حب اعماه الانتقام ..

الفصل٥٧(تصريح بالحب)

فى اثناء الحفلة ذهب عامر الى المنصه ليجعل الجميع ينتبهوا اليه ليحدثهم قائلا بهدوء:_احب اشكر الجميع هنا على جهودهم اللى بيبذلوها عشان الشركه دى تفضل احسن شركه فى لندن واحب كمان اوجه الشكر لكل شخص ساند وساعد عشان الشركه تفضل محتفظه بمكانتها وسط الشركات الكبرى هنا وتكون من اوائل الشركات كمان من حيث الجديه فى العمل والاتقان والسرعه فى التنفيذ والاهم من ده كله احب ابارك لاعز اتنين عليا الباشمهنس ادم وحرمه الباشمهندسه شيرين على جوازهم والفرح انشاء الله بعد اسبوعين اما الفرح بقى ده هدية منى  للعروسين ،ودلوقتى اسيبكم تستمتعوا بوقتكوا حفلة سعيدة..

هنأ الجميع ادم وشيرين بعدما اخبرهم عامر منهم من كان مندهش ومنهم من كان سعيد حتى قمر التى تفاجأت بالامر هنأتها وعاتبتهابهمس قائلة:_كده ماتعرفنيش عشان كنت اعمل الواجب وأجيبلك هدية ليكوا.

شيرين بمرح:_ياستى عادى هديتى انك تبقى عايشة متهنيه انتى والباشمهندس.

نظرت لها قمر مبتسمه:_لاء برضوا هجيبلك هديه عشان اكون انا اول واحده تجيبلك هدية.

نظرت لها شيرين بحب:_تعرفى انك بتفكرينى بليلى صاحبتى انتى وهى زى بعض فى الطيبة ساعات بحس انها اختى مش صاحبتى زيك بالظبط على الرغم من معرفتنا القليله الا انى حاسة انك اختى.

قمر:_وانا كمان بجد حاسة كده ياشيرين انا ماليش اخوات وصاحبتى الوحيدة سافرت مع جوزها ومن وقتها وانا حاسه انى لوحدى لحد ماشوفتك.

شيرين وهى تحتضنها:_ربنا يخلينا لبعض ياجميل وما نفترقش ابدا.

هتف ادم من ورائهم متحدثا بمرح:_امم ياعينى على الحب يابختك يادكتورة شيرين لما بتحب حد بتبقى مستعده تديلوا روحها.

قمر بابتسام:_شيرين طيبة وتستاهل كل خير واكيد انت كمان طيب عشان كده ربنا جمعكوا ببعض خلي بالك منها ياباشمهندس وماتزعلهاش شيرين جوهرة نعمه ربنا بينعم بيها على عباده اللى راضي عنهم.

نظرت له شيرين مبتسمه بغرور:_شوفت عشان مايجيش عليا يوم وتزعلنى .

ادم مبتسما بحب:_هو انا اقدر ازعل روحى دى روحى مااعرفش اعيش دقيقه من غير ماشوف ضحكتها ولا عيونها الحلوين دول.

نظرت له شيرين مبتسمه بخجل بينما نظرت لهم قمر مبتسمه متمنية ان تسمع بيوم من الايام ذلك الحديث من عامر لتنظر نحوه لتجده يقف مع مجموعه من المهندسين الشبان وبجواره فتاة تقف ترتدى ثياب تكشف اكثر ما تستر وكانت تضحك معه بمياعه ودلال لتغضب هى وتحاول ان تذهب لتعكر صفو تلك الابتسامه التى تنير وجه ولكن يد شيرين سبقتها لتمنعها هامسة:_اتقلى اوعى تعملى كده عشان وقتها هتديلوا الفرصة يبيع ويشترى فيكى زى ماهو عاوز.

قمر بغضب:_هموت ياشيرين هطق وهو بيضحك فى وش الكل وبيكشر فى وشي هموت وانا شايفه الست سردينه دى وهى واقفه بتتمايع معاه ولاكأنى موجوده ماهو طبعا ماهو الكل هنا مايعرفش انى مراته والبيه ولا عامل ليا اى اعتبار.