حب اعماه الانتقام ..

الفصل٤٥(بدايه العواصف )

بعد مرور شهر .....

كانت شيرين تجلس امام عمتها بهدوء يتناولوا افطارهم فى صمت وهى تشعر ان عمتها بها شئ خاصاً من يوم زفاف ماجد فارجعت ذلك لابتعاده عنها ولكن ماجد كان يوميا يهاتفها ويطمئن عليها ويمزح معها ولكنها لم تقدر على ذلك لتتنحنح بابتسام:ايه يا زوزو،الجميل مكشر ليه.

ولكن زينه لم تنطق وظلت على شرودها فلوحت شيرين بيدها امام وجه عمتها لتنتبه لها زينه فى الاخير.

زينه: كنتى بتقولى حاجه يا شيرين .

شيرين : ياااااه للدرجادى مش معايا .

زينه : معلش ياحبيبتى دماغى مشغولة شوية، كنتى بتقولى ايه يا قلب عمتو.

شيرين : كنت بقول مالك ياعمتو ليه حساكى حزينه ومدايقه كده.

زينه بابتسامه طفيفه: ولاحاجه ياحبيبتى انا بس ماجد واحشنى مش متعودة على غيابه كده.

شيرين وهى تدعى الحزن: امم بقى كده يا زوزو هو انا مش ماليا عينك ولا ايه .

زينه وهى تربت على يدها : اخص عليكى يا شيري ده انتى بنتى ، بنوتى اللى مخلفتهاش تقولى كده برضوا.

شيرين مبتسمه: بضحك معاك يا جميل ، بس بجد بقى ايه اللى مدايقك وقبل ما تقوليلى ماجد واحشك هقولك انه بيكلمك كل يوم يعنى الحكاية دى مش داخله عليا يلا إرى واعترفى ايه اللى مدايقك.

زينه بعصبية: يوووووه يا شيرين بقولك دماغى مشغولة شوية انا هريحك وهدخل اوضتى ارتاح شوية .

اندهشت شيرين من عصبية عمتها معها فهى لاول مرة تتحدثها بتلك الطريقه.

عواطف بابتسام: متزعليش من عمتك يا ضنايا تلاقيها بس مدايقه من حاجه.

شيرين : بصراحه مش عارفه بس هى بقت على طول عصبية وسرحانه وحزينه من يوم الفرح قولت فى الاول ماجد وبعده عنها لكن ماجد بيكلمنا كل يوم فيديو كول هو اه مش معانا بس خلاص قرب يرجع.

عواطف وهى تربت على كتفها بحنان : بكره لما تتجوزى وتخلفى هتبقى كده لما تلاقيه يغيب عنك ثانيه هتبقى زعلانه ومدايقه حتى لو هو فرحان وسعيد وهو بعيد انتى هتبقى مبسوطه له اه لكن دايما هتحبى تشوفيه قودامك عشان قلبك يطمن ويرتاح.

شيرين مبتسمه: ماشي يا طوفى ياجميل انتى يا احن واطيب قلب فى الدن.... قاطع حديثها هاتفها وهو ينير باسمه لتبتسم تلقائيا ووجهها ينير معه.

لتبتسم عواطف وهى ترى وجهها مشرق لمجرد مكالمته لها: طب رودى عليه رودى ،قبل ما يبطل ويزعل من اظاهر كده انه مش هيبقى ابنك وب....قاطع كلامها جرس الباب لتضع هى ما تحمله بيدها وتذهب لتفتح الباب لتبتسم عند رؤيتها له لتهتف عواطف بمرح: اظاهر كده ان حماتك بتحبك زى بنتها.