حب اعماه الانتقام ..

(التاسع) مفأجاة غير متوقعه

قبل ان يدخلا الاثنان الى الغرفة اوقفها مراد متوسلا .
مراد : ابوس ايدك يا امى اوعى تكون عروسة بجد مش مستحمل انا لو عايز اتجوز هقولك والله ..

فريدة : متقلقش يا سيدى اللى جوا دول مش اهل العروسه وبعدين خلاص انا شيلت ايدى من الحكاية خلاص ، ممكن بقى تتفضلوا تدخلوا عشان ميصحش كده الناس مستنينكم من بدرى

تحركا معها ودخلا للغرفه وكانت المفاجاه غير سارة على الاطلاق فوجدوا عائله خالتهم بالداخل وهى هناءاخت فريدة ، هناءتصغر عن فريده بثلاث سنوات وهى تشبها الى حد ما باختلاف لون شعرها وعيونها السوداء فهاله ورثت ذلك من والدهم ، هناءمتزوجه من سفير سابق بالخارجية وكانوا مسافرين لفترة بالخارج نظرا لظروف عمله ، هناء لديها ولد وبنت، مروان وميرهان ، مروان هو الاقرب لسن مراد يعتبر اقرب صديق لادم ومراد فهم ذات طباع واحده، مروان كمال عاصم شاب فى الثلاثينيات طويل القامه ووسيم وجهه متهجم قليلا وصارم ولكنه طيب القلب، شعره اسود قصير وذقنه حليقه ، وعيونه سوداء ، ودائما لا يعجبه تصرفات اخته وطريقه انتقائها لملابسها فمريهان كما يطلقا عليها ادم ومراد مسمي ( العروسه الحلاوة) فهى دائما ما كانت تهتم بنفسها ومشاعرها هى فقط على حساب الاخرين ، مريهان كمال عاصم الاخت الصغرى لمروان فتاة فى العشرينات ، بيضاء البشرة وعيونها رمادية فى الاصل ولكنها تلون عينيها على حسب ملابسها فهى ترتدى دائما عدسات لاصقه وشعرهااصفر قصير تصبغه حسب الموضه ودائما ترتدى ملابس على الموضه وماركات ولا احد يقدر على ان يمنعها فهى تعتبر دلوعة العائلة ولا تقدر على تحمل المسؤلية ولاتهتم غير بمريهان وطلبات ورغبات مريهان ................

هناء: ياه اخيرا ياولاد جيتوا نورتوا البيت ده احنا كنا خلاص هنمشى لولا فريدة قالت انكم جايين خلاص.

مراد فى سره : ياريت كنا اتاخرنا شويه كمان كان زمانكم مشيتوا واترحمت انا من الليله ديه، قاطع شروده حينما وجد مروان صديقه يهزه بلطف ،
مروان : ايه ياعمنا سرحت فى ايه كده اللى واخد عقلك
مراد وهو يحتضنه : مروان ليك وحشه والله ايه اخبارك واخبار البلد اللى كنت فيها
مروان : انا يا سيدى الحمد لله والبلد كويسة جدا والله السفرية ديه كانت نقصاك انت وادم .
ادم : والله كان نفسى بس نعمل ايه خالتك بقى مصدقت رجعت من برا فخلاص بقى مقعدانى جمبها وتقولك انت واخوك مينفعش تبعدوا عنى تانى خلاص محدش يقولى سفر تانى

فريدة : نفسى اعرف انتم هتفضلوا ترغوا كده كتير يلا تعالوا نقعد سوا .

تحرك الثلاث شباب للداخل وسلم كلا مراد وادم على المتواجدين فى الغرفه ،
وجلسوا الشباب معا وسليم وكمال معا ، اما فريدة وهناء ومريهان معا

ميرهان : ايه ياانطى هى غادة فين مش شايفاها يعنى
فريدة : اه يا قلبى غاده مشغوله اليومين دول فى امتحانات ما انتى عارفه اللى فى طب مش فاضين نهائى .
هناء بامتعاض: هى اللى غاوية تعذب روحها ما الكليات السهلة كانت اودامها هى اللى اختارت طب اصعب الكليات .