• ခုနစ်ဆောင်နန်းက မညှိုးပန်း •
(Part - 35)
သလွန်ထက် လူးရင်း လှိမ့်ရင်း မဏ္ဍိုင် နိုးလာသည်။ မျက်လုံးအစုံ ပွင့်ပွင့်ချင်း ဘေးနားက ကြင်သူကို ဦးစွာ ရှာသည်။ မဏ္ဍိုင့်ဘေးတွင် ခင်ခင် ရှိမနေပါ။
အချိန်နာရီ အချက်ပြစည်သံကြောင့် မနက်ခင်း အရုဏ်ဦးအချိန်ရှိနေပြီမှန်း မဏ္ဍိုင် သိလိုက်သည်။
“ ဟင် ”
မဏ္ဍိုင် တအံ့တဩ ရေရွတ်လိုက်မိသည်။
ကျောက်စားပွဲကို အသာခေါင်းအုံးပြီး လက်ထဲရှိ ထိုးပြီးစ ချည်ထည်ကို ကျစ်ကျစ်ပါအောင် ဆုပ်ကိုင်ထားလေသူ။ ညလုံးပေါက် ကြိုးစားပမ်းစား ချည်ထိုးထားပုံရသည့်အတွက် အိပ်မောကျနေသော မျက်နှာလေးဟာ အနည်းငယ် နွမ်းလျလို့နေသည်။
မဏ္ဍိုင် ရပ်ကြည့်နေလေတော့ ဘေးတွင် ထိုင်စောင့်ပေးနေသည့် အထိန်းတော်ကြီးမှာ ခင်ခင့်အား နှိုးရန် လက်ပြင်လာသည်။
“ မနှိုးနဲ့ ”
မဏ္ဍိုင် တားမြစ်လိုက်သည်။
“ ဘယ်ကတည်းက နိုးနေပြီး ဒါတွေလုပ်နေတာလဲ ”
“ ညလယ်လောက်ကတည်းကပါ အရှင်မင်းကြီး ”
“ နောက်တစ်ခါ ဒီလိုမဖြစ်စေနဲ့။ ကြင်ရာတော်က အပင်ပန်းခံနိုင်တဲ့ မိန်းကလေးမဟုတ်ဘူး။ ပြီးတော့ .. မယ်တော်ကြီးနဲ့ လုံးဝမတွေ့စေနဲ့။ တိုက်ဆိုင်ပြီးတွေ့ခဲ့ရင်တောင် ကြင်ရာတော်ကို လှည့်ပြန်ဖို့အတွက် ဖြောင်းဖျပါ ”
“ အမိန့်တော်မြတ်အတိုင်းပါ ”
သလွန်ပေါ်အထိ မဏ္ဍိုင် ပွေ့ချီလာခဲ့တာတောင် နှစ်နှစ်ခြိုက်ခြိုက် အိပ်မောကျနေသူမှာ တစ်ချက်ကလေးမှ နိုးမလာခဲ့ပေ။
“ ဒီပစ္စည်းလေးကို အနက်ရောင်ပုလဲရတနာလို့ ခေါ်ပါတယ် အရှင်မ ”
အဆောက်အဦးပျက်ကြီးအတွင်း ထွန်းထားသော အလင်းရောင် မှိန်ပျပျကို အားပြုပြီး အမယ်အိုမှာ လက်ထဲက ရတနာပစ္စည်းလေးကို သေချာကြည့်ရှု အကဲဖြတ်နေသည်။
VOUS LISEZ
ခုနစ်ဆောင်နန်းက မညှိုးပန်း (𝐎𝐧𝐠𝐨𝐢𝐧𝐠)
FantasyAvailable 📌 Unicode & Zawgyi adult scenes ❗❗
