حب اعماه الانتقام ..

الفصل٣٦ {الفخ}

وصل ماجد المشفى وجد امامه ادم الذى هبط من سيارته مبتسما له .

ادم بابتسام: ازيك يا ميجو مال وشك معفر كده ليه.

ماجد بعصبية: انت متعرفش ايه اللى حصل لشيرين انهارده .

ادم بلهفه وخوف: ايه اللى حصل لشيرين ، ولكنه لم ينتظر واسرع على الفور ليصعد ويراها حتى انه لم يستمع لنداء ماجد له ، وعندما صعد لها دخل على الفور فى غرفه العناية ليجد انها فارغه ليهوى قلبه بين قدميه من خوفه وقلقه عليها  ولم يشعر حينها بقدميه حتى انه وقتها مر شريط ذكرياته معها بلمح البصر وبدأت الدموع تتجمع فى مقلتيه حتى وجد ماجد يربت على كتفه بهدوء.

ادم بحزن: شيرين فين يا ماجد ليه سابتنى وراحت ليه.

ماجد بهدوء : اهدى شوية بس انت فهمت ايه يا ادم .

ادم بصوت حاد: افهم،افهم ايه بس عاوز تفهمنى ايه شيرين راحت وسابتنى.

ماجد: ما انت لو كنت استنيت كنت فهمت .

ادم بعصبية: اتفضل فهمنى ياريتنى ما سمعت كلامك وروحت وسيبتها.

ماجد بعصبية: يخربيت ام كدا ، يا ابنى اسمع.. شيرين الدكتور نقلها غرفه عاديه دلوقتى مؤقتا ، عشان خاف من اللى حصل ليتكرر تانى.

ادم متجاهلا بقيه كلام ماجد مهللا بفرح: يعنى شيرين لسه عايشة ومحصلهاش حاجه.

ماجد : ايوه يا سيدى عايشة الحمد لله.

ادم وهو يحتضنه ويقبله بشده: حبيبى يا ميجو ، كنت قولى كده من الاول بدل الخضه دى ..

ماجد : والنبى ايه ده انت مستنتش وخدت بعضك وجريت زى القطر .

ادم وهو يتنهد براحه : الحمد لله ، بس قولى ايه حكاية اللى حصلها دى.

ماجد بتوتر : بقولك ايه ما تيجى نروح نطمن على شيرين الاول.

ادم وقد شعر بخطب ما: فى ايه يا ماجد قلبى مش مطمن حاسس ان فى كارثة جايه من طريقه كلامك دى .

ماجد وهو يحاول الابتسام : ايه يا ادم مالك ما قولتلك شيرين كويسة تعالا بس نشوفها ، ثم امسكه من ذراعه ليسيروا سويا ولكن ادم اوقفه بحده ..

ادم : ماجد ايه اللى حصل لشيرين بالظبط .....
------------------------------------------------------
فى الجناح المتواجد به شيرين التى انتقلت اليه بعد ان  استعادت وعيها بالكامل فقد قرر الاطباء انها الان اصبحت بحالة لحد ما مستقره فامروا بنقلها اليه حتى موعد المحدد لاجراء عمليتها ، وخوفا من ان يتكرر ذلك الموقف مرة اخرى ، بالداخل كانت شيرين تجلس على فراشها مبتسمه بوهن وكان يجلس بجوارها زينه وليلى التى منذ ان تعرفا عليها وجلست معهم وهى لم تكف عن المزاح والضحك...

شيرين وهى تضحك بشده: اه هموت ياليلى كفايه ضحك حرام عليكى.

ليلى بمزاح : يا ستى الضحك مش بفلوس واللى. قبلنا قالوا ايه ..... الله ما تقولوا ايه..