حب اعماه الانتقام ..

الفصل٥٥(حصار )

بعد مرور يومان...
فى بيت الجمال....
كانت زهيرة مازالت تجلس بغرفتها تفكر  بأى شئ لتجعل ابنها يأتى اليهم بوقت قصير وايضا دون ان تشعر ابنه اخيها بالذل والمهانة..

اما على الجانب الاخر كانت قمر تتحدث مع"سحر"صديقتها فى غرفتها التى اتت لزيارتها فهما معا منذ الصغر ولم تتفرقا نهائيا الاعند زواج سحر فسحر تزوجت من ابن عمهاوسافرت للقاهرة معه ليعيشا هناك...

لتهتف سحر بغيظ بقمر قائلة:_انتى عبيطه يابت انتى ولا شكلك كده.

قمر بصوت باكى:_بجولك ايه انى مانقصاكيش عاد بكفاياكى بجى تريجه ومسخرة عليا

سحر بصوت هادئ:_ياقمر انتى صاحبة عمرى وانا والله مابعتبرك صحبتى وبس انا كمان بعتبرك اختى الوحيدة واكتر كمان بس تفتكرى اللى انتى بتقوليه ده صح،يعنى لما تتجوزى الانسان اللى عشتى كل حياتك تحبيه ورفضتى كل العرسان عشانه وتيجى انتى كده ومنتهى البساطه تقوليلى انه سابك بعد اسبوع من فرحكم ولا سأل فيكى ولا حتى كلمك لاء والانيل ان انتوا اتفقتوا انكم تفضلوا اخوات لحد وقت معين وبعدها تنفصلوا يبقى عاوزانى اقولك ايه ان ماكنتيش عبيطه ييقى هبلة.

قمربصوت حزين:_برضك عتتنجوزى عليا وتتمسخرى كمان.

سحر:_بس بقى بقولك وحياة الغالين لك اتكلمى عدل هاه وبطلى تقلبيلى على الصعيدى كده لما تتحاصرى وما تعرفيش تردي عليا.

قمر بصوت هامس حاد:_عاوزة ايه يا سحر عاوزانى اعمل ايه ارمى نفسي عليه اترجاه واجرى عليه ابوس ايده مايسبنيش ولا اترجاه انه ياخدنى معاه بالعافيه ولايمكن كمان عاوزانى افرض نفسي عليه واقوله يتمم جوازنا بالعافيه كمان.

سحر بسخرية:_لاء يااختى سبيه يسافر ويقعد برا ويمكن يمكن يتجوز او حتى يكون متجوز اصلا.

قمر:_بس بقى حرام عليكى ياشيخه مش كفاية اللى انا فيه كمان انتى جاية تزوديها عليا.

سحر بهدوء وهى تربت على يدها:_معلش انا اسفه بس انا بقول كده ليه يعنى مش عشان اوعيكى وانصحك قوليلى مش هو ده عامر اللى ياما كلمتينى عنه مش هو اللى ياما كنتى بتقولى فيه قصايد حب وغرام صح ولا غلط.

قمرباستسلام:_هو بس اللى اتجوزته مش هو.

سحر بعدم فهم:_الله دى فزورة يعنى.

قمر:_لاء مش فزورة بس عامر اللى حبيته مش هو اللى اتجوزته عامر اتغير وانا مش عارفه ليه اتغير.

سحر:_يبقى تحاصريه.

قمرباندهاش:_احاصره ازاى يعنى!!

سحر:_قوليلى الاول هو مسافر للقاهرة ولالندن.

قمر وهى تمسح دموعها:_لاء لندن اصل كان بيقول لامى ان شركته اللى فى لندن فيها مشاكل وهو هيفضل فيها لمده شهر ولا اتنين.