الشيطانة الفاتنة

الجزء 185

روح:إلا وقعات ليك شي حاجة انموت ا صرب عمرك تفكر تخليني شي نهار عمرك
هزات يديه واخا ثقيلة مع مرخية باستها بجهد وحطاتها على خدها ودموع حلفو لا حبسو
حس براسو ولا بيخير هز راسو من على صدرها واخا مساخيش ولكن أكبر عدو لحبو هو كبريائو وواخا معرت اش دير كتبقا مرات رجل آخر يلاه بغا ينوض شداتو
روح:فين غادي خاصك ترتاح
صرب:طلقي من يدي ا روح قبل منفوت فيك شي دقة
روح:حتا تقول ليا مالها يدك خاصك ضروري تمشي لطبيب...
صرب:حنين بنتي اه ولا لا
دعقها مخلا ليها فين تزيد شي حرف حسات بقلبها سكت وفمها بيض
صرب:غادي نسولك ولأخر مرة واش حنين بنتي
روح:(تداركات راسها دغيا)اش كتخربق نتا واش حماقيتي حنين احم بنت بنت اوزان
صرب:كيفاش قدرتي ديريها كيفاش قدرتي تزوجي وتخلي رجل آخر يقيسك ا روح فاش قصرت معاك كنت مستعد نوقف فوجه كلشي على قبلك
شدات ليه يديه بيديها بجوج وشافت فيه بترجي
روح:ثيق فيا هادشي لي كانديرو على قبل حنين على قبل حياتها أنا صابرة (عينيها عمرو بدموع) صرب شوف فعيني شوف مزياان فيهم شنو كتشوف نتا لي ساكن قلبي سمعتي نتا هو الوحيد لي دخل لقلبي لا قيس ولا غيرو دخل ليه من غيرك واش عارف شنو هي اكثر حاجة بغيت ا صرب بغيت نغوت ونقول ليك بلي اوزان مهددني بحيات بنتي بلي أنا كنبغيك غير نتا وداك الزواج غير على الوراق بغيت نرتاح ونريحك بغيتك تجمع ببنتك واش عارف شنو هي اصعب حاجة عشتها هي نكدب على بنتي ومنقولش ليها بلي نتا باها ضميري كيقتلني كل ليلة خايفة نموت شي نهار وتبقى مع اوزان ونتا باها الحقيقي وفنفس الوقت خايفة نقول ليك ويقتلها ليا(فاقت من سهوتها) خرج ا صرب ومتبقاش تبني آمال عليا وكيف ماحيدتك من حياتي حيدني منها حتا نتا انا منصلاحش ليك
عطاتو بضهر وطلقات العنان لدموعها سمعات الباب تردخ عاد ضارت سدات فمها باش تحبس راسها ومتغوتش ونزلات على ركابيها كتبكي شوية دخلات أنغام شافتها على ديك الحال عرفات بلي شي حاجة واقعة طارت عندها عنقاتها كتخفف عليها حتا دخل عليهم اوزان كيف شافتو ناضت دغيا تلاحت عليه كضرب فيه وتغوت وتبكي
روح:كلشي بسبابك الحقير كلشي انا غادي نقتلك الحيوان انقتلك كيف قتلتيني (شدها من يديها وحكمها بقات تغوت بطريقة هستيرية حتا سخفات ليه على يديه جلسها فوق الكرسي)
أنغام:متقربش ليها خرج برااااا
اوزان:نتي لي غادي تخرجي برا بغيت نبقا مع مرتي على انفراد
خنزرات فيه وخرجات مبغاتش تجابد معاه حيت إلا عرف قالت ليها صراحة مغيدوزهاش ليها بقا كيضرب فخدودها بشوية حتا بدات تفيق وكتسترجع شنو واقع مبقاتش دوات كتافات غير تبكي شدها من فكها وورك بغات تبعد وجهها ولكن مقداتش
اوزان:رخفت ليك اللعب بزاااف مبقيتيش كتفكري فالعواقب ولا شنو اش هاد لعب دراري صغار وليتي ديري
مجاوباتوش بعدات وجهها منو باشمئزاز
اوزان:إلا عاودتي هاد الحركات ديال تبرهيش غادي ندمك
روح:خرج برا
اوزان:متهزيش صوتك عليا
روح:خرررررج براااااااااا
مرمقها معاها حتا بانو ليها النجوم عاودها وحدة آخرة
اوزان:جمعي راسك القحبة ماشي طلقت ليك اللعب غادي طلعي ليا فوق راسي متنسايش شكون أنا وشنو غادي ندير فداك ميخي ديالك
روح:رحمني وقتلني روحي عيات عييت قتلني وريحني هءهء لاش أنا لاش خليتي العالم كلو وجيتي ليا أنا شنو دنبي فاش اديتك
اوزان:(جرها من شعرها) لي نقولو ليك ديريه وتحدري راس متجبديش الشيطان لي فيا راك مزال مشفتيه
روح:نتا مريييض مرييييض

خنزر فيها وخرج مني شاف عائشة دخلات هي وحنين حتا هي ناضت من بعد مامسحات دموعها هزات حنين وخرجات محاملة تشوف حتا حد مشات للمصعد لقاتو كيتسنا قدامو يلاه بغات تقلب الطريق وتمشي شدها من يديها وجابها لعندو