حب اعماه الانتقام ..

الفصل٣٧(حرب باردة)

فى المطعم ....

مراد:  ودى تبقى مين دى بقى...

طارق : كاميليا بنت صديق والده الراجل ده كان اسمه باهر الاسيوطى وكان صاحب فاروق بيه جدا وكان طيب وبيحب سليمان جوز عمتى جدا وبيعتبره ابنه اللى مخلفهوش وكان بيزنس مان له وضعه فى فرنسا بس لما حصلتلوا ازمه ماليه وقتها اللى سانده ووقف جمبه فى شغله كان جوز عمتى والراجل صان جميله ده وقرر انه يبقى لجوزعمتى اسهم فى الشركه ده طبعا بعد ما وقفت على رجليها وده بفضل جوز عمتى واخوك ...

مراد: اخويا تقصد ان سليم الزينى كان فى الوقت ده فى فرنسا.

طارق: ايوه والدك وجوز عمتى كانوا من صغرهم مع بعض وحتى لما جوز عمتى سافر فرنسا سليم بيه جاله وبقى معاه لحد ما اتعرفوا على فريده وعمتى فى حفله عيد ميلاد زينه اخت جوز عمتى .

مرادبدهشه : هى امى تعرف عمتك وعمه شيرين كمان.

طارق : ايوة بس الزمن فرق بين كل واحده فيهم المهم مش ده موضوعنا ..

اومأ له مراد : صح كمل انت وقفت لحد ما اللى اسمه باهر ده كتب اسهم لعمى سليمان فى شركته صح.

طارق : صح ، فى الوقت ده كانت كاميليا دى طايشه ومجنونه وكانت كل حاجه تطلبها تجيلها فى لحظتها ومكانش اى راجل يقدر يقاوم جمالها ..

مراد مقاطعا: الا جوز عمتك مش كدا ..

طارق: صح ، وهتسالنى طب واشمعنا هو عشان هى ماكانتش على بطيق اخوك وكانت بتكره لكن هى اول ما شافت جوز عمتى انجذبت له واستغربت انه ماوقعش فى حبها وده شدها ليه اكتر وبقت تحاول فى مناسبة او من غير مناسبه تتقرب منه لكن هو كان بيصدها وده كان بيستفزها لكن هى ما سكتتش بالعكس ده حاولت كمان تقرب من جدته لكن جدته مكانتش بتحبها وكانت هى كمان بتبعد عنها لكن كاميليا ما تراجعتش وبعدها اكتشفت انها بتحبه بجنون خصوصا انه كان اول راجل يتعامل معها بجديه وحزم مش زى الباقيين وده خلاه مميز من وجه نظرها وخلاها تتمسك بيه اكتر فى الوقت ده جوز عمتى مكانش فى حاجه بتهمه غير شغله وجدته وبس ...

مراد: طب ليه هو ماحاولش يفهمها انه مابيحبهاش عشان تبعد عنه.

طارق: للاسف حصل ، وفهمها بكل ذوق انه مش بيحبها لكن تقول ايه هى ما تراجعتش ولما لاقت معاملته لها اتغيرت وبقت جافه وصارمه زياده عن الاول عملت هى عليهم تمثيليه انتحار عشان تعرفه قد ايه بتحبه وقد ايه بعده عنها اقوى من الموت وطبعا جوز عمتى وقتها حس بالذنب وخصوصا ان باهر ده كان زى عمه ويمكن اكتر وان بنته دى وحيدته ومالوش بعدها حد ...

مراد: طب وبعدين متقوليش انه اتجوزها..

طارق : لاء ما وصلتش لكده لكن وقتها الدكاترة طلبوا منه انه يفضل فترة وهمها انه معاها وانه بيحبها ويقرب منها وعمل كده بس جت عليه لحظه ومقدرش لانه فى الوقت ده كان اتعرف على عمتى فى الحفله اياها ومن وقتها وهو كان بيفكر فيها وحس انه قلبه بدا يعرف طريق للحب عن طريقها ، فقرر انه يصارح كاميليا ..