الشيطانة الفاتنة

الجزء 195

قطعات عليه قبل ماتطلق دموعها هزات تيلي كترعد عيطات للاوزان قالت ليه يجي عندها جلسات كتسنا فيه ودماغها كيخمم فشي حل سمعات تيلي ديالها كيصوني قفزات مع كانت شاردة هزاتو جاوبات بلاما تشوف
جوري:اول الحب
روح:هءهء عفاك ا جوري متخلينيش نديرها ندير لي بغيتي عفاك
جوري:منصحكش تلعبي ورا ضهرنا وإلا راك عارفة شنو كيتسناك وحاجة اخرة راك مراقبة
روح:كيفاش مراقبة...
قطعات عليها خلاتها اتحماق طلعات عينيها فالبيت كتشوف واش كاينة شي كاميرا ولا شي حاجة سمعات دقان قفزات مشات بخطوات فاشلين للباب من بعد ما لبسات الغوب دغيا لقاتو اوزان دخل من بعد ما طلعها وهبطها هز حاجب مبتاسم
اوزان:توحشتيني ولا شنو ههه
روح:(سدات الباب ودارت عندو وججها صفر)جيتي دغيا
اوزان:لاش جينا لهنا ومالك بحال المصدومة
روح:(كتخرج كل حرف بزز بحال إلا شي حد كيدوز عليها بموس حافي)كنتي بغيتي زواجنا يولي حقيقي
اوزان:اممم شكون كره هاد زين كلو هههه
روح:(بلعات ريقها)انا أنا موافقة

عند صرب
كان متكي فبيتو كيشوف فسقف وكيخمم فكرة ديه واخرى تجيببو سمع تيلي وصل فيه ميساج هزو لقاه نيميرو بريفي حل الميساج بظا كيقرا ناض جلس دغيا
"إلا بغيتي تعرف حقيقة روح أجي للغرفة ديالك فالفندق ..."
حك على لحيتو كيفكر ناض لبس كويرتو وخرج كيجري
جوري:(كضحك هي وجنات)فين غادي اخويا
خرج بلاما يجاوبها ركب فلوطو وعفط عفطة وحدة حتال للوطيل
#روح
اوزان:ههههه كدوي بصح
روح:(حدرات راسها)اه
اوزان:(قرب ليها شدها من خصرها ولصقها معاه)اممم اصلا كنت مشهيك
هزات راسها فيه محاملاهش كتحس براسها كتموت موت بطيئ قرب ليها ونقض على شفايفها يلاه بغات تبعدو سمعات لباب تحل بجهد حلف اوزان لا بعد بقا يبوس ويديه كتقيس فجسمها شافت صرب عينيها خرجو وحتا هو كان باين عليه مصدوم حاولات تبعد اوزان بيديها لسق بحال المسكة
روح:امم امم (عضااتو غير طلق فمها دفعاتو)صرب سمعني انا...
مشا قبر ما تكمل يلاه بغات تبعو شدها اوزان من يديها
اوزان:ههههههه شنو واقع مالو العاشق الولهان
روح:هءهء طلقني الله ياخد الحق فلي كان سبابنا فهادشي الله ياخد فيكم الحق
دفعاتو ومشات كتجري هكاك حفيانة وشعرها فازك ورا ضهرها طاااير فالهوا خرجات قدام الاوطيل حسو مكاينش وقفات شدات راسها بيديها كتبكي بحرقة
روح:هءهء صرب فينك ا صرب فينك
دورات عينيها بان ليها جالس بعييد تحت واحد الحيط فالارض مسرح رجل وثاني وحدة وكيبكي حاولات تستوعب بلي لي كتشوفو واقع وماشي كابوش خاااايب بزاف تمنات تنوض منو بدات كتقرب ليه شافها دار ليها بيديه باش توقف
صرب:(كيبكي بحال الولد الصغير)حبسي متقربيش
روح:صرب سمعني
صرب:متقربيش متقربيش
رجعات جوج خطوات لور كتموت بالبكا
روح:صرب سمعني عفاك هءهء عفاك سمعني
صرب:سكتي سكتييييي سكتيي
روح:(مشات كتجري عندو عنقاتو وغادي تموت بالبكا)سمعني ا صرب عفاك سمعني
بعدها عليه وشاف فعينيها بحقد
صرب:نتي لي غادي تسمعيني كنكرهك كنكرهك كنكرهك كنكررررهك
روح:(كتحرك فراسها)لا لا نتا كتبغيني نتا كتبغيني
صرب:كنكرهك ا روح كنكره كلشي فيك عرفتي شنو عفت حيت قستك وليت كنشمأز منك
روح:عفاك متقولش هاكا كتقتلني هاكا
صرب:كون غير متي بصح داك نهار
عينيه تقلبو ويدو بدات كترعد خلعها
روح:هءه صرب صرب مالك
كيقطر بالعرق وبدا كلو كيترعد كيتهز ويتحط تشوكات لحالتو معرفات باش تبلات
روح:صرب صرب حبيبي مالك صرب سمح ليا دكشي كان كلو كدوب ختك سباب فيق اصرب عفاك انقول ليك كلشي صرررب صررب فيق
جا اوزان كيجري وشي ناس كانو واقفين تم جرها اوزان عندو وهي كتفركل باغا تمشي عند صرب
روح:طلقني طلقني هءهء مالو اش كتسناو عيطو للاسعاف صرررب صرب فيق ا صرب فيق
هزها وداها للوطو وسد عليها فيها
روح:(شنقات عليه)شنو كدير نتا شنو خليني نمشي عندو خليني
اوزان:ماشي علا هادشي تافقنا خليه يموت باش تهناي
روح:اش كتقول نتا وااا حل عليا حل إلا مات غادي نقتلك إلا تمسات فيه شعرة غادي نقتلك
اوزان:سكتي
روح:(كضرب فيه)نتا سرقتيييييي حياتي قتلني هءء قتلني وهنيني قتلني هءهء
بان ليها السلاح هزاتو دارتو ليه عند راسو خرج عينو
اوزان:حطيه راه عامر
روح:حل الباب
اوزان:حطيه ا روح
روح:قلت ليك حل الباب
مبغاش وركات على الزناد حتا قلبو كان ايخرج من بلاصتو ولكن متخرجاتش القرطاسة حيت فيه غير وحدة إلا وركات مرة اخرى راسو ايتفركع هو وزهرو

مبغاش وركات على الزناد حتا قلبو كان ايخرج من بلاصتو ولكن متخرجاتش القرطاسة حيت فيه غير وحدة إلا وركات مرة اخرى راسو ايتفركع هو وزهرو

اوزان:شنو درتي
روح:حل الباب
حلو مخلوع خرجات كتجري لقات للومبيلونص يلاه وصلات طلعاات معاهم دغيا وزادو
روح:هءهء مالو
الممرض:جاتو شي كريز معرفناش سبب ديالها
روح:مغادي يوقع ليه والو
الممرض:كلشي فيد الله
شدات ليه يدو كتبوس فيها وتبكي حتا وصلوا مطلقاتها حتا دخلوه للمستعجلات عاد مشات جلسات قلبها كيتحرق حتا رجليها حفيانين كلهم تجرحو
خرج عندها الطبيب طارت عليه
روح:كيف بقا شنو وقع ليه شنو دكشي واش ماشي شي حاجة خطيرة ياك ياك هو غادي يعيش ياك
طبيب:بشوية عليك ابنتي اجي معايا للمكتب
روح:واخا
مشات معاه جلس وهي بحال إلا جالسة على العافية
طبيب:سيد فيه مرض البينكاركنسون
روح:كيييفاااااااش
طبيب:للاسف الالة وفمراحل متطورة خصوصا انه كيتعصب بزاف
روح:تسنى تسنى بغيتي تقول بلي سيد لي جيت معاه فيه مرض البركنسون
طبيب:وي
روح:لا لا ميمكنش ميمكنش
طبيب:اكيد هو ايكون عارف حيت المرض طور وخاصو يخضع لعملية فأقرب وقت
روح:(ناضت شنقات عليه)كتسطا عليا ولا مالك ا كيفاش خاصو عملية وداك الكرض معندوش علاج معندوووش
طبيب:تهدني اختي راه هادشي ماشي بيدينا
روح:كيفاش بغيتيتي نتهدن ا كيفاش هداك لي كيموت تم راه روحي حياااتي دمي كلشي عندي
طبيب:وشنو ندير الالة قداء الله هادا طلقي قبل منعيط للاسعاف
تهدنات ورجعات جلسات دوات معاه على العملية وبلي غادي يخصو يدير عملية عتادرات منو وناضت محطمة كصر من لول مشات لغرفتو دخلات لقاتو مجبد عمرها شافتو هكاك ضعيف خاطرها تقبط عليها مشات حداه شدات ليه يديه كتبوس فيها دموعها شلال
صرب:(بصوت عيان رجولي)شنو جيتي ديري هنا
هزات راسها فيه ناضت وقفات عند راسو باستو وباست فمو بعدو مغوبش
روح:لاش مقلتيش ليا بلي نتا مريض
صرب:حيت مبغيتش نشوف هاد الشفقة فعينيك
روح:مغنشفقش عليك ولكن لاش مدرتيش العملية
صرب:مشغلكش
روح:حياتك مكتهمكش؟؟؟
صرب:خرجي
روح:سمعني غادي تسمعني بزز منك مبقاتش حياتك كتهمك إلا مكنتيش اتعيش على قبلي ف نتا مضطر تعيش على قبل بنتك