حب اعماه الانتقام ..

الفصل ٤٢ ( اجمل ايام )

بعد مرور خمسه اشهر على نجاح العمليه..
كانت شيرين نائمه بفراشها بمنزلها سعيدة تتذكر ماحدث معها بالاشهر الماضية ، تحديدا بعد خروجها من العمليه لتفوق بعد مرور يوم لتجد الطبيب الذى اجرى لها العمليه يخبرها بنجاح العملية وبعد ان بدأت تتعافي تم نقلها لغرفه عادية وكان ادم اكثر شخص ملازمأ لها كان لا يتركها الا عند النوم فقط وكان يطعمها بيده ويصر ان تنهى طعامها باكمله وبعد ان تعافت نهائيا وخرجت من المشفى وجدته يأخذها لمكان هادئ وجميل ظلوا معا طوال اليوم يلبى لها كل ما تطلبه كل ما كانت تحلم به ظلوا هكذا حتى فاجئها بالمساء واخذها لمطعم على الشاطئ مكان ساحر كان يجمع بين الخضرة والمياه ولكن كان المكان باكمله فارغ لايوجد به احد كان قد حجزه لهما مسبقا ليحتفل بليلة عرسهم سويا وبعد دخولهما بفترة امسك ادم بيدها وقبلها لينظر لها بعشق

ويخبرها: تعرفى انى شوفتك قبل ما نتقابل فى مكتب ايهاب.

اندهشت شيرين ولم تعلق فاكمل ادم كلامه وهو مازال ممسكا بيدها بين يديه محتضنهما : شوفتك اولا فى حلمى وبعدها شوفتك قودام عنيا حقيقه واقفه مع واحده صاحبتك وبتتكلموا وفجاة وقفتى قودام محل لفساتين الافراح وقفتى حوالى ست دقايق وتلات ثوانى وبعدها ابتسمتى وبعدتى وفضلت انا كل يوم اروح نفس المكان فى نفس الميعاد وادعى ربنا انى الاقيكى وفعلا بعد خمس ايام لاقيتك واقفه وباصه على فستان ابيض وفضلتى واقفه كتير اوى تتفرجى عليه وقتها قررت انى ادخل واشتريه ويوم فرحنا تلبسيه...

شيرين وهى مبتسمه وعيونها دامعه بنفس الوقت: يعنى انت اللى اشتريته عشانى ..

ادم مبتسما وهو يمسح الدمعه الهاربة من عينيها: طبعا انتى اغلى من حياتى انتى احلى حاجه فى حياتى ، حتى لو ماكناش اتقابلنا كنت هتفضلى حب حياتى اللى هفضل عايش لحد ما الاقيه..

ثم بعدها قَبل باطن يدها بحب لتستمع بعدها لموسيقى هادئه وهو يطلب منها ان يرقصا سويا على انغامها ليبدا هو يهمس لها بكلمات تلك الاغنيه لتغمض هى عيناها وتستمع لكل كلمه يقولها وهى تتذكر كل ذكرياتهم معا فهو انتقى لها اكثر اغنيه تماثل حالتهم .. ....... .....
~~~~~~~~~~~~~~~~~~
نسينى الدنيا ...نسينى العالم...
دوبنى حبيبى .....
وسيبنى اقولك احلى كلام ...
لو ألف الدنيا ...لو ألف العالم
مش ممكن زى غرامك انت
ألاقى غرام.....

لو اقولك انى بحبك..
الحب شوية عليك..
لوثانيه اناهبعد عنك ..
برجع مشتاق لعنيك
ضمنى خليك ويايا..
دوبنى ودوب فى هوايا..
تعالانعيش اجمل ايام..

كان اجمل يوم فى حياتى ..
يوم ماقابلتك يا حياتى ...
مقدرتش اتحمل كل ما افكر لحظه..
لاقتنى بدوب فى هواك ..
خدتنى من كل الناس ...
عشت فى اجمل احساس....
ونسيت ياحبيبى الدنيا معاك..

انا شايلك جوه عنيا ....
والدنيا دى شاهده عليا....
انا جمبك وبحبك ...
مش ممكن اقدر انا ياحبيبى ..
فى يوم انسااااك...
بتمنى العمر يطول ...
وافضل احبك على طول ..
ده انا ياما حلمت اكون وياااك ....
ااااااااااااااااه