا قاتلي حتا لعشية يجي وحكيت لآسيا واش صرا معايا تخلعت ومسكينة بقات غير تنصح فيا وطلعلي فالمورال .بعد ماكملنا رحت توضيت صليت وحكمت البيسي وبديت من اول وجديد بصح كيفاه نبدا ماعلاباليش شفت مع البورطابل لقيت فايز عيطلي .رحت قفلت الباب وعيطتلو هز عليا _هاه واش حوالك منار بقيتي في بالي _لاباس كما حب ربي _ماعليش شدة وتزول _استاد حابا نبدا بصح كيفاه تلفتلي _ماتضغطيش على روحك درك ماش راح تقدري تركزي خلي كلش درك وريحي ليوم مليح وغدوا نتلاقاو فالجامعة نعطيك المنهجية ليتمشي عليها درك غير ندخل لدار نوجدلك وغدوا نتناقشو فيها انا ونتي _استاد انا حابا نتكل على روحي ماش ديرلي نتا كلش _ماقلتش ندير انا كلش راح نبدالك برك حاجة خفيفة باه تعرفي تركزي وكملي وانا نبقا موراك ونصححلك بالكلمة حتا نكملوها بإدن الله _انشاءالله تعيش _منار غدوا نروح لسبيطار ونشوف معرفتي باه تعودي ماتروحيش بزاف للخدمة ونتي خرجي صباح وروحي لسبيطار ساع اوك _ايه انشاءالله مالا غدوا _ايه هيا درك نخليك ومبعد وماتعبيش هادوك العينين بلبكا حرام عليك _استاد واش تفاهمنا _الله غالب مانقدرش مانهدرش _مالا كوبي خير _ضحك وقالي راكي تليكيدي فيا ماعليش هيا تهلاي في روحك _يتهلا فينا ربي وكوبا . غلقت البسي ودرت كما قال نريح شوي بصح واش من راحة بقيت غير نطلع ونهبط حتا غفات بيا عيني نضت بصوت بابا وخويا فدار هزيت روحي رحت عندهم شافني بابا قالي ارواحي عندي حبيبتي فتحلي دراعو ورحت قعدت بجنبو وحاوطني بيديه _منار يماك حكاتلنا و عارفك طفلة قادرا ومثابرة وتقدري تعاودي من جديد وتنجحي _بصح يابابا ناس ماش حابيني ننجح حابين يدمروني .
أنت تقرأ
ركام قلبي
General Fictionمنار بطلة القصة تعيش حياة هادئة حتا تدخل للجامعة باه تكمل دراستها فالدكتوراه واختصاصها بيولوجيا كانت تقرا وتخدم في نفس الوقت فالمستشفى وفي عامها الأخير من دراسة توقع في حب أستادها وتوقع في مشاكل كبيرة من الجيهتين مصير دراستها ومصير حبها .وتبقى المشا...
