My Son's Father (Sanmiego Series #1) [NOT EDITED]

Kabanata 15

Kabanata 15

Talk

          
           
              
Matapos nang pag-amin ni JD na galit siya sa hindi maipaliwanag na dahilan, natahimik ang buong byahe namin. Hindi na siya nagsalita matapos 'yun at natatakot din akong sulyapan siya dahil baka hindi na siya makatiis at bulyawan na niya ako.

Hanggang sa makarating kami sa bahay nila. Pagkahinto ng kotse, tinanggal niya ang seatbelt saka binalingan si Caleb na nasa likuran namin.

He sighed, "Baby, sabay ka na lang sa Mommy mo ah."

"Yes po, Daddy."

Matapos 'yun, napapikit ako nang mariin nang padabog niyang naisara ang pinto nang makababa siya at nang hindi man lang ako sinulyapan.

Napahinga na lang ako nang malalim habang sinusundan siya ng tingin na papasok sa bahay nila.

"Mommy, Daddy looks so mad," napabaling ako kay Caleb nang magsalita ito, "Did you two fight, Mom?" he innocently asked, blinking his eyes.

Agad akong umiling at pilit siyang nginitian, "No, baby. Masama lang siguro ang pakiramdam ng daddy."

Napatango-tango siya, "Ahh, kaya siguro lagi siyang nakasimangot kanina. I thought he didn't like Daddy Migs."

Napakunot ang noo ko sa huling sinabi nito, "Paano mo naman nasabi, baby?"

"I told him na si Daddy Migs ang nagbigay ng pangalan saakin. And it was came from your name and Daddy Migs after that, lagi na po siyang nakasimangot. May mali po ba akong nasabi, Mommy?" he innocent asked, kumurap-kurap pa siya.

Nagulat ako sa sinabi niya kaya ilang segundo pa bago ako nakapag-react, "No, baby. Wala kang maling nasabi, okay? I think, nagselos lang siya."

"Why, Mommy?"

I smiled, "I think you're right. He didn't want your Daddy Migs around. Ayaw niyang nakikitang mas close ka kay Daddy Migs mo kaysa sa kanya."

"But I love them both!"

"Yes, you love them both. Pero he's your real Daddy. Gusto niya nasa kanya lang ang atensyon mo," I smiled, "Sa tingin ko, masyadong possessive ang daddy pagdating sa’yo. So you should talk and say sorry to him later ah? Make him smile and tell him how much you love him."

"Okay po."

Mas lalo akong napangiti.

"C'mon. Give Mommy a tight hug."

He did what I said. Yinakap niya ako nang mahigpit na mahigpit kaya yinakap ko rin siya pabalik.

Tama. Iyun lang ang naisip kong dahilan kung bakit sumama ang mood niya. Nagseselos siya sa closeness ni Miguel at Caleb. Tama, Alejah. Iyun nga. Wala nang iba pang dahilan.

Matapos nun, pumasok na rin kami sa malaking bahay nina Tita Isabelle na tuwang-tuwa naman ito nang salubungin kami. Agad niyang pinugpog ng halik si Caleb. Habang ginagawa 'yun ni Tita Isabelle, iginala ko ang paningin sa loob ng bahay nila para hanapin siya pero wala siya.

Matapos kaming batiin ni Tita Isabelle, inaya niya kaming magmiryenda. Gusto ko pa sanang tumanggi dahil katatapos lang naming kumain kanina sa bahay pero hindi ko naman maisatinig iyun.

Habang busy sa pagkain si Caleb, senenyasan ako ni Tita Isabelle. Gusto niya raw akong makausap. Tumango naman ako at kaagad na sumunod sa kanya.

"What happened to Jared, hija? He look pissed. Nag-away na naman ba sila ng Kuya mo?"

Sandali akong hindi nakasagot sa tanong niya. Hindi nagtagal tumikhim ako at umiling, "H-hindi po. Baka lang po nagselos siya," sinulyapan ko si Caleb na sa pagkain ang atensyon, "Dumating po kasi 'yung Daddy Migs ni Caleb na kaibigan ko at close sa kanya kaya siguro nagbago ang mood niya. Naging ama na rin po kasi iyun kay Caleb kaya ganun ka-close ang anak ko sa kanya," I said.