فى المشفى
كان إيهاب جالسا مع منى فى كافتيريا المستشفى وكان ينظر لها باستمرار نظرات عاشق وظل على صمته حتى لاحظت منى ذلك فقاطعت صمتهم .
منى: هتفضل تبصلى كده كتير.
إيهاب: هو انا اطول برضوا.
منى بأبتسام : ومش هتزهق مِنى .
ايهاب: عمرى كله ، تعرفى لو خيرونى بينك وبين كل بنات الدنيا هختارك انتى انتى وبس يا منى .
منى: بس الدنيا كلها واقفه قدامنا ومعارضه حبنا ده .
إيهاب: ولا يهمك من الدنيا دى وانا جمبك .
منى بسؤال مباغت: وهدى ذنبها ايه .
ايهاب: هدى كانت غلطه والحمد لله مكملتش ولا كنا كلنا هنندم طول عمرنا
منى بحزن: بس مامتك وخالتك مش....
قاطعهاإيهاب: مالكيش دعوة بحد انا جمبك وعمرى ماهبعد عنك حتى لو انتى قولتيلى ابعد.
ابتسمت له منى وقد احس إيهاب بان جبال الجليد بينهم بدأت تذوب .........
-----------------------------------------------------
فى اليوم التالى
استيقظت شيرين وهى مبتسمه فهى شاهدته بحلمها وهو يكرر نفس جملته لها انها حييبته هو .
طرقت عواطف عليها باب غرفتها ظننا منها بانها مازالت نائمة .
عواطف بابتسام: صحيتى يا نور عينى .
شيرين وهى تبادلها نفس الابتسامه :صحيت يا طوفى يا قمر انتى .
عواطف : الله صاحية رايقة وشك منور يارب دايما .
شيرين: اصلى حلمت حلم حلو اوى يا طوفى حلم جمييييل ومكنتش عايزة اصحى منه.
عواطف : امم طيب ربنا يحلى ايامك زى ما بيحلى احلامك يا نور عينى .
شيرين : طيب هروح بقى بسرعه اخد شاور والبس عشان اجرى على طول على الشغل .
عواطف: تجرى ايه لاء مافيش مشى غير لما تفطرى فاهمه ولا ازعل منك.
شيرين وتقبلها من خدها : لاء طبعا هو انا اقدر ازعل العسل بتاعى ده حاضر يا ستى هفطر لقمتين على الماشى كده واروح شغلى ممكن .
ابتسمت لها عواطف وتركتها لتفعل ما تريده .
--------------------------------------------------
بعد فترة ذهبت شيرين للشركه لتجد ان كل البنات بالشركه يبتسموا لها ولكن هى لم تعرف ما السبب حتى قابلت نهله وملك وعندما رأتها نهلة قادمه اليهم .
نهلة: اهلا اهلا بالقمر بتاع شركتنا .
ملك مبتسمه : صباح الخير يا جميل .
شيرين: نفسى افهم ايه سر الابتسامات والكلام المعسول بتاعكم ده على الصبح فى ايه.
ضحكت نهلة: هههه هههه هو انتى اللى بتسألى ده احنا اللى المفروض نسأل .
شيرين وهى تدلف لغرفه مكتبها : تسألوا عن ايه انا اللى .... ثم تفاجئت شيرين بوجوده جالسا فى مكتبها منتظرها مبتسما .
أنت تقرأ
حب اعماه الانتقام ..
Romanceجمعهما الحب وفرقهم الانتقام عشقها من اللحظه الاولى وهى احبته بجنون ولكن ذلك لم يكن كافى ليردع حرب الانتقام ببنهم ........ فما الذى سيحدث لهما مع الايام ..........
