TWO-FACED Book 1: STELLJUN AU [SB19]

PART 176 🎭

Stell's POV
Napabuntong-hininga na lang ako matapos ibaba ang telepono. Alam kong nag-aalala lang si Junjun para sa akin, pero desidido na ako sa gusto ko—lumayo at magsimula ng panibagong buhay. Gusto ko ng mas maayos na kapaligiran para sa anak ko. Simula nang sumakay ako sa eroplano, hindi ko na binuksan ang social media. Alam kong ito best way para makalimot at hindi na masaktan sa mga posibleng balita tungkol kina Glee at Pablo. Napakapit ako sa dibdib ko, damang-dama ko ang kirot na muling bumalot sa puso ko.

Pagkatapos naming kumain ni Nanay Gema, tumawag ang caretaker, at sinabing nasa labas na siya. Habang binubuhat niya ang mga gamit namin, sumakay kami sa sasakyan. Napatingin ako sa bintana, ibang-iba ang New York kumpara sa Pilipinas. Hinawakan ko ang tiyan ko at marahang binulungan ang baby ko, "Samahan mo ako, anak, sa bagong buhay nating dalawa."

Ilang minuto pa bago kami nakarating sa bahay ni Junjun. Napaawang ang labi ko sa gulat nang makita ang bahay—malaki ito. Grabe talaga si Junjun, ang layo na ng narating niya. Ilang gigs kaya ang kinailangan niya bago niya ito mabili? Dalawang palapag, malapit pa sa park, sakto, may pupuntahan ako kapag gusto kong maglakad-lakad.