حب اعماه الانتقام ..

الفصل ٢٣ اغفريلى

بعد ان فقدت وعيها بين ذراعيه انتفض قلبه بين اضلعه وصار بشتى الطرق يحاول افاقتها ولكن دون فائده ولكنه فزع اكثر حينما وجد يديها مجمده مثل لوح الثلج وانفها يسيل منه الدماء بكثرة فوضعها برفق فى المقعد الخلفى مرة اخرى وذهب ليسوق السيارة بسرعه ويذهب بها الى اقرب مشفى ليسعفها على الفور.
عندما وصل المشفى صار يصرخ باعلى صوته وبكل قوته ان ياتوا له بالطبيب على وجه السرعه.

ادم بخوف: حد يشوفلى دكتور بسرعه
احدى الممرضات وهى تهرول اليه مشفقه على حالته تلك: تعالى يا حمدى ندخلها الطوارئ بسرعه ، ثم وجهت كلامها لادم : هى ايه اللى حصلها بالظبط.

ادم وهو ياخذوها من بين ذراعيه : كنا بنتكلم وفجاة اغمى عليها بالشكل ده ولاقيتها بتنزف ، وبعدين هو ده وقته شوفى دكتور بسرعه يكشف ويطمنى.
----------------------------------------------
وصل الطبيب بعد فترة قصيرة ليكشف على شيرين ويعرف السبب وراء اغماءتها النزيف الذي حدث معها وطلب من الممرضه بعض التحاليل وامر باعطائها بعض الفيتامينات لتقويتها ومساعدتها على الاستيقاظ مجددا بعض ان انهى الكشف عليها خرج ليسرع اليه على الفور ادم .

ادم بقلق: خير يا دكتور هى عندها ايه بالظبط.

الطبيب: انت تقربلها ايه .

ادم بتلقائيه: انا جوزها .

الطبيب: امم طيب المدام محصلهاش الاغماءة ولا النزيف ده قبل كده .

ادم : معرفش اصل الحقيقه ان احنا مش متجوزين يعنى تقدر تقول كدا مكتوب كتابنا.

اؤما الطبيب بهزة من راسه : طيب يا استاذ تقدر تتفضل معايا على المكتب عشان نتكلم شوية.

احس ادم بقلق من كلام الطبيب معه : هى الحاله خطيرة للدرجادي يا دكتور .

الطبيب: لاء لاء متقلقش حاله خطيبتك مش خطر بس انا كنت عاوزك عشان نتكلم مع بعض شويه ممكن.

ادم براحه : اكيد يا دكتور اتفضل .
.............................................................
فى مكتب الطبيب المعالج
الطبيب: الاستاذة خطيبة حضرتك هى اسمها ايه.

ادم : شيرين ..اسمها شيرين يادكتور.

الطبيب: ايوة الانسة شيرين حاله الاغماءة اللى عندها دى ليها علاقه كبيرة بالتوتر والخوف .

ادم : بس النزيف اللى حصلها ده استحاله يكون بسبب الخوف والتوتر.

الطبيب: انا قلت الاغماءة لكن النزيف اللى حصل ده بنسميه عندنا فى الطب (الرعاف) واسبابه كتير جدا لكن ....

ادم بقلق: لكن ايه يا دكتور ارجوك طمنى .

الطبيب: الاشعه والتحاليل اللى هنعملهلها هتكشف اذا كان ده قلق واضطراب بيسبب لها النزيف فده هين ممكن يكون ناتج عن ارتفاع فى ضغط الدم او سؤء تغذيه لكن الخطر الحقيقى لو تخثر فى الدم اسبابه كتير ومن اهمها انه بيكون فى انسداد فى الشريان التاجى للقلب او ...