حب اعماه الانتقام ..

الفصل (٣٩) قلوب بلا رحمه ١

معلش انا عارفه انى اتأخرت عليكم ، بس الفصل طوووووويل حبتين وهينزل على جزئين ، الاول انهارده والتانى لو قدرت اخلصه انهارده هنزله ....
اتمنى ان الرواية تنال اعجابكم ....
كومنتات بقى وفوووووووت كتير شجعونى ........
*****************************************
فى المشفى تحديدا فى غرفه امينه.....

ليلى بتعلثم : اص....اصل..بصراحه يا..خالتو  ..اصل..شيرين يعنى...

امينه بلهفه وخوف: فى ايه يا ليلى اتكلمى يا بنتى وماتوجعيش قلبى شيرين جرالها ايه حصلها حاجه.

ليلى وهى تبتلع ريقها بصعوبه: اصل يا ماما شيرين تعبت النهارده اه تعبت وانا كنت...

امينه بخوف وقلبها يدق بعنف: تعبت...يعنى ايه ...يعنى ايه تعبت هى مش كانت كويسة وفاقت ...قوليلى يا ليلى عشان خاطرى يا بنتى عشان خاطرى...

اشفقت ليلى على حالة خالتها وتألمت لرؤية دموعها فاسرعت اليها عالفور تحتضنها وتطمئنها: والله ماتخافى ...صدقينى يا ماما هى بقت كويسة واقولك كمان هى اتنقلت على اوضه عاديه ايه رايك بقى ، ومش بس كدا لاء داانا وهى اتعرفنا على بعض وبقينا صحاب اوى كمان .

امينه بلهفه : بجد يا ليلى ، طب هى عرفتك قصدى عاملتك ازاى كانت كويسة ولا ...

احتضنتها ليلى بشده : متخافيش ياعمتو شيرين دى بسكوته عسل اوى وطيبة اوى وحنينه اوى زي كده .

ابتسمت امينه لها وحدثتها بمرح وهى تمسح دموعها: زيك اااااه يبقى ربنا يعوض عليا بقى رزقنى ببنتين اجن من بعض.

ليلى وهى تبتعد عن حضنها بمزاح : بقى كده يا مونى انا مجنونه طب مش هكملك.

امينه وهى تشدها لحضنها وتحتضنها بحنان وتمسح على شعرها برقه: ده انا بهزر معاكى ياقلبى هو انا اقدر استغنى عنك ده انت بنتى الأولانية يا ليلى وعوض ربنا عن بنتى اللى اتحرمت منها وهى حته لحمه حمرا.

قبلت ليلى يد خالتها لتهتف بمرح: اممم ..سجدتينى انا كدا وكلتى بعقلى حلاوة بالبوقين دول يا أمون .

امينه وهى تقرصها من اذنيها وتشدها من شعرها بمرح: يابت انتى مش هتبطلى كلامك الغريب ده ،ايه سجدتينى وبوقين دول ..

ليلى : اااااه خلاص انا اسفه يا ماما سيبى شعرى حرمت يا مونى حرمت ، سبينى بقى عشان اكملك ..

تركت امينه شعرها على الفور ونظرت لها بلهفه وابتسام : قولى يا ليلى بجد شكلها ايه وعاملة ايه ومبسوطه ولا لاء..

ليلى بابتسام: اولا بنوتك دى طيبة اوى زيك يا عمتو وحنينه وقلبها ده ابيض اوى تعرفى انها شبهك اوى.

امينه بابتسام: يا سلام .. شبهى يا بكاشه .

ليلى : والله ياعمتو شبهك ، اقولك حاجه بصى فى صورك وانتى صغيرة فى سننا وانتى تصدقينى .