حب اعماه الانتقام ..

الفصل ٢٢تجاهل

عندما كان متوجه معتز ليلحق بالمصعد نادت عليه سكرتيرته لتخبره بان هناك اوراق مهمه تحتاج لتوقيعه عليها مما اضطره ان يعود الى مكتبه ليراها ويعطى توقيعه عليها .
------------------------------------------------
فى المساء وصل ماجد الى منزل ليرتاح قليلا من كل مامر به اليوم وعندما وصل وفتح الباب وجد عواطف وشيرين يشاهدان فيلما سنيمائي ويضحكان .

ماجد بمزاح: مساء الروقان على الناس الجدعان.

شيرين: روقان وجدعان ده انت بقيت بيئه خالص. ثم نظرت له لتحدثه ولكنها فزعت مما راته بوجه من كدمات وجروح.
شيرين وهى تصرخ بفزع : يا نهار اسمر اللى شلفط وشك بالطريقه دي.

عواطف وهى تسرع اليه لتري وجه: يا لهوى ياضنايا ده انت مضروب لما شبعان.

ماجد: اه بالراحه يا داده وبعدين ايه مضروب دى دا انا بهدلته.

شيرين بريبه: بهدلته بهدلت مين يا سي كيلاي اوعى يكون اللى بالى.

ماجد مراوغا: وهو مين اللى فى بالك بقى يا شوشيت قلبى.

شيرين بنفاذ صبر: ماجد قولى مين اللى شلفطك كده احسنلك بدل ما كمل على الخريطه اللى فى وشك دى .

ماجد ببرود: شيرين ياروحي انا تعبان وداخل انام ماشي وعشان ترتاحى انا ماشفتش اللى بالك ده انا بس عملت حادثه والراجل كان غتت واتخانقنا وبس، تصبحوا على خير.
ثم تركهم قبل ان تتفوه اى منهم بكلام اخر ودخل لغرفته التى اعدتها له شيرين لينام قليلا .
---------------------------------------------------
فى فيلا السفير كمال عاصم
كانت ميريهان تذرع غرفتها غاضبه حينما علمت بما دار بمكتب ادم اليوم حتى انها رفضت ان تخرج مع احدى صديقاتيها بسبب ذلك فهى علمت ان ادم معجب بفتاه ولكن لم يهدأ لها بال حتى تعرف من هى فطرأت ببالها فكرة مجنونه وقررت ان تذهب لوالدها بغرفه مكتبه لتخبره بقرارها هذا .

مريهان وهى تطرق الباب على والدها ولم تدخل حتى اذن لها بالدخول: بابا حبيبى فاضى ولا فى حاجه ممكن تشغلك عنى .

كمال: لاء يا حبيبتى انا فاضي تعالى ادخلى.

ذهبت مريهان اليه لتحتضنه من الخلف : بابا حبيبى انا زهقانه ومضايقه من القاعده طول النهار فاضيه مافيش حاجه بعملها غير انى اسمع ميوزيك او اروح النادى اقابل صحباتى لحد ما زهقت.

كمال: امم مشكلة عويصه وصعبة طب ايه رايك لو تروحى عن طنط فريدة وغاده وتقعدوا سوا.

مريهان:حتى مرواحى لانطى فريدة برضوا ممل والست غاده يا بتكون فى الكلية يا المستشفى يا بتذاكر وبفضل قاعده مع انطى لحد ما بزهق .

كمال وقد احس بوجود شئ تخفيه: طب وبعدين المقدمه دى اخرتها ايه.

مريهان بدلال: ايه رايك يا بابا ياحبيبى لو اشتغل فى شركه عمو سليم .