• ခုနစ်ဆောင်နန်းက မညှိုးပန်း •
(Part - 32)
“ ကြင်ရာတော်ကို ဂါရဝပြုပါတယ် ”
အသံလာရာဆီ ခင်ခင် လှမ်းကြည့်မိတော့ မနေ့ကတင်ပဲ မယ်တော်ကြီး တင်မြှောက်လိုက်သော မိဖုရားတစ်ပါးဖြစ်နေသည်။
လေကောင်းလေသန့်ရှူရင်း လမ်းလျှောက်ထွက်လာသော ခင်ခင့်ကို ထိုမိဖုရားက တရိုတသေ လှမ်းနှုတ်ဆက်သည်။
“ သင်က .. ”
“ နဝါးနီ နန်းဆောင်က မိဖုရား သုမာရီပါ ”
“ နဝါးနီမိဖုရားက ဒီကို ကိစ္စရှိလို့လား ”
ဒူးထောက်ဂါရဝပြုနေသူကို ခင်ခင် ထရန် အချက်ပြလိုက်သည်။
“ အရှင်မကို ဂါရဝပြုဖို့ ကျွန်ုပ်လာတာပါ ”
ရူယန်းပြည်၏ ထုံးတမ်းအစဉ်အလာအရ မိဖုရားအဖြစ် တင်မြှောက်ခံရပြီးလေလျှင် နောက်တစ်နေ့ နံနက်၌ မယ်တော်ကြီးနှင့် မိဖုရားကြီးထံ မိဖုရားငယ်များက လာရောက် ဂါရဝပြုရသည်။
“ ဪ .. ဒါနဲ့ အရှေ့နန်းမိဖုရားကရော အတူလိုက်မလာဘူးလား ”
“ အရှေ့နန်းမိဖုရားက အိပ်ရာဝင်တာ နောက်ကျသွားတယ်ထင်ပါရဲ့၊ ကျွန်ုပ် သွားခေါ်တာတောင် တံခါးဖွင့်မပေးဘူးလေ။ ညက အရှင်နဲ့ အချိန်ကုန်ဆုံးခဲ့ရတော့ ဘဝင်မြင့်သွားတာလဲ ပါမှာပေါ့ ”
“ ဟင်၊ သင် ဘာပြောလိုက်တာလဲ။ ညက အရှင်နဲ့ .. ”
“ ဟုတ်ပါတယ်။ မနေ့ညလယ်လောက်က အရှေ့နန်းဆောင်ဘက်ကို အရှင်ကြွလာတာ ကျွန်ုပ်ရဲ့ အထိန်းတော်မိန်းကလေးက ကျိန်းသေပေါက် မြင်လိုက်ပါတယ် ”
ခင်ခင် လက်ထဲက ယပ်တောင်ကလေး အောက်သို့ ပြုတ်ကျသွားလေသည်။
ကျသွားသော ယပ်တောင်လေးကို ခင်ခင့်နန်းဆောင်က အပျိုတော်နှင့်အပြိုင် ကောက်ယူပေးသူဟာ နဝါးနီမိဖုရား သုမာရီဖြစ်၏။
“ ကျွန်ုပ်တို့ မိန်းမသားများရဲ့ ဘဝဟာ သည်လိုပါပဲ။ ကိုယ်ချစ်ရတဲ့သူက ဆောင်တော်ကူး ပျော်ပါးနေတာကို ဘာမှမပြောနိုင်ဘဲ ဒီအတိုင်း ကြည့်နေရတဲ့ဘဝပါ ”
YOU ARE READING
ခုနစ်ဆောင်နန်းက မညှိုးပန်း (𝐎𝐧𝐠𝐨𝐢𝐧𝐠)
FantasyAvailable 📌 Unicode & Zawgyi adult scenes ❗❗
