الشيطانة الفاتنة

الجزء 123

ديمارا وطريق كلها كيضور يشوف فيها ويفكر فين ممكن يديها وقف عند واحد العمارة جات فوسط المدينة وفموقع راقي بزااف نزل ومشا طاير حل ليها الباب وخرجها دخلوا وركبوا فالمصعد وصلوا للابارطومون لي كانت ف تروازيام ايطاج حل لباب ودخلوا
داها لواحد صالون مفرش بالفوطويات فالرمادي والجلد بالنواغ كلااص جلسات وتحنا هو على ركابيه قدامها هز ليها شعرها من على وجهها
صرب:نوضي دوشي أنا انمشي نكوموندي لينا شي حاجة ونشيفط لي يجيب ليك دوايات شوفي كنواعدك انعوضك على كلشي غير ثيقي فيا
روح:هههه نثيق فيك ضحكتيني على اساس باقي ليا اختيار اخر هه راك نتا لي باقي ليا إلا كانت دنيا وخانتني كيفاش بغيتيني نتيق فشي حد آخر
ناضت وقفات فشلانة وقف معاها دغيا شدها
صرب:فين باغا تمشي
روح:متخافش مغادا لحتا بلاصة مبقا عندي فين نزيد مزال بغيت نمشي نعس
صرب:أجي معايا
داها لواحد من البيوت حيت كانو ربعة كان مفرش بالباج والماغون حتا هو لا يقل رقي على باقي الاثاث داها للدوش لي كان تم مشا شعل ليها لما سخوون فالبينواغ ودار ليها باندوش برائحة الفريز عاد رجع عندها
صرب:دخلي دوشي وجدت ليك كلشي انحط ليك متلبسي فوق الفراش اك
روح:(اومات ليه راسها)شكرا
دخلات بقا متبع ليها لعين حتا دخلات عاد خرج عيط على رجالو يجيبو ليه دوا وحوايج ليها وليه عاد كوموندا من كينتاكي الغدا وجلس كيتسنا جاو رجالو جابوليه دكشي كلو لي طلب هز لي ساشي لي فيهم لباسها هي وداهم لبيتها سمع دقان ثاني مشا حل كانو صحاب ديليفيري خدا دكشي لي طلبو وداه للطبلة ستف دكشي فوقها وجلس كيتسناها
أما هي دخلات حيدات حوايجها ودخلات للدوش غمضات عينيها ومشااات نعسااات كتحاول تهرب من واقعها
بقا يتسناها شي ساعة ووالو مكينش حسها مشا لبيتها ملقاهاش ومسمعش الحس فدوش جاتو فبالو فكرة وحدة دق بالباب بجهد
صرب:رووح واش نتي لباس حلي الباب
حلات الباب ديك ساعة لاوية عليها فوطا وحنيكاتها حمرين وشعرها فاازك مسرح ورا ضهرها طلعها وهبطها
روح:ها أنا جايا خرج عفاك
صرب:(مزال ساهي فيها حتا خنزرات وفاق من القلبة)اه واخا
خرج ومشات هي هزات دوبياس فالبيض وبيجاما فغوز والبيض ودوني لتحت لبساتهم و خرجات عندو جلسات قدامو
صرب:يلاه كولي مزياان باش تردي الجهد
حدرات راسها ومجاوباتوش بقات تلعب بالفورشيط وتقرقب فطبسيل مكالت والو قرب حداها وبدا يوكلها بحال البيبي وهي مستسلمة ليه كليا مخلياه يدير لي بغا كملات طبسيلها وعطاها دوا وناضت مشات للبيت نيشان تخشات فالفراش واستسلمات لنوم عميق