بعد ان ذهب ادم الى الطبيب لكى يطمئن على حالة شيرين وتركها بمفردها مع اخيها ، ظلت شاردة تفكر في ما تفعله هل تظل على طريقه جفاءها مع ادم مثلما حدث فى الايام الماضيه ام تنسي كل شئ وتسامح وتفتح معه صفحه جديده تودع بها كل آلام الماضى وعندما كانت شاردة لم تستمع لحديث اخيها معها.
ماجد بتسلية: الله ياريته يجى يشوف اللى انا شايفه ده الراجل لسه خارج من الاوضه مبقالوش ثوانى للدرجادى بتحبه ياجميل.
شيرين وهى شارده: هاه انت كنت بتقول حاجه يا ماجد.
ماجد بمزاح: لا ابدا كنت بقول شايفه الشمس منورة ازاى.
شيرين وهى تنظر له شرزا: ماجد انا تعبانه سخافتك دى مش مطلوبة دلوقتى خالص ماشي.
ماجد: خلاص بقى شوية جد ، ايه اللى حصل بالظبط وصلك للحالة دى.
شيرين: مافيش انا بس كنت نازلة عشان بلغونى انه فى مشاكل فى الموقع وكن.......، صحيح تعالا هنا بقى انت قبلها كنت عندى فى المكتب ازاى بقى لحقت تمشي بالسرعه دى ، اوعى تكون انت وهو اتفقتوا على كدا.
ماجد بارتباك: انا ..اصل ..اسكتى مش الواد ايمن امبارح كان...
قاطعته شيرين بعصبية.
شيرين: ماجد انت كنت مرتب مع ادم كل اللى حصل مش كدا.
ماجد: اصل بصراحه بقى يا شوشو الصراحه يعنى ادم صعب عليا .
شيرين: ياسلام ادم صعب عليك وانا مصعبتش عليك وهو بيهنى ويمد ايده عليا كمان.
ماجد: ما خلاص بقى يا شوشو انسي وسامحى وبعدين انا لو مكانه كنت هفهم اللى هو فهمه على طول يمكن هو متهور حبتين لكن قلبه طيب وبيحبك وهو وعدنى انه عمره ما هيمد ايده عليكى تانى يبقى كدا بقى الموضوع خلص.
شيرين: والله كدا انتهى بالنسبة لك لكن انا هيفضل جويا جرح من اللى عمله.
ماجد بهدوء: شيرين انا اخوكى حبيبك اللى دايما واقف جمبك وعمرى فى حياتى ما هبعد عنك او أسيبك بس المرة دى انا بقولهالك ادم بيحبك واللى عمله ده من حبه ليكى مجنون بقى تعملى ايه .
شيرين: يا سلام يعنى زى ما بتقول منى صاحبك على عيبه.
ماجد: امم هو انا مش فاهم المغزى اه بس هقولك حاجه الاستاذ اللى انتى ظالماه ده امبارح بالليل فضل جمبك ومرديش يبعد عنك ولو خطوة واحدة.
شيرين مبتسمه: وانت ايه اللى عرفك ان شاء الله.
ماجد: خناقته مع بتاع الامن والدكتور النبطشي هى اللى عرفتنى ، طب اقولك على حاجه امبارح لما كلمنى حسيت فى صوته كده انه كان بيعيط ولا لما جيت الصبح اطمن عليكى دخلت لاقيته نايم وهو ماسك ايدك وكان عامل زى العيل الصغير اللى امه تعبانه وخايف تروح منه.
أنت تقرأ
حب اعماه الانتقام ..
Romanceجمعهما الحب وفرقهم الانتقام عشقها من اللحظه الاولى وهى احبته بجنون ولكن ذلك لم يكن كافى ليردع حرب الانتقام ببنهم ........ فما الذى سيحدث لهما مع الايام ..........
