حب اعماه الانتقام ..

الفصل ١٥ (عرض زواج )

فى بيت منى
ظلت جالسة على فراشها حزينه فهى لم تكن تريد ان تستمع لكلام إيهاب فهى مازالت تحبه وبنفس الوقت لا تريده ان يخسر والدته فقد قررت ان تساومه بان يرجع لخطيبته او تترك له الشركه وهذا مااهداها اليه عقلها ولكن اعترض قلبها
وبشدة على هذا القرار ولم تشعر بدخول والدتها الا وهى تجلس بجوارها .

هالة: ايه يا منى ناويه تفضلى حابسة نفسك فى الاوضه كده كتير .

منى بابتسامه باهتة : لاء يا ست الكل بس انا تعبانه حبتين فقلت اريح دماغى شويه و.........قاطعتها والدتها

هالة: تريحى دماغك ولا قلبك يا بنتى ايه اخرة اللى انتى فيه ده .

منى: هو ايه اللى انا فيه ، هو عشان قعدت يومين بريح فيهم اعصابى يبقى خلاص . صمتت والدتها قليلا فهى كأى ام تحزن لاجل ابنتها فهى من تدفع ثمن كراهيه والدته ايهاب لها .

هالةبحزن: خلاص يا منى على راحتك يا بنتى ، حاولت النهوض ولكن فجأة احست بداور عصف بها ووقعت مغشيا عليها .
منى بفزع : ماما ..ماما ردى عليا، ماما خلاص عشان خاطرى قومى انا اسفه والله اسفه ..وعندما لم تجد منها رد اسرعت الى الهاتف لكى تكلم احد ينجدها ولم تدرى الا وهى تطلب إيهاب ليأتيها صوته الحنون .
إيهاب: منى وحشتينى ثم انتفض فزعا من فراشه عند سماعه لصوت بكائها
ايهاب: منى ..منى يا حبيبتى ممكن تهدى عشان اعرف اسمعك .
ثم حدثته منى ان والدتها اغمى عليها فجاة ولم تعرف بماذا تفعل فطمأنها واغلق الهاتف واسرع الى جاكيته وحمد الله انه لم يكن بدل ملابسه خرج من غرفته مسرعا فوجد والدته امامه .

مشيرة: رايح فين ومستعجل كده يا حبيبى .
إيهاب: طنط هالةاغمى عليها ومنى مش عارفة تتصرف .

مشيرة بعصبية: طنط هالة اه وهى الست منى مافيش حد تستنجد بيه غيرك انت .
ايهاب بعصبية: ماما بصرف النظر عن انك بتكرهيها وانا مش عارف ايه السبب منى تبقى بنت عمى الوحيد وانا مش هسيبها تطلب المساعده من حد غريب وانا موجود .

مشيرة بصوت حاد : اه ..دى تلاقيها حجه عشان تروحلها وبعدين ماهى عارفة انك خطبت بنت خالتك ومع ذلك برضوا لسه لازقه فيك .

ايهاب بنفاذ صبر: ماما انا هريحك خالص انا فسخت خطوبتى من هدى ومافيهاش رجوع وهتجوز منى حتى لو كان غصب عنك او عنها عن اذنك .
تركها وانصرف وهى مازالت مصدومه من تصريحه المفاجئ لها حتى انها لم تكن تعلم بامره هو وهدى .

مشيرة: اظاهر كده انى كنت طيبة معاكى يا بنت هالةلكن من هنا ورايح هتشوفى وش تانى مكنتش عاوزه اوريهولك .
--------------------------------------------------
فى منزل شيرين
كانوا جميعهم متواجدين بمنزل شيرين قلقين على صديقتهم منى .
نهله: انا لسه جاية من عندهم من البيت وفضلت اخبط كتير ومحدش كان بيرد عليا .

شيرين: طب مسألتيش البواب ليه .

نهله : يعنى انا مستنياكى روحت لاقيته مش موجود .