الشيطانة الفاتنة

الجزء الأول

نبيل:(جر عليها الغطا وكيغوت)تهزي... هادي 7 ومزال ناعسة... واش كتقلبي على شي تفرشيخة (ناضت مخنزرة فيه)لا أجي ضربيني نتي... واا تهزي سيري شوفي ليك متقدي ...ليلة جيبي ليا 100 درهم ولا اتباتي فالزنقة

ناضت ساخطة... دخلات للطواليط بلدية... قدات حاجتها غسلات وجهها فروبيني لي منو للضس... وقفات شافت وجهها فواحد المراية كلها مهرسة تنهدات ...خرجات ملقاتوش لبسات سروالها المقطع والموسخ ...طريكو بااهت بالشمش وكترت تصبان... لبسات الفوق مونطو كبييير عليها كتبان بحال القطة وسطوا... ضفرات شعرها ودارت طاقية ولا كيبان فيها غير الوجه ...هزات واحد الشكارة محرتكة دارتها على ضهرها... خرجات كان الكاريان كيصفر فيه غير السكايرية لي يلاه كيرجعوا لديورهم...وشماكرية لي مستفين فالارض كي البواطة د السرديل ...بقات غادة ومخشية وسط المونطو كتصنت للبرد لي كيصرفق فخدودها الحميمرين ...خرجات من الكاريان وصلات للشارع ...لقاتو كيتسناها

لؤي:تعطلتي ا ساطا... خليتيني نتسمر فهاد البرد 

خنزرات فيه...

لؤي:المهم... كاين اليوم واحد الهوتة مقودة ...وجدي راسك انضربو يدينا مزيان

روح:(بصوت رقيق أنثوي)...معاش ؟؟

لؤي:مع ال العشرة دليل نتلاقاو فبلاستنا ...

روح:واخة

مشات وخلاتو بقات غادة حتا... وصلات للفيروج حلات الشكارة جبدات بكيات دكلينيكس ... بدات خدمتها كتوقف على طونوبيلات تبيع ليهم... بقات واقفة النهار كولو لا ماكلة لا شراب... حسات برجليها ايتقسمو ...يلاه جمعات 40درهم... بانت ليها واحد لوطو غااالية مشات كتجري قبل ميسبقها شي واحد... دقات فزاج حل ليها واحد الشارف

الشارف:احح على عوينات... طلعي ا زوينة ونبرعك

روح:(مدات ليه باكية دكلينيكس)هادا كادو... باش تمسح بيه خراك الكلب 

جمعات الدفلة لاحتها ليه على وجهوا...طلقات رجليها للريح غير بعدات جلسات فالأرض كتنهج ...هاد الكمامر ديما خارجين ليها من جنب عيات متخبي راسها بلا فايدة لي مكبوت كيبقا مكبوت واخة معرت اش دير ليه...