حب اعماه الانتقام ..

الفصل٥٠(غريبه الناس)2

معتزبتساؤل: دليل ايه ؟؟؟

فؤاد بتهنيده حزينه:الدليل انها كان معاها تسجيلات بصوت مراتى وهى بتتفق معاها وفعلا ده كان صوت ماهيتاب صدقت، وروحتليها وفهمت كل حاجه ولما سألتها عن البنت اللى خطفتها فى تانى مرة قالتلى انها هتعرف تتصرف وترجعها لأهلها المهم انى اسحب كلامى انا لما المباحث تيجى وتسألنى .

معتز:طبعا روحت وسالت مراتك مش كده.

فؤاد بخزى:طبعا روحت وواجهتها بكل حاجه وهى انهارت واعترفت بكل حاجه قالتلى انها عملت كده عشان تخدم صاحبتها كاميليا زى ما بتقول وقالتلى ان الست اللى اسمها ... انامش فاكر أسمها ايه كل اللى اعرفه اسم جوزهاكان اسمه سليمان ..

معتز بلهفه:امينه مش كده.

فؤاد وهو يحاول التذكر:غالبا انا اسف كل اللى فاكره كان اسم الاب بس..المهم قالتلى انها عملت كده عشان خاطر تنتقم من الست دى الست دى اخدت منها حبييها وسرقته واتجوزته هى وكلام عبيط الصراحه ماصدقتهاش لكن قررت انى اطاوعها لحد ماأعرف الولد ده فين وقولتلها اسمه ايه رفضت تقولى اسمه وقتهااوحتى تعرفنى باسم ابوه المزيف وكل اللى اعرفه عن صاحبتها انها اسمها كاميليا وبس هددتها بالطلاق مارتجعتش وطلقتها فعلا لكن مافيش فايده وفى يوم قررت انى اروح وابلغ البوليس عن اللى حصل وفعلا اتقبض على الممرضه دى ..

معتز بتساؤل:طب وماهى ؟؟؟

فؤاد بالم:مع الاسف انتحرت فضلت انها تموت كافرة وقبل ما تموت لاقيتها سايبالى رسالة لما فتحتها لاقيت فيها صورة مكتوب فيها (ده الطفل اللى بتدور عليه) وقتها قررت انى ادور واعرف مين اهله من المستشفى لكن اكتشفت ان كل سجلات المستشفى فى الوقت ده مش موجوده بيانات السنه دى بالذات كانت ممسوحه مافيش ليها اى اثر ، وقتها معرفتش اعمل ايه حاولت بكل الطرق انى اوصله لكن مع الاسف ماوصلتش لحاجه وانقطعت كل حاجه عنه ولحد دلوقتى معرفش اى حاجه عن الطفل ده غير صورته وبس.

اخرج معتز من جيب سترته صورة له منذ صغره ليريه اياها وهو يدعو بأن يكون كل ذلك كذب :ممكن تشوف دى لو سمحت.

فؤاد وهو ينظر للصوره بدهشه فهو حتى الان لايستطع نسيان ذلك الطفل نهائيا فهو يؤرق نومه ويشعره بعذاب الضمير دائما: ايوة هو ..انت جبت الصورة دى منين ..انت تعرفه!!!

معتز بعدم تصديق:انت متاكد انه هو ارجوك ركز كويس ابوس ايدك.

فؤاد وهو يمعن النظر اكثر:ايوةهو انا مش هتوه عنه دى الصورة اللى كانت سايبهالى ماهى قبل ماتموت، بس قولى الاول انت جبت الصورة دى منين.

معتز بالم والدموع تغشي عينيه وهو يتحدث بسخرية: مش مهم جبتها منين ، الصورة قديمه لطفل كان فيها سعيد كان بيحلم طول عمره بان الضحكه دى تفضل على وشه لحد مايموت قديمه لكن واضحه للكل لكن انا الوحيد اللى كنت اعمى عنها اما الأصل بقى متقطع الاصل قودامك يا دكتور انا اللى كنت بتدور عليه لسنين عشان ترجعه لاهله لكن للاسف لاقيتوابعد فوات الاوان...