حب اعماه الانتقام ..

الفصل٣١{عودة للواقع }

انتظرت فريدة ذهاب ابنها مع ماجد وملك لتجلس مع زينه وجها لوجه .

فريده : ياااااه الدنيا دى غريبة قوى يا زينه مش كدا .

زينه: هى غريبة فعلا بس ايه مناسبة الكلام ده يا فريده هانم ..

فريده : ايه مش عارفه مناسبة الكلام ده يا صديقتى العزيزة.

زينه : فريده اظن ان اللى حصل زمان راح وانتهى وهو دلوقتى معاكوا .

فريدة بابتسام : بس لسه قلبه معاكى انتى.

زينه بانفعال: اظن ان الموضوع ده اتقفل من زمان اوى وعيب ان احنا نفتح فى الماضى ولا ايه .

فريده بهدوء: انا مش عارفه انتى منفعله ليه صدقينى يا زينه انا مش ضدك بالعكس انا كنت وهفضل انا وسليم معاكى .

زينه ببسمه مكسورة: معايا..... معايا ازاى انتوا زمان اتخلتوا عننا وسيبتوهم يفرقوا بينا انا اتجوزت عصب عنى وهو...

قاطعتها فريده : وهو لسه عايش على امل انه يشوفك ولسه ما اتجوزش على فكرة..

زينه بالم: وهيفيد بايه اذا كان اتجوز ولا لاء انا خلاص عايشه لابنى وبنت اخويا وبس يا فريدة هما دول امل حياتى دلوقتى وهما دول عوضى عن كل حاجه فى الدنيا.

فريده : تعرفى اول ما شوفتك فرحت اوى ولما عرفت ان ماجد ابنك فرحت اكتر.

زينه : اشمعنا يعنى ....

فريده : عشان احنا التلاته كنا متفقين على اسماء ولادنا ولا مش فاكرة .

زينه بابتسامه باهته: ياه لسه فاكرة ايام زمان.

فريده با بتسام: طبعا انا عمرى ما انسي ابدا وهو انا انسي يوم عيد ميلادك ده كان احلى واسعد يوم فى عمرنا .

زينه بالم: اظاهر انه كان اسعد يوم ليكى انتى وبس يا فريدة.

فريده بأسي : عندك حق من بعده وكل واحده فينا راحت مع التيار وكل واحده فينا شدها التيار لحته بعيده .

زينه وهى تبتسم لها وتحدث نفسها : عندك حق بس التيار بتاعى انا وامينه الله يرحمها كان اقوى من اى تيار كان غرقه ..... وغرقنا معاه ومعرفناش نخرج للشط.
=================================
ذهب ماجد وادم ليجلسوا سويا بالكافتيريا بعد ادعاء ملك بان خالتها تطلب منها المجئ لأمر عاجل يتطلب وجودها فشعر ادم بشئ خفى بينهم وخصوصا عندما وجد ماجد يزفر بضيق بعد ذهابها اوبالاصح بعد رفضها لعرضه عليها توصيلها.....

ادم بمكر: مش غريبة ان ملك مشيت بسرعه كدا .

ماجد : ما انت سمعت بنفسك خالتها كلمتها وقالت انها عوزاها فى امر ضرورى.

ادم وهو يحاول استفزاز ماجد : اممم ضرورى ...غريبة... مش يمكن تكون خالتها جايبالها عريس.