THE LAST DEMON PRINCESS (ELFIORE 1)

20: Elkirian Empire final part

Ermidion's Third POV

Pumasok si Safra na may kasamang mandirigma na may malaki at mahabang palakol sa likuran.

Nasa trono siya at nagpapahinga. Alam nyang hindi na nya mapapangasawa si Arfiona. Kagabi ay naganap ang Dugong Buwan. Alin lang sa dalawa. Buhay pa si Arfiona at may asawa na o nilamon na ito ng halimaw ng Dugong Buwan.

"Ano ang kailangan mo, Safra? At sino ang kasama mong iyan?" Nababagot nyang usisa.

"Kamahalan, ito si Axius. Isang mandirigma na nagtataglay ng karmosa." Pakilala ni Safra.

"At ano ang magiging pakinabang ko sa isang yan?" Nababagot pa rin sya.

"Kamahalan, mahusay na mandirigna si Axius. Pakikinabangan natin sya para makuha ang prinsesa ng mga diablo." Paliwanag nito.

Napatayo sya sa trono. "Ang prinsesa ay mas lamang na patay na!" Tumaas ang tinig nya.

napaatras ng isang habang si Safra. "Buhay sya, kamahalan. Nasa Elkiria. Kasama ng buong grupo nila."

Sandali syang natahimik. Inisip nya ang sinabi ng alagad. Kung buhay ang prinsesa ay malamang na may nakadaupang palad ito. Hindi na nya maaari pang mapangasawa. Kaya para saan pa kung hahabulin nya ang prinsesa?

"Kamahalan, ang lalakeng tumulong sa prinsesa ay ang hari ng Acrania." Dagdag pa ni Safra sa inpormasyon.

Napatitig sya sa alagad. "Kung ganon ay ang grupo nila ang pipigil sa atin."

"Opo, kamahalan."

"Axius, gumamit ka ng portal at paslangin ang hari ng Acrania." Utos nya.

"Masusunod ,kamahalan." Tugon nito at saka nagbigay ng paggalang.

"Safra, siguruhin mong makakarating sya sa Elkiria. Paslangin ang hari ng Acrania."

Nagbigay galang si Safra at saka tumalikod na. Kasabay nitong tumalikod ang mananandata at magkasabay na lumabas ng trono.

Xander's Third POV

Bigla syang kinilabutan at kinabahan. Hindi nya malaman kung bakit.

Kasalukuyan silang nasa balkonahe ng palasyo. Magkakasama silang nagmemeryenda.

Inakbayan sya ni Azinaya. "Ano ba ang nangyayari sayo?" Usisa nito.

"Ewan ko ba. Kahit ako di ko alam kung bakit bigla akong kinilabutan at kinabahan." Amin nya.

"Lilisanin din natin ang Elkiria. Ano man ang dahilan ng naramdaman mo ay makabubuting mag-ingat ka." Sa kumalas sa pagkakaakbay at tumabi kay Manong Green.

Sumunod na lumapit sa kanya si Arfiona at walang sabi-sabing hinalikan sya.

"Para mawala ang kaba mo!" Masungit nitong sabi at saka kumalas sa kanya at pumuwesto sa tabi ni Serafina.

Problema nito? Umiskor lang sa akin eh!!!!!!

"Manong Green, saan ang susunod nating ruta?" Tanong na lamang nya.

"Sa bulubundukin ng Askabar." Sagot ni Manong Green.

"Pagkatapos natin sa Askabar?"

"Sa bayan ng Lameria. Doon ay sasakay tayo ng barko papunta sa susunod na destinasyon." Paliwanag nito.

"Ang layo naman ng lalakbayin natin!" Angal nya.

"Eh ano naman kung malayo." Naistress na sabi ni Manong Green.