حب اعماه الانتقام ..

الفصل العاشر ( خطه مدبرة)

فى فيلا السفير كمال عاصم
غرفة مريهان تحديدا

كانت مريهان جالسه على فراشها واضعه سماعات الاذن مغمضه عينيهاتسمع لاغانيها الصاخبة فلم تكن تشعر بدخول والدتها عليها الا عندما ازالت والدتها السماعات من اذنيها ......................................................
هناء: ايه يا مارى عماله اخبط على الباب ومفيش رد قلقت عليكى ولما تدخلت اشوفك افتكرتك نمتى ، وانتى حاطه السماعات ومش معايا خالص..

مريهان : قلقتى عليا ايه يا مامى وبعدين ماانتى عارفه انى مش بنام دلوقتى خالص واكيد فى حاجه مهمه مخلياكى صاحية لحد دلوقتى وجايه تتكلمى معايا فيها .

هناء : هو انا يعنى لما اجى اطمن على بنتى حبيبتى ابقى غلطانه .

مريهان : ماما قولى بسرعه عاوزه ايه

هناء: على طول كشفانى كده ، طيب يا مارى قوليلى ايه رايك فى الكلام اللى اتكلمنا فيه واحنا فى روما

مريهان بعدم فهم : كلام كلام ايه ده يا مامى

هناء : مارى انتى عارفه انا عاوزة ايه والعموم هنعيده تانى ، مراد

مريهان : ماله سى زفت

هناء: زفت بقى مراد الزينى يبقى زفت انتى اتجننتى يا بنت انتى ولا ايه

مريهان : لاء بس مراد ارخم بنى ادم على الارض ولا بطيقه ولا بيطقنى فأنسى بقى اللى فى دماغك ده يحصل

هناء: انتى عبيطه مراد ده بكرا يبقى الكل فى الكل هو انتى ناسيه ان مراد يبقى شريك اخوه فى كل حاجه النص بالنص يعنى بعد ما سليم يموت مراد هو اللى هيبقى مكانه .

مريهان : لاء يا ماما ادم هو اللى مكان باباه مش مراد .

هناء : لاء يا حبيبتى ادم رقم اتنين فى الشركه بعد ابوه وعمه لكن مراد هو رقم واحد بعد اخوه والفلوس دى كلها اللى عندهم مراد هو اللى نصيبه اكبر فيها .

مريهان : ليه ان شاء الله

هناء : انتى عبيطه يابنت انتى هو مراد ده مين مش اخو سليم والتركه بالنص بينهم ييقى لما سليم يموت مراد هياخد كل النص بتاعه من غير ما حد يقاسمه فيه لكن سي ادم بتاعك هيبقى فى ورثه معاه اخته ومامته فهمتى يا مخ بايظ.

مريهان وقد لمعت عيناها : تقصدى انه بعد انكل سليم ما يموت مراد هيورث نصيبه كله كامل ومفيش له شركاه.

هناء : بالظبط كده ، وكله هيبقى ليكى فى الاخر

مريهان : بس انا يا مامى بحب ادم

انفعلت منها هناء : حب ايه وهباب ايه بقولها فلوسه كلها هتبقى تحت ايدها ودى تقولى بحب ادم ، طب على فكرة بقى انتى مش فى دماغه خالص ادم مش شايفك نهائي

مريهان : بس بقى يا مامي مليون مرة اقولك بطلى الكلام ده بقى ، وخدى دى بقى زي ما بتقولى كده على ادم فمراد انيل منه ده حتى ما بيطقش يروح فى مكان يعرف بس يعرف انى انا فيه..