الشيطانة الفاتنة

الجزء 32

روح:اوووف هادشي صعيب فوق مكنت متصورة
شوية سمعات تخرشيش بالبالكون لي ملاسق مع ديالها مجات فين دور حتا لقاتو واقف عليها بحال ملك الموت علات راسها فيه حيت يلاه كانت واصلة لصدرو
روح:متا اشنو كدير هنا
قيس:سمعت هضرتك نتي واياد
روح:(معصبة)كتسنت علينا ولا شنو
قيس:(كيقرب ليها وهي كترجع لور)لا غير بالصدفة سمعت حيت كان كيغوت
روح:(وصلات للحافة مبقا عندها فين ترجع)وشنو شنو بغيتي
قيس:شكون ضربك
روح:ونتا مالك
قيس:من هاد اللحضة ايولي مالي إلا تمسات فيك شعرة وحدة غادي تقوليها ليا
روح:(وترها قربو ليها)ولاش بسلامة
قيس:(تحنا عندها وكيدوي بشوية)حيت نتي بنت عمي الغزالة
روح:(كلها كترعد)بعد لهيه
هو عاد كيزيد يقرب حتا تخالطو انفاسهم و مبقا والو بين شفايفهم تفكرات روح دوك القطايعية ولاو عينيها بحال الكبة ديال الدم دفعاتو بحر جهدها و بعدات عليه
روح:يا ويلك يا وييييلك تقرب ليا ثاني ندبح ونقطعك طراف ونلوحك للكلاب وتا واحد مايجيب خبارك
قيس مصدوم كيفاش تحولات يلاه كانت هادية وبحال الملك ودابا عينيها ولا بحال ديال شيطان منضرها كيخلع
قيس:اووك تهدني مغنقربش ليك مي قولي ليا شنو واقع ليك واش دار ليك شي واحد شي حاجة
روح:مشغلكش بعد مني ومنشوفكش ثاني دور بساحتي
قيس:ممبعدش حتا تقولي ليا مالك
روح:بغيتي تعرف مالي (قربات ليه)كنكرهكم كنكره رجال مكنطيقكمش مكنستحملكمش
قيس:شي واحد دار ليك شي حاجة
روح:قول شي وحدين دارو ليا و دارو ليا بزااااف
قيس:أنا بوليسي ونقدر نعاونك غير عاودي ليا
روح:قيس الله يرحم جدك رجع لبيتك ونسا شنو واقع وأنا ممحتاجاكش تعاوني قادرة نحمي راسي
قيس:غير...
روح:سير ا قيس قبل منجمع عليك أمة محمد لي كينة فهاد القصر
دخلات لبيتها و خلاتو معرف ميدير حار نعاها فالاخير مشا رجع لبيتو أما هي دخلات لبيتها وهي كلها كترعد بقات غادا جايا وكتفكر فداك نهار لي تغتاصبات فيه فجأة خرجات من البيت دغيا و هبطات كتسلت خرجات لبرا لقات لي كارد مستفين عند البوابة الكبيرة
روح:حلوا هاد الزمر
الكارد:واخة ا لالة
خرجات لقات لوطو ديالها جابوها ليها رجال جابر وحطوها بعيدة شوية على القصر مشات ركبات فيها وغادا بسرعة الضوء كاع السيارات دوبلاتهم وصلات للمنضمة
عند الفرقة
كانو مجموعين فواحد الصالون كل جوج شادين الحتيت مع بعضهم
كان سعد كيدوي مع مو فتيلي
سعد:الو الوليدة لباس ايه لباس الحمد حتا أنا توحشتك راك عارفة الخدمة اه اه كنت مشغول راك عارفة خدمتنا مكتقاداش أنا دابا فالبرازيل لا لا متعيطيش راه ممنوع علينا خلي حتا نعيط ليك أنا واخة واخة اه كنعس مزيان حنا بحال الملوك هنا متخافيش واخا انرد البال اييه اناكل مزيان سلمي على الوليد بسلامة
كلشي كان كيشوف فيه
دايمون:اييه نتا شنو واقع
سعد:الوليدة عند بالها أنا خدام مضيف فالطيارة
هجر:ههه كيفاش
سعد:منقدش نقول ليها راني مفكك قنابل عاد إلا ساقت الخبار فمنضمة سرية وماشي قانونية تموت فبلاصتها
جوزيف:وحتال امتا اتبقا مخبي عليها
سعد:مخصهاش تعرف
ميرا:لا لا معندي ميتسالك ودابا إلا تفركعتي شي نهار سعد:ههه ديك ساعة غادي نتفضح الوليدة اتهاجم ليكم هاد المقر ههه خاصكم تردو ليا البال بحال عينيكم
دايمون:على الاقل كون غير مكنتيش مفكك ديال القنابل
سحر:اتفرجع وتولي فاخرة اصاحبي
نادر:مك مغتقد حتا تشوف جثثك
ميرا:نوو بيبي يقدر يبقا صبعوا صغير صاين تعنقوا المرا مسكينة وتحيد الشوق
تهزو كلهم كيموتو بضحك
دايمون:تسناو تسناو معادي يموت حتا واحد هنا قبل مني
كيم:شنو عندك حجز فالاخرة ومافخبارناش ولا كيتسناك شي حد
دايمون:اوا ا لالة بابا مات فهاد المنضمة و جدي حتا هو وجد جدي وجد جد جدي كلهم ماتو هنا
ميرا:ما شاء الله
كيم:على حساب هادشي لي قلتي واخدين شهادة الوفاة كلكم من هنا
دايمون:تماما داكشي لاش إلا كان شي واحد غادي يموت هنا فغادي يكون أنا
كيم:لا لا العسل كيقطر من فامكم هدشي باش تفايلتو علينا حنا مجيناش هنا باش نموتو مي باش نعطيو الحياة
نادر:ولكن البرازيل ختيار زوين ا سعد تعرفت تماك على واحد الانسة (بدا يصفر)قوووقة كان شعرها صفر بحال الذهب العينين زرقين بحال البحر لبس شورطك ودخل ليها وعوووووم اححح فكرتيني اصاحبي
زاك:اووه هاهو بان زير النساء ديال الفريق
نادر:مكنقبلش كلمة زير بغيتها بزاااف وحتا هي بغاتني بزاف عشقنا بعصياتنا بزاف
زاك:شحال دوزتو مع بعضياتكم
نادر:ساعة ونص تال ساعتين
كلهم تهزو صاني بضحك
نادر:لاش كضحكوا كنقول ليكم هادي كانت اطول علاقة ليا مع شي وحدة
دخلات عليهم روح كيف الرعدة وقفوا كلهم كيشوفوا فيها
روح:الوحش و دايمون يتبعوني
دايمون:امرك شاف