ركام قلبي

الجزء 55

#ركام_قلبي
الحلقة 55.        #بقلم_لينا
سقساوه واش كاين علاه كانت في هادي الحالة قالهم غلطت معايا عليها ضربتها ماحبش يفضحها  شافت معايا يماه منار راكي هنا _قربت سلمت عليهم قاتلي يابنتي واش ديري هنا ؟_مالقيت مانهدر علابالي مايلزمش نكون هنا وهوما ناس كبار مازالو بعقلية بكري ردلها فايز قالها جات عند منى ورايحا بعد وهيا نوصلك _نطقت جداتو ايه اديها اصلا فال ماش مليح كيتدخل لدار راجلها قبل زواج _وليت بقيتهم على خير وخرجنا ركبت وديمارا وين نوصلك _للخدمة _حسابها من بعد وخوك تاني راح نهدر معاه _كما تحب _وصلني لداخل سبيطار وكنا طول طريق ساكتين كيجيت نهبط قالي علاه مقلبا وجهك عليك _راك عارف علاه بلا مانهدر _لالا اهدري خير حاب نفهم وبواش راكي تخمي عليا _باينا بلي من الاول ماكنتش تحبني وبالاك كنت حاب تلعب برك وهادوك الكلمات كامل ليقلتهملي فالاول ماكانش منها وكنت تكدب فيهم هاداوين فهمت علاه كنت تبدل الهدرة ظهرت منى فضحتني قدامك ونتا بالاك قتلك الفضول تعرف واش نحس جيهتم وانا كنت كيلبهلولة قدامك ونحلم _منار نفترضو كلامك صحيح بصح فالاخير خطبتك وكيخطبك واش معناتها معنتها حبيتك وحاب نكمل حياتي معاك _وشبيك حاسب روحك داير فيا مزية كيخطبتني ولا كيفاه _واش هادي الهدرة من صحك نتي _ايه من صحي ادا غضتك ولا صح داير فيا مزية ولا حاجة خلاف تقدر تبطل ماعنديش إشكال وحتا كاين خلافي وروميسة لولا ليراهي تسنا فيك _ منار اخرجي روحي ماش قادر نزيد نسمع كلامك هيا راكي طلعتيلي لغاز لراسي _دورت وفتحت الباب وهبطت وهو راح مشيت ونخمم في اسحاق كيفاه قدر يخدع مرتو مع صاحبتي وحتا هيا ماكانتش قليلة وجاتني الضربة منها ضربة جاتني من لقريب وأنا حسباتلي من عند لبعيد انا في حياتي كلمة مصائب ماعندهاش مفرد كيجوني يجو فرد مرة طلعت لفوق بدلت حوايجي ورحت جريا حوست على روميسة قابلتني سندس هاه قوليلي واش درتي فيها _ايه كلامك ظهر صحيح _شفتي كما قتلك _شفتيلي روميسة _ايه كانت قبيل برك هنا _رحت حوست حتا لقيتها قربت ليها وطبعتها يالكلبة يالرخيسة _واش خداك نتي علاه تطبعي فيا _نتي هاداك الوقت حرشتي ليكانو يخدمو هنا عليا ورحتو شكيتو بيا _ضحكت بإستهزاء ايه انا وراكي روطار بزاف ولو مافادش بصح بهدلتك وبقيتي تحاولي ياه يخلوك تخرجي وتعبتك وسهرتك وبكيتك هادو كامل انا كنت فرحانة بيهم _استناي برك عليا والله نرجعهالك دوبل _نشوفوك واش تقدري ديري بصح كما قوتلك صباح كلشي يرجع ليا وليام بيناتنا وراح نأكدلك كلامي ودرك بعدي من طريقي عندي خدمة هيا راحت وكلامها بقا يدور في راسي كانت تهدر ومتأكدة من روحها شفت ثقة في كلامها نكدب عليكم كون نقولكم ماخفتش بصح فوضت أمري لله بعد ماكملت خدمتي رحت لدار قبل ماندخل لظارنا رحت عند آسيا حكيت معاها وقاتلي ايه منى راهي معاه عندي بزاف من شكيت فيهم بصح لبارح شفت في ثلفونو تصاورهم مع بعض وماش راح نرجعلو _بقيت وراها نهدر ونحلل بصح رفضت ترجع وليت خليتها وخؤجت عند الباب قابلني خوها حتا لقيتو يصفر أهلا بزين راكي هنا عندنا شحال ماشفناكش راكي مليحة _ايه حمدلله وسمحلي نفوت _علاه مزروبة اصبري نحكيو شوي _تخمزرت فيه وبعدتو بيدي وكملت طريقي هادا خوها نبعد عليه قد مانقدر ومانحبوش نديرو معاه المشاكل على جال آسيا تحترمو بزاف وبالنسبة ليها هيا باباها ماش خوها لكبير دخلت لدار تفقدت ماما لقيتها لاباس وبابا كان متكي في شمبرتو دخلت لبيتي بدلت قشي تولهت لدراعي زرق من يد مالك تفكرت واش دارلي واش زاد عيشني ليوم من خوف حتا وصلت بيا دوخت لربي وكيلو وخلاص.